The Victuals

Alpha 3 個月前

THE VICTUALS X 玖陽館｜四手聯乘晚宴，係中西合璧嘅一餐，創意同味道都幾有驚喜🤭😂。 由鹹魚醬大尾魷到香酥荔芋油封鴨🦆，再到水煮熟成西冷🥩，每道菜都食得出心思，特別係幾道 fusion 菜，做得有層次👍🏻😙最後以非一般楊枝甘露收尾，整體完整度高。💫 加配 5 杯酒品搭配🍾🍷係加分項，趁食物之餘，酒本體又好飲，期待下次嘅同類聯乘活動🤝🏻🤣 —————- ꨄMenuღ —————— 中西合BIG、四手聯乘晚宴 。鹹魚醬本灣大尾魷 。四寶 The Victuals' 牛舌紮 。香酥荔芋油封鴨 。松露黑醋清湯熟成羊肩獅子頭 。龍湯柚皮蝦 。水煮熟成西冷 。蝦喇青魚翅西米粥 。The Victuals'楊枝甘露 ➕$428 5 杯酒品搭配 ————————————————— 用餐日期：2026年6月15日

Mei wai Li 5 個月前

灣仔$598食6道熟成菜！鵝肝泡芙+入口即化牛舌芯 The Victuals 餐廳環境極具格調，酒窖設計更添優雅氛圍，服務方面都好貼心，會解釋每一道菜嘅食法。我哋試咗個 $598 （per one）嘅 6 道菜 Menu，每一道都有驚喜。 ENTRÉES（前菜） ● FOIE GRAS PUFF 鵝肝泡芙 鵝肝泡芙外酥內滑，入面嘅鵝肝醬好香滑 ● 10 DAYS DRY - AGED QUAIL LEGS 10天乾式熟成鵪鶉腿 鵪鶉腿肉質好鮮嫩，熟成嘅香味好突出，好惹味。 ● CRAB TARTARE蟹蟹他他 蟹蟹他他新鮮彈牙，酸甜醬汁點綴得恰到好處 SOUP ● LOBSTER BISQUE 龍蝦濃湯(+48) 湯底濃郁鮮甜，龍蝦味好突出，飲完成個胃都暖笠笠 MAIN COURSE 1 ● KOMBU AGED ENGAWA RICE 昆布熟成喉黑魚壽司飯魚肉鮮嫩多汁，昆布嘅鹹香同米飯嘅溫潤配合得好好 MAIN COURSE 2 ● 14 DAYS CHICKEN OIL AGED “OHAMA” BEEF TONGUE 14天油浸熟成牛舌芯 真係好軟淋，入口即化，油香同肉香交織，完全唔會膩，係當晚嘅最愛 ● PORK LOIN WITH SHRIMP MOUSSE 西式燒賣(+38) 豬肉好鮮甜，蝦慕斯綿密，口感好豐富 DESSERTS ● DACQUOISE WITH CORN NAMELAKA 鹹脆粟米香杏仁蛋糕 甜品好清新，粟米味好濃，唔會太甜膩

Boris Chow 7 個月前

整體好到位，價錢合理，酒款都有啲選擇。 前菜就有啲飄忽。主菜唔錯。甜品出色。 紫菜撻好味，豐富口感，夠新鮮。 豬同海參都有唔錯表現。 柚子魚子沙律，略嫌柚子酸度失衡，尾韻澀味也浮現。 熟成西冷，生熟度控制係好嘅，三舊有一舊，可能邊位，入口就柴左，本身已經少油香，所以更加明顯，其餘2舊就合格。 雞油熟成牛舌芯，好味嘅，雞油未算突出，牛舌芯做到預期，外脆內軟帶肉味，唔錯。 慢煮飲脾鴛鴦腸焗飯，鴨脾肉絲無過老過咸，鴛鴦腸油份均勻香口，正常好味，要再高層次可能要求有埋飯焦了。 甜品， 做得有層次。 朱古力有心機做。提拉米蘇MIX埋焦糖布甸，Mix 得好成功，層次分明亦都好多唔同口感都突出到。只要你唔當佢係意式家庭果隻提拉米蘇，佢係好好味。連圍邊嘅焦糖杏仁脆片都食得出有心機做。整體係幾高水準。

Ka Chun Sin 8 個月前

The Victuals 這家位於灣仔的餐廳，近期在網上討論度頗高。踏入餐廳，那面氣派的酒櫃即刻吸引我嘅目光，上面寫著「DRINK TILL THE LAST MAN FALLS」，另我即刻想飯番杯。不過唔飲野住，入左正題先：就係佢嘅『6 course dinner set』。 首先係前菜。赤貝紫菜撻的蜆湯啫喱鮮味十足。接著的慢煮日本海參配墨魚慕絲，海參軟腍，墨魚慕絲幼滑，口感對比鮮明。香煎松阪豬作為前菜，煎得焦香，肉質彈牙，搭配的青蘋果粒，魚子醬和味噌醬巧妙地平衡了油膩感。 主菜環節更有驚喜。15日乾式熟成咖啡豬梅頭的咖啡香氣深入肉中，形成獨特甘香。14天雞油熟成牛舌芯則軟嫩中帶有豐腴油香，做法新穎。 餐廳的酒單選擇豐富，若想搭配這頓風格強烈的晚餐，不妨從中挑選一支適合的酒，相信能提升整體體驗。 總的來說，The Victuals 的菜品有心思，能在傳統味道上做出新意，搭配專業的酒水選擇，絕對是間有水準的餐廳。

Tony Cheung 1 年前

同老婆的10周年紀念決定帶埋阿仔於The Victuals慶祝。 點解會揀The Victuals, 因為位於港島 (方便老婆及阿仔去家姐度), 屬於扒房，評價唔錯而且價錢合理。 星期六晚7點半準時到達餐廳，地方並唔算大，裝潢略為不似預期，餐廳的A La carte的選擇其實唔多，所以相信大部分客人都會揀選Grand Tasting menu。 剛剛坐低的頭10分鐘感覺係有啲後悔，不過隨著各樣食品上枱，以及晚餐的進程，到完成晚餐後我同老婆都覺得呢餐紀念晚餐選擇適合。 Starter - 帶子嫩滑，推介 - 松板豬配黑松露醬汁，一流 - 龍蝦湯 (另外點) 令到晚餐更加完善 Main course - 個鴨肉配雙腸飯較為一般，而且略為油膩 - 熟成西冷 (7成熟) 未至於好韌，當然餐廳係由提議4成熟，不過我自己怕太生食唔到，份量以Tasting menu來講屬合理 - 老婆的Daily special 比目魚亦都好味，我試咗少少，以我對海鮮一般鐘意都覺得OK Dessert - Tiramisu整體OK, 唔會太甜 - Sabayon香甜但唔覺得膩 整個晚餐滿意，食物美味，環境舒適，服務周到。 觀察到好多枱的客人都有飲酒，雖然我同老婆唔飲，但相信餐廳的Wine list一定價錢合理，選擇吸引。 同場仲見證Eddie向Ashley求婚，祝你地幸福。