URBAN Cafe (觀塘駱駝漆大廈第1座)

魚魚 上次編輯：1 個月前

說實話體驗感不太愉快，朋友覺得唔貴再帶我地去同貓玩，星期日下午茶低消100位，晚餐$80位，實在性價比高。 但由入門口一直都出問題，鞋套不停卡，幾個人著鞋套攪好一陣子，然後消毒機又冇水要等職員，我地可能人多，有行近玻璃的枱沒有給我哋（因為近中間都我覺得比較多貓），而俾右靠窗邊位置，重點是沒有冷氣，全時間都是熱的，我走動過發現只有門口/近中間空地/玻璃房裏面先有比較感受到有冷氣。貓大多集中門口及在中間的空位，小朋友就會頻繁走動加上會多聲，佔到中間位置的家庭非常不滿人走動會騷擾所以黑面真無言！建議不想被多人圍住，預早同職員講要靠邊位置。或是職員先提醒位置是多人圍住或走動。 差👎：❌以上全都差都同時發生，❌很熱，❌自助水杯裝幾多杯水都有油，唔知那裏出錯。❌洗手間味道很大。❌還有一小部份食客質素！ 讚👍：⭕️貓，⭕️食物，⭕️後來的食客都很有禮貌，⭕️幾十至一百得價錢有野食有貓陪是超值了。 另外超讚的👍👍👍👍👍👍因為我們有超時體驗！待了很長時間❤️ 但不會再來，待了多久，❌熱就有多久🥵

goldenboy金仔共修 9 個月前

食物味道好，咖哩/湯烏冬/肉醬千層麵好正！ 室內呈長方型，一眼睇哂，就算行開玩貓咪，也放心放下大包包 貓咪十多只，唔知屬多/少，牠們會自由行上你餐桌面，好新奇的體驗！

mmmleemaple 上次編輯：1 年前

今次黎到號稱全港第二大間嘅貓cafe URBAN cafe 全場超多可愛貓貓 仲要全部都任摸唔嬲 好乖好cute cute🥹 我係第一次去一間貓cafe 啲喵星人全部係攤晒喺枱面 完全唔驚人 就算唔餵貓條零食都唔會匿埋😍 入場前需要先穿鞋套同消毒雙手 然後就可以同貓貓親密互動喇😍 而就算你唔刻意去搵貓貓 好多貓貓都會全場周圍行 甚至會主動上你張枱度訓教😂😂 我仲留意到店員同貓貓嘅互動 絕對全部都係愛貓之人❤️ Urban cafe 除左有貓玩 食物都有落足心機 主食、小食、飲品選擇勁多 仲有套餐可以揀 掛住玩貓嘅我地揀左二人餐 兩個主食味道都好好！ 仲有炸物拼盤 份量足 蘆筍野菌青醬忌廉意大利飯 意大利飯夠creamy 安格斯牛肉手工漢堡配薯條 漢堡扒有肉汁👍 我最喜歡就係urban cafe有好多特式飲品 玫瑰紫米酸奶 玫瑰糖漿香甜 紫米酸奶有口感 酸酸甜甜易入口 有貓有食嘅日子真係最幸福㗎❤️

Florence Leung 2 年前

呢間Cafe有好多貓貓熱烈嘅歡迎 可以買貓糧，買抖貓棒同佢哋玩，任摸唔嬲 見到唔同大細，唔同品種嘅貓，好開心🥰 但可惜食物真係一般。 也許要養咁多貓仔，都唔容易經營， 食物價錢同質素，並不合乎比例，有點失望。 酥炸牛奶卷 $48 全餐飯最好食係呢碟小食，價錢亦都合理 方包包住牛奶，鬆脆好食， 其實口感就係似大良炸鮮奶 墨魚汁海鮮意大利飯 $108 海鮮唔多，一隻蝦，一隻青口，其餘係雜菌， 飯量好多，墨汁偏鹹， 意大利飯太林，沒有咬口，食咗一半放棄了 菲力牛柳配黑松露燒汁 $148 以為Cafe質素 會問幾成熟，點知冇嘅 煮熟咗嘅一嚿牛扒，肉質好硬好韌 切咗一大輪先切得開🥲 Cafe價錢，快餐質素 香草薄荷朱古力（熱） $54 好一般，開粉朱古力，加薄荷漿 沒有預期嘅香濃幼滑 Oreo脆脆特濃朱古力（凍）$58 都ok嘅，偏甜

Rayray 3 年前

跟朋友去貓cafe係我第一次見識吓，地址係觀塘開源道62號駱駝漆大廈第一座6樓，依間貓Cafe嘅面積比想像中大。 去到首先穿上鞋套方可進場，眼見四週好多 活潑可愛的貓貓，親人又嗲，有啲自由自在行緊真正嘅catwalk，有啲貓貓還睡在覺。 我們點咗四人套餐，餐湯係南瓜忌廉湯，質感好滑，菠蘿沙律好醒胃。 東瀛蟹籽芝士日式咖喱牛肋條飯，咖喱有少少甜牛肋條不會過淋有口感，都有肉汁，仲有少少蟹籽 咀嚼時感覺爆吓爆吓味道好唔錯。 慢烤美國嫩雞胸，估唔到制作得好嫩滑又入味，份量足夠。 甜品，蜂蜜桃膠水果乳酪，甜甜蜜蜜好好味。 飲品URBAN CAFE特調咖啡好香濃我鐘意。 跟住落嚟當然同貓貓玩吓，有啲貓好有性格，唔會理我，但係有啲貓好熱情，可以同我一齊合照，當店員敲響匙羹的聲音，貓貓知道晚餐時間到，好快上咗張枱等住喂食，但係貓貓有秩序一隻食咗到一隻，十分之可愛，這次的體驗確係有趣，而且呢度嘅價錢好高性價比，比我以往食嘅cafe價錢仲要低。 臨走前同啲貓貓講聲再見，下次再見！ URBAN Cafe (駱駝漆大廈) (觀塘) 觀塘開源道62號駱駝漆大廈第1座6樓