世華茶餐廳 Sai Wah Restaurant | Hong Kong Style Cafe

Eric Poon 上次編輯：3 個月前

食過幾次都唔差嘅，但今次食蒸餸才發覺係用塑碟直接蒸熟食物的。 高溫下塑碟直接蒸熟食物，會釋放出苯、醛等致癌物質。完全罔顧食客健康。

Law Sunny 6 個月前

今日行過灣仔交收，下午茶時段見有間細華茶餐廳未食過，就入去試下啦....問個靚仔waiter有咩好食，佢就介紹話啲炒嘢靚...我就揀咗呢個菜遠肉片炒河 事實真係幾好，啲菜好嫩，個芡汁好夠味👍最重要熱辣辣夠鑊氣...唔同而家大部分嘅餐廳都係拎出嚟好似冇炒過咁. 值得一題就係啲員工夥記好熱情，唔會問多句都唔睬你🙏

Katie Yip 上次編輯：2 個月前

環境 地方大，裝修新，有電視，有電子餐牌，冇梳化位，但其他木凳都有少少懷舊，坐得舒服。呢個時段非常安靜，幾乎得電視機聲音！ 服務 員工態度非常友善，唔會趕時間催促人落單，店員仲可以中英對照同客人講野，始終灣仔都幾多外籍人士。 餐牌 選擇種類多，星期六都有下午茶提供。(附近有間冰室就冇)價錢合理之餘，仲係經濟形之選，但就唔夠膽講係首選first number one。 食物 焗肉醬漢堡扒飯 $53 十分，飯係炒飯底。醬好平均，芝士都好平均。塊漢堡扒比想像中薄，生得似豬柳，但質素比較重要，厚身嗰啲可能要食返日式。有冇窩蛋都唔緊要，最緊要有得食飯。配料係蘿蔔同翠玉瓜，鍾唔鍾意就視乎個人口味。 凍奶茶多奶 十分，因為茶味奶味平均，夠冰，但啲冰又唔會溶晒。個杯底部設計特別。 乾炒牛河 $53 十分，真係即炒，下午茶嘅份量都非常之大碟。味道各方面平均，我唔識講咁多，即叫即整係最好食嘅階段。如果整定再翻熱，味道會差咗啲，可能會扣分，五星可能會變4.5或4.6。 熱咖啡 杯碟都非常特別。飲落好似印尼家鄉咖啡，但係門口就寫住係意大利咖啡豆。 建議 下午茶可以單叫西多士就好。見到其他人食得好滋味，係用韓國蜜糖。 —- 202601 星期六晚帶朋友黎食晚餐，晚餐就冇乜驚喜。 一入到去，見到三分之一係韓國旅行團，係開心嘅，因為世華算乾淨又有圓檯。 咕嚕蝦球生炒骨配飯 $76 蝦球都有四件，又有幾粒菠蘿同椒，但啲生炒骨就認真麻麻，好難咬...跟餐送湯，個湯ok，有蓮偶食下。 熱咖啡 跟晚市推介就加$5 我喺個app選了少奶，不過黎到都覺得太多奶。 福健炒飯 $70 係炒飯底，我覺得都幾好味，雖然睇上去有啲頹，但有汁濕下個口都幾開胃。 熱咖啡奶另上 加$10 食炒野加野飲比較貴，奶可以自己落，但朋友話係奶精唔係鮮奶就不了，所以最後都係我飲埋。 覺得性價比無下午茶咁高，唔黎食晚餐唔可惜，黎食嘅原因就係： 1- 有電視睇 2- 算靜 3- 算好坐 4- 乾淨 5- 唔駛排隊 最後不得不讚樓面個鬈髮眼鏡細佬，佢一個人負責晒，仲兼顧收銀，好有禮貌，希望老闆可以對佢好啲～佢值得擁有～ —- 202606 花生醬果jam西多士 $32 嗱，十分，點解呢？第一次食，發現醬料好足料，包就冇乜要求，最緊要烘底。邊種方包都ok，唔會話expect好完美。 鹹牛肉炒蛋多士烘底 $36 十分，佢果啲料好足，烘底隨你選擇。因為有啲人覺得烘咗硬得滯，咁佢哋就可以唔烘。不論邊種方包，或者包嘅密度，都冇所謂。 熱好立克 好耐冇飲過，十分，唔駛加糖都好味。good! —- 202607 終於試埋早餐！可惜冇乜特別，比較好就係火腿通可轉螺絲粉或者其他麵，個湯底就比較重胡椒味。 最唔好味係件多士，不夠烘，不夠熱，牛油融唔到。建議多士可以改善下。 侍應態度就照舊好友善！

ki chun Sze 1 年前

點了客“西炒飯”，味道ok 飯乾身不太油膩，鑊氣略嫌不足 但茄味明顯 不會淡茂茂。地方整齊乾淨 坐得都舒服。

咖波 上次編輯：6 個月前

雖然比較人多擠迫 不過食物質素好 午餐餐牌會不定時更改 豬潤牛肉出前一丁 豬潤同牛肉都鮮味