灣仔冰室

mjqueen7e mjqueen7e 7 年前

話咁快又嚟到星期六，見今日天陰陰，本來不打算出街，不過老公話想去灣仔配眼鏡，順便去圖書館找一些旅遊資料，問我是否有興趣同行，難得老公邀約，我當然樂意奉陪。在圖書館消磨了一整個下午，見時間已不早，提議去附近找個地方吃頓晚飯才回家。 沿著謝斐道信步而行，行到史超域道附近，離遠已經望到這間茶餐廳，招牌非常搶眼，大大隻寫住「灣仔冰室」，從窗外往內望，見地方乾淨企理，提議一試。店子地方不大，靠牆排滿了卡位，而中間就以散座為主，裝潢簡潔，配以牆身的壁畫，添上幾分懷舊 feel。 入座後，先拿起餐牌逐一研究，食物款式甚多，除了有各款精美小菜外，還有精選套餐、常餐、全日餐、冷熱飲品、中式碟頭飯、咖喱類、焗類、炒粉麵飯、多士、特飲、三文治、灣冰三寶及甜品等，選擇應有盡有。 筆者向來愛吃香口之物，所以第一時間點了一客芝士吞拿魚飛碟 ($28)，飛碟即叫即製，外層焗至脹卜卜，邊位帶點燶，拿上手仍熱燙燙，入口非常香脆，入面塞滿吞拿魚蓉和芝士，芝士呈流心狀，咬下芝味濃郁，非常好吃。 食完飛碟就輪到吃小菜，每款精美小菜都會奉送白飯和例湯，如果想點飲品就要另外加錢。而今次我哋就揀左清蒸黃花，椒鹽鮮魷，蒜蓉炒西生菜，另配凍奶茶、紅豆冰同好立克奶凍，先來一張大合照，睇下幾豐富。 是日例湯為南北杏冬瓜瘦肉湯，湯身非常熱辣，煲得火候十足，入口清香味鮮，老少咸宜。 椒鹽鮮魷 ($78) 兩口子都愛吃炸物，椒鹽鮮魷自然是不二之選。這裡嘅鮮魷，水準的確唔錯，很夠穫氣，咬落彈性十足，帶脆口，不太腍亦不太韌，而且粉漿極佳，只是薄薄的一層，不會炸得太乾身，入口金黃鬆化又不死實，連喼汁也不用蘸！ 清蒸黃花 ($88)，黃花魚可以揀清蒸或豉汁，選了前者，黃花以原條上桌，賣相吸引。趁熱馬上一嚐，魚肉非常滑溜，魚味也重，蒸魚的時間拿揑得十分準繩，加上魚脂平均、肉質又夠細嫩，相得益彰，簡單配以羗蔥豉油吃，已經殺絕。 蒜蓉炒西生菜 ($58) 生菜炒弄時間剛好，翠綠鮮嫩，吃時仍保持爽脆，而且勝在並不油膩，加上中間夾雜著不少蒜蓉碎粒，入口滲出陣陣蒜蓉香，簡單又味美。 凍奶茶 (+$7)、紅豆冰 (+$12)，沒喝老公點的凍奶茶，但據說茶味相當充足，不會覺得過膩。至於我點的紅豆冰，甜度適中，紅豆足料又大大粒，味道亦不俗。 好立克奶凍 (+$18) 這裡的甜品杯非常特別，以一架迷你購物手推車盛上，造型相當趣緻。奶凍非常滑溜，入口富奶香，配上面頭香脆可口的粟米片吃，滋味無窮，最適合一人獨享。

Foodie Joy 7 年前

茶記係香港人必定食過，不過近年茶記越黎越貴，企理少少茶記閒閒地過百蚊，灣仔朋友帶到謝斐道茶記，企理茶記，價錢合理，而且主菜加$15有甜品，都幾抵 午餐$52 - 57連餐茶，7個選擇總有一款啱食 瑞士汁炒牛河 $55 牛河夠鑊氣，食到碟底無一片油漬，算唔太油膩牛河，牛肉份量都唔少，軟腍有鑊氣，加上芽菜蔥段，都幾足料 黑毛豬叉燒大碗飯 $68 叉燒同平常燒臘店有分別，叉燒醬特別好味，而且用黑毛豬肥瘦均勻，帶點焦香，加上煎蛋豉油𤏪飯，足足食曬一碗飯 凍飲+$3 木糠布甸 +$15 主菜可以另加 $15 木糠布甸，朋友推介木糠布甸，入口非常香滑，重奶油香，完全意料之外

i HOUSE DESIGN 上次編輯：7 年前

試食新嘅冰室，分量都幾好，多士夠脆夠厚身， 但今日等上餐時間過咗15分鐘，所以扣咗一粒星

江小芽 8 年前

來吃過幾次，覺得食物品質漸漸穩定下來了 價格平實，重點是服務親切，不介意你不太會說廣東話、若看不明白菜單會熱心回答疑問、不急著催你下單也不擺你臉色 如果來這附近，名店人潮太多，或者不想被服務員的冷臉冰，只想要好好地吃點東西，推薦可以來這家吃吃看，衷心希望店家生意做得長長久久

Lee Man Wai 8 年前

食左個梅菜扣肉，無得輸，估唔到56蚊套餐，有中菜飯店水準，當然仲有我部X影得好啦！希望Keep住個heart去做，值得一試