Upside Lounge

msfoodie 2 年前

同朋友食完生日飯，有啲意猶未盡想飲返杯，搵到呢間樓上酒吧，入到去見到咁cyber既招牌，即刻要影返張相🤣呢度有分室內外，室內仲有個位可以高歌，室外就一路可以食shisha，一路飲酒吹水。 叫左Fluffy Rose、Dear、Dark Spirit，杯杯都好靚好吸睛❤️ 聽聞佢地既食物都好高質好好食，不過因為我地食完晚飯先過黎飲野無食到，下次有機會一定會再黎試下。

sindy yip 2 年前

啱啱過左聖誕節，唔知大家去左幾多個party呢，等小編今次介紹個私心推介，等大家多個地方去享樂😁 呢間酒吧位置非常方便，非常近銅鑼灣地鐵站，而且走科幻Cyber路線，設有霓虹燈、遊戲枱👾而且佢仲有個戶外大露台，環境好chill，酒吧亦提供多款小食、主食、Cocktail、Mocktail、shisha，啱晒一大班朋友去玩💃🏼🕺🏼 1️⃣ 風乾火腿芝士拼盤 $128 飲酒必備梗係芝士🧀️同ham，估唔到有滿滿一大碟，有2款芝士🧀️同2款ham，款式比想像中豐富，火腿食落好咸香，芝士都好香濃，配酒真係絕配👍🏻 2️⃣ 蛋汁卡邦尼意粉 $98 非常足料，有洋蔥🧅煙肉🥓蘑菇🍄意粉🍝煮得剛好，醬汁好掛麵，仲好濃郁香口🤤 3️⃣ Dear $118 呢度嘅cocktail每杯都好IG-able，👱🏼‍♀️點嘅呢杯充滿少女心，酒杯好似個星球咁，主要用左Vodka同荔枝酒，酒味唔會太重，反而有好香嘅荔枝味，非常清爽，好適合女生飲用。 4️⃣ The Water of Life $118 呢杯同樣用左Vodka做base，再加左青瓜🥒青檸、蘋果🍎蜂蜜🍯調配而成，飲落非常refreshing，用上高身杯，睇落好高貴。 5️⃣ shisha $298(happy hour) $398(Regular hour) 由於👱🏼‍♀️係第一次食shisha，所以職員就調配左一款雜合茶香和果香嘅味道俾我地，入口都幾順暢，每一口都可以享受到濃郁嘅煙霧💨而且都算持久，口味fruity好香。最正嘅係呢度一個價錢已包 4種味道，最多可mix 5種口味，而且職員🧑‍💼非常專業，對shisha好熟悉，可以因應客人要求調配不同嘅味道。 總的來說，酒吧環境非常舒適，空間感十足，最主要提供到美酒同美食，無論係食物、cocktail🍹定shisha，都做得好好，職員服務亦非常良好，所以小編非常推介呢間舒適又放鬆嘅酒吧俾大家。

foodfood_eateateat 2 年前

銅鑼灣鬧市之中，有間較寧靜嘅酒吧，座位寬敞，有室內同露台位可供選擇。Cocktail味道出色，最適合同朋友嘆住酒chill住傾偈🍻 蒜片黑椒牛柳 $88 牛柳散發香濃黑椒味，份量偏多，蒜片香脆，鍾意有口感食物嘅朋友必試。 蟹肉蟹籽意粉配原隻軟殼蟹 $128 蟹肉蟹籽份量多，亦非常掛汁，軟殼蟹外脆內軟，推薦👍🏻 Nutella Frosty $118 味道特別嘅cocktail，杏仁味突出，配搭Bailey's，味道溫和。杯邊有朱古力粉，令整體更有層次。 Dark Spirit $118 Chocolate bitters、橙皮香味濃郁，比其他bar同類型嘅酒相對容易入口。 Double P $118 熱情果味酸酸甜甜，有大量果肉，後勁再有菠蘿香味，味道濃厚香甜😍 Custom-Made Shisha $398 混合蜜桃、仙人掌、香梨、巴西茶味，整體味道清甜，再有淡淡茶味。重點係食左幾個鐘味道依然濃郁，正呀👍🏻 Upside Lounge 銅鑼灣駱克道498號合亞大廈4樓 #igfood#foodie#hk#hkfoodie#hkfood#food#hkfoodstagram#yummyfood#foodstagram#foodporn#foodpics#foodiegram#snapshot#discoverhongkong#delicious#yummy#instafood#foodphotography#eat#eating#香港美食#香港#美食#吃貨人生 #吃貨 #吃貨日常 #銅鑼灣 #銅鑼灣美食 #UpsideLounge #cocktail

