The Flame Bar & Restaurant

Chubby Bowtie 2 個月前

觀塘呢間西餐性價比幾高，Lunch set $68起，有齊主菜、是日餐湯或沙律、餐飲，仲要有買3送1或者全單85折。 王牌焗西班牙豚肉飯係經典嘅滋味，招牌手打牛肉芝士漢堡，漢堡扒入面非常有肉汁，側邊配埋有口感嘅薯條，令人好滿足 。香煎盲曹魚柳外皮煎到金黃香脆，點少少他他醬食，味道幾啱我口味 。

Lau Larry 4 個月前

星期日同太太兩人去食。食物出品幾好，服務都可以。

Ani MG 1 年前

ENJOY👫🏻二人餐｜超推火焰法式Crème Brûlée💯 假期到了，相約朋友去唔同嘅餐廳聚舊！現在興北上消費，我決定留港支持！朋友推介我一間餐廳，佢話lunch嘅時侯都會有人等吓位，試過環境幾舒服配柔和燈光，最緊要嘢食都唔錯。 【The Flame Bar & Restaurant】，呢間位於亞太中心嘅餐廳以西式多國菜為主打，裝潢特色非常吸引。牆上掛咗幅吊橋主題嘅風景照片，配埋柔和嘅復古燈光，整體感覺舒適又帶點懷舊氣氛，無論係浪漫約會定係朋友聚餐，都非常適合。 去到餐廳係7點半左右，餐廳都已經滿左7成人，入面地方都幾大，差不多E形既舖位，就算爆場的話都會覺得闊落，每張枱之間都好寛鬆，完全冇壓逼感。 MENU簡單地點了一個二人餐，我見佢有個牛扒任食Package，在場男士都有點喔！ ✨香煎大蝦沙律 開場菜點選咗香煎大蝦沙律，果然係一個好開始。大蝦煎得外層微微焦香，內裏鮮嫩多汁，蝦味十足。沙律菜新鮮清爽，配埋少許清新嘅沙律醬，帶出一陣酸甜清香，為味蕾打開序幕！ ✨羅宋餐湯 佢哋嘅羅宋湯比想像中濃郁，滿載番茄嘅自然甜味，同埋煙韌嘅牛肉粒。湯底煮得好入味，每啖都感受到西餐經典嘅地道滋味，特別適合冷冷嘅天氣享用！ ✨西班牙海鮮燴飯 主菜之一係西班牙海鮮燴飯，絕對係一道視覺同味覺雙重享受嘅佳作。 飯粒煮得軟硬適中，帶有濃郁嘅高湯香氣。海鮮料非常足，蝦同帶子都新鮮彈牙，每一啖飯都充滿海洋嘅味道，令人忍唔住一口接一口！ ✨西班牙伊比利黑毛有骨豬扒 豬扒煮得啱啱好，肉質嫩滑多汁，帶有一絲絲脂肪嘅香味。用鹽同胡椒簡單調味，將豬肉原有嘅鮮味完全帶出，骨邊位更係油香濃郁，值得細細咀嚼。配菜亦有心思，搭配咗醬汁同烤時蔬，為整體菜式增添層次感！ ✨火焰法式Crème Brûlée 甜品環節必點嘅火焰法式Crème Brûlée，外層焦糖即場用火槍燒到脆卜卜，敲下去聽到「咔嚓」聲，內裏係滑溜溜嘅奶香蛋漿，甜度適中，帶有淡淡嘅香草味。睇住啲火燃燒嘅過程亦係一個享受！ENCORE！！！！💯 ✨Tiramisu 佢哋嘅Tiramisu同樣係高水準之作，咖啡味唔算太濃，但奶油同芝士嘅口感非常綿密細膩，甜而不膩，作為飯後甜品就啱啱好！ ✨Cocktail: Expresso Martini & Mount Fuji 飲品方面，Expresso Martini係一款驚喜之作，濃濃嘅咖啡香氣加埋酒精嘅微醺感，調酒甜度比一般略高，非常適合作為餐後提神一杯。 Mount Fuji就以梳打酒精為基底，加上奶蓋，酸甜之餘又帶有奶香，外觀真係整到一座好靚嘅富士山樣，口感輕盈而層次分明！ 【The Flame Bar & Restaurant】無論前菜、主菜到甜品同飲品，每一道菜都可以感受到廚師嘅用心。同時，裝潢氣氛亦令人放鬆，最值得推薦係火焰法式Crème Brûlée！！！

Wing Sum Lam 2 年前

Ig: gan_ngo_wan_sik 🍊觀塘超抵食鋸扒西餐🍊 今日同朋友去咗觀塘亞太中心一間叫「The Flame Bar & Restaurant」嘅西餐廳，見到有個超值嘅週末套餐，逢星期六日就可以用超值價$398買一送一食10安士澳洲肉眼扒！呢個價錢就已經可以享有兩塊10安士肉眼扒同兩大筒炸薯條，仲可以另外加$38嗌凱撒沙律/ $15嗌是日餐湯/ $25嗌是日甜品。 今日嘅餐湯係洋蔥忌廉湯，洋蔥嘅味道濃郁，忌廉味道唔會太膩，表面有橄欖油，令到成個湯口感順滑；炸薯條用一個桶裝，份量非常充足，而且即叫即炸，咬落去非常爽脆；凱撒沙律嘅沙律菜都好新鮮，配上黑醋同Parmesan cheese，開胃得來又可以中和牛扒嘅油膩感；10安士嘅澳洲肉眼扒好大塊，面積大得來又好厚身，一塊嗌咗medium raw而另一塊嗌咗medium，兩塊扒都煎得啱啱好又唔會過熟，食落都好重肉味，油脂煎完出嚟好香；是日甜品係Tiramisu，味道唔會太甜而口感豐富；另外嗌咗兩杯cocktail，Virgin Mojito同Fruit Punch水準亦都正常發揮，呢一餐真係食到好飽，weekend嚟食性價比好高！ 📍觀塘觀塘道414號1亞太中心3樓303號舖 位置就腳：🍊🍊🍊🍊🍊 餐廳環境：🍊🍊🍊🍊 食物味道：🍊🍊🍊🍊🍊 整體CP值：🍊🍊🍊🍊🍊

Daniel Kan 2 年前

說到食扒就令我諗起呢間餐廳，所以今次諗住試下新嘢。晚餐時段可能假期前夕係滿座。餐廳環境舒適，氣氛輕鬆愉快，適合同朋友一齊嚟享受美食！佢裝修好有西式風格，服務有啲貼心，會自己問使唔使拎碟比你，同推介邊款Cocktail好飲。今次都好好彩可以坐到面對廚房嘅枱位，可睇住入邊個廚房煮嘢食，同埋睇到啲廚師好忙咁，有時有嗰煮野食火光睇下幾有feel。餐廳的份量十分充足。這些菜肴不僅味道出眾，而且盤子上的擺設也非常精緻，很高級。餐廳價位中等，考慮到提供的食物質量和服務水平，我覺得這是一個相當不錯的選擇。