V POINT

Toby Chan 4 年前

📍無老鍋 聽聞無老鍋進駐香港，火鍋愛好愛一定要嚟。 唔洗去台灣，在香港也可一嘗台灣火鍋的味道。 無老鍋香港分店，位銅鑼灣V point , 入到去環境超寬敞舒適。 有卡位式設計，位與位之間空間感十足👍🏻 員工服務態度一流，自動添加鴨血同麵包豆腐。 鴛鴦鍋（冰淇淋豆腐鍋+無老辣香鍋）另加左兩粒冰淇淋豆腐（$10/粒）係魚漿同花枝漿製成，甜甜滑滑。 這裡麵包豆腐跟鴨血是任食的 味道非常之好，豆腐吸收左湯底，味道香濃棉滑，鴨血軟淋入味，要回吃再回吃😆 手工蝦丸（台灣直送）黑椒濃汁牛丸，爽彈鮮味。 特選牛拼盤 牛邊抓、執門柳、牛頸脊、牛黃喉，肉質鮮嫩、充滿牛味，牛黃喉爽脆可口👍🏻 鮮甜蔬菜🥬盤 款式很多，一大盤很非抵食。中間有木耳，平日比較少出現，但很爽口好味。 薄餅青檸梳打，入口清新，吃肉多飲這個非常適合，有即時消滯感覺。 水蜜桃🍑沙冰，埋單之時有這個送上，味道消新，有解膩作用。 📍無老鍋 銅鑼灣登龍利18樓V Point 5樓全層 Taste : 8/10 Service : 8/10 Environment : 8/10 Revisit : 8/10 #銅鑼灣火銅 #銅鑼灣美食 #無老鍋 #hongkong 🇭🇰 #hkig #hkfoodie #hkfoodlover #hkfood #hkfoodshare #foodpron #foodstagram #hkdaily #relex #smile #happy #happiness #cameraeatsfirst #hkstyle #hkstylelife #yummy

mjqueen7e 5 年前

近排經常嚟登龍街搵食，繼早前到訪了永光中心地下嗰間新開嘅冰室後，這晚又再次出動，而今次嘅目標就係 V Point 28 樓嘅「川粵時光」。 其實 bookmark 咗呢間川粵菜館好耐，餐廳嘅景觀真係好正，不但坐擁維港全海景，而且仲可以遠眺對岸尖沙咀萬家燈火的繁華景象，環境優雅舒適。 難得今晚有人自動請纓，話要負責點菜，我當然樂得清閒。 先嚟幾款前菜， 平時出街食飯好少會食到呢種酸辣魚皮，估唔到咁爽脆，入口涼浸浸，爽中帶滑，滑中帶香，滋味難忘。 蒜泥拍青瓜味道亦唔錯，清新爽甜，口感好 fresh，用來做涼拌菜就最適合不過，十分開胃。 另外呢客青椒皮蛋亦挺得人歡心，青椒鮮嫩翠綠，入口辣勁十足；皮蛋晶瑩剔透，加上半凝固的溏心蛋黃，非常美味。 接著上桌的黃金南瓜，亦好值得推介，色澤鮮豔，很討喜，加上每一件都沾滿了濃郁起沙嘅咸蛋黃，入口鹹香惹味。 主菜點咗客水煮滑牛肉，牛肉非常新鮮，肉質嫩滑帶嚼勁。至於湯底則加入了辣椒、花椒、八角及薑蔥等熬煮而成，入口極之香辣惹味，除了牛肉外，其實鍋內還有寬粉、豬紅、芽菜等，全部吸盡了湯汁的精華，辣得相當過癮！ 飲品點咗蜂蜜檸檬柚子蜜 同 可樂，柚子蜜甜度啱啱好，清潤解膩，入口透心涼。 最後食埋個甜品紅糖冰粉先走，冰粉其實係中草藥，口感似涼粉，加上紅糖，白芝麻、西瓜和花生粒，清涼解辣，滋味極佳。

man fung 5 年前

銅鑼灣LUNCH TIME時間周圍都好多人，突然想食台灣嘢，於是提前一日BOOK左，餐廳店員嘅態度都幾好🥰有禮貌😚 。 同埋有機械人幫手送餐🤖所以感覺幾特別，在疫情下避免人與人之間的接觸，減少左風險🤭 。 一入到餐廳就見到有個大大算盤🧮做屏風，好盞鬼😝坐位位置好闊落，坐得特別舒服😙同朋友傾耐小小都唔怕🗣 。 🥥鮑魚日月魚椰青燉雞 湯超清甜，有鮑魚、日月魚、雞件，絕對係足料🌟夠火候，雞件仲幾嫩滑🤭 。 🥢五木竹笙蔬 紫色准山我都係第一次試☝🏻呢道「五木竹笙蔬」，就有黑木耳、紫准山、靈芝菇、粟米仔、蟲草花，紫色准山清甜又爽口，健康得嚟又夠養生😋 。 🍚滷肉台梗米飯 滷肉較大大粒，有咬口，滷水味岩岩好😙仲有半隻糖心蛋🥚煮既時間岩岩好😚好似去左台灣夜市🧡 。 🥤手打401次咖啡 造出綿密奶泡😚 「是無法形容的美味～」 。 🍋一杯檸檬愛玉 係檸檬沙冰，為這炎炎夏日帶來了一絲涼意，涼浸浸❄️呢個絕對係夏天必飲‼️ 。 👣稻埕飯店 (V Point) (銅鑼灣) 銅鑼灣登龍街18號V Point地庫

影子shadowc 5 年前

呢座大廈超多食肆，日式料理，火鍋店都有，而且大廈本身會擺放探熱裝置和搓手液，感覺可以。早幾日去咗打邊爐。

delish_ hk 6 年前

銅鑼灣養生麵館 馬祖台灣養生湯麵館 (銅鑼灣) 和朋友第一次吃藥膳湯麵。我們來到銅鑼灣的馬祖台灣養生湯麵館。 套餐有小食，湯麵，跟花茶等飲品。我點了蟲草花藥膳農場雞湯飯。 湯底散發著很香的蟲草花香氣，亦有雞的清香味，感覺很滋補。湯飯很足料，除了有用木耳，枸杞，紅棗和龍眼肉等藥材餚製，雞件份量也不少，農場雞肉的肉質很嫩滑。 朋友點了藥膳彭湖特A級花枝丸拼白菜豬肉餃米線，湯底亦帶清甜藥材味。花枝丸口感彈牙有咬口，豬肉餃亦足料，皮薄餡靚。 小食方面我們點了鹽酥墨魚春卷和鹽酥濃汁手作牛丸。鹽酥墨魚春卷很香脆，表面有撒上椒鹽粉，更突出鮮味。鹽酥濃汁手作牛丸亦很香口，牛味濃郁。 飲品點了愛文芒果茉莉花茶和黑糖冬瓜茶。味道很清甜又消暑, 一杯帶淡淡的芒果香, 另一杯又有冬瓜茶的清香。