Jessica chung 2 年前

地理位置非常方便，鄰近地鐵站，好啱收工之後去放鬆一下，減下壓！ 呢間酒吧嘅老闆非常貼心，將酒吧劃分為兩部分，室內採光度十足，適合玩樂進餐。而室外較昏暗，可以一路飲杯酒一路食下水煙咁傾吓偈。 講起酒，雖然呢間嘅吧檯空間唔算寬敞，但櫥櫃放滿各式各樣、唔同類型嘅酒款，例如基本嘅紅白酒、啤酒、白蘭地酒等…絕對啱哂好酒之人！！！ ✢Poisoned Apple 將較甜味嘅酒混合埋蘋果酒同柑橘嘅酸味，再配搭幾片酸酸甜甜嘅青蘋果，唔鐘意好濃酒精味嘅絕對要嗌一杯試試。 雖然‘Upside Lounge’以酒吧嘅形式經營，但食物質素令我相當驚喜。 ✢ 蟹肉蟹籽意粉配原隻軟殼蟹 拎開酥脆香口嘅軟殼蟹會發現勁多嘅蟹籽，呢刻已經覺得勁吸引！食落醬汁味道好濃郁，而且每一條意粉都做到掛汁嘅效果。重要嘅喺啖啖嘅意粉都蘊藏著大量嘅蟹肉，相當滿足。 ✢ 蒜片黑蒜牛柳 牛味夠濃而且完全冇肉筋，炒嘅火候控制得好好，有咬口但唔韌！而且加入大量嘅炸蒜片，每一啖牛肉都有陣陣蒜香味。 ✢ 粒粒雞軟骨配蛋黃醬 每一粒都炸得金黃香脆，份量亦足夠。最值得一讚喺每一粒食落都爽脆不油，證明好識得控制油溫。 ✢ Melon medley 除咗酒，呢間酒吧有提供Shisha, 都幾受食客嘅歡迎。呢款‘Melon medley’一開頭喺帶有甜甜嘅感覺，之後散發清新嘅味道，每一啖嘅吞雲吐霧，都唔會感覺到刺激喉嚨嘅感覺，反而可以放鬆心情！

Cheng Kelly 2 年前

話說上星期五Happy Friday，我係銅鑼灣發現左一間令我幾驚喜嘅Bar😳之前去過好多酒吧，都係主打飲嘢，環境又暗，啲小食又馬馬地又過$100 🤑呢一間Upside Lounge 都算近期去過環境幾舒服，嘢飲嘢食又好味嘅一間👍🏻😆而家正值萬聖節🎃佢嘅Decoration都好得意✨我覺得呢間Bar都幾適合包場開party😂 1️⃣蟹肉蟹籽軟殼蟹意粉 $128 呢個主食真心出色！❤️😳隻軟殼蟹勁大隻，啖啖肉😋👍🏻而且意粉個醬汁都整得好好食👍🏻好足料，我覺得呢個價錢性價比極高，平時出去cafe食個lunch 都差唔多價錢😋但最重要係好食✨ 2️⃣ Dear🍸 & Double P🍍🍸 (Both are $118) 佢呢間Bar嘅cocktail 全部一律都係$118，我就叫咗杯Double P, 係甜甜地菠蘿口味☺️好易入口，而Dear呢一杯會有Vodka，所以酒精濃度會重啲😛有荔枝同莓嘅味道✨ 3️⃣單骨雞翼&酥炸魷魚圈 (Both are $78) 小食方面我就叫左個單骨雞翼同魷魚圈，佢嘅小食同前菜種類都好多，唔係單單淨係飲野，呢方面幾好😛個雞翼有啲似脆香雞翼，好香脆❤️依個魷魚圈裏面嘅魷魚都唔會整得好韌👍🏻😋我好少何會覺得魷魚圈係好食，因為始終係油炸嘢😂但呢個真心幾好食🥺 ✨推薦指數：⭐️⭐️⭐️⭐️️🌟️ (滿分五粒星，⭐️=一粒星🌟=半粒星)