無限拉麵(尖沙咀)

Polly Wong 1 個月前

尖沙咀人氣拉麵店 收工同朋友去咗厚福街新開嘅「無限 」試菜，呢間日本過江龍果然名不虛傳！ 招牌特製牛骨白湯拉麵（$168）絕對係全場焦點。湯底用大量牛骨熬超過十個鐘，呈奶白色，質地濃稠Creamy，膠質重到有少少黐嘴。每一啖都充滿牛骨精華。配料有以10小時低溫慢煮嘅和牛片，粉嫩軟腍、入口即溶，加埋炙燒叉燒，雙重牛味超滿足！ 黑松露牛骨白湯拉麵同樣出色，濃厚牛骨湯底撞上黑松露獨特香氣，味道更添層次奢華感。兩碗湯頭都濃而不膩，忍唔住飲到最後一滴。 餃子煎得底部金黃香脆，肉餡Juicy。飲品揀咗波子汽水同青森蘋果汁，100%原汁清甜天然，冰涼透心，完美中和濃湯厚重感。 小店有日本師傅坐鎮，氛圍充滿日式風情。整體嚟講，呢間牛骨湯底係香港少見嘅高質素，拉麵控同牛魔王絕對要嚟朝聖！ 尖沙咀店

Eat Wanna 2 個月前

原來呢間係大阪過江龍😙成日都係排長龍的拉麵店😱 唔怪之得入面啲格局都勁日式🥳必試佢哋特製和牛牛骨白湯拉麵，佢地啲poster仲寫住並使用日本直送的特定儀器測量濃度，雞白湯拉麵就聽得多 牛骨就真係小😁 嗌咗醬油魚介拉麵同牛骨麻辣叉燒拉麵😜個魚介湯底好鮮甜，麻辣拉麵就夠晒惹味😍牛骨湯底好濃郁，加埋舊厚切叉燒真係正！😎 跟餐嗌咗個日式特製和牛丼飯😍啲和牛油香配埋生蛋黃！

peggy Apple 2 個月前

尖沙咀「無限ラーメン」—— 呢碗牛骨白湯，真係好到無極限！ 最近真係比我搵到間好嘢， 就係尖沙咀厚福街嘅 「無限ラーメン」。 老實講，香港拉麵店開到成行成市，食勻咁多間， 呢次真係有種「終於搵到真愛」嘅感覺， 可以話係我近期食過最正嘅拉麵，沒有之一！ 是次朝聖，我同朋友都豁出去，實行由頭食到尾。 先講小食，我哋叫咗 「雞皮餃子」 同 「明太子雞翼」。 個雞皮餃子真係一絕，外層燒到金黃脆卜卜， 入面嘅肉餡仲保留住肉汁，完全冇油膩感， 送酒一流！ 而個明太子雞翼更加係誠意之作， 師傅拆骨功夫做得好足， 脹卜卜嘅雞翼入面釀滿晒明太子， 每一啖都食到鹹香嘅辛辣味，辣度啱啱好， 非常開胃，作為前菜真係無得頂。 講到主角拉麵，我同朋友分別嗌咗兩款招牌湯底。 我先試嘅係 「特製牛骨白湯拉麵」。個湯底一上枱， 已經聞到陣陣濃郁嘅牛骨香。飲一啖湯，堅係不得了！ 佢絕對完勝市面上好多掛羊頭賣狗肉嘅拉麵店， 呢度嘅牛味非常突出，香甜而唔羶， 質地好厚身，但飲落又唔會漿住個口， 層次感豐富到不得了， 真係飲得出係用大量牛骨熬出嚟嘅心血結晶。 朋友嗰碗 「黑松露牛骨白湯拉麵」 更加係「味力」沒法擋！ 本身個牛骨湯底已經係超班，再加埋黑松露醬， 味道直情係幾何級數咁提升！一上枱嗰陣松露嘅香氣已經攻陷晒成張枱， 飲一啖湯，濃郁嘅牛骨鮮味同埋黑松露嘅菌香完美融合， 勁香勁濃郁，每一啖麵都掛滿晒個精華湯汁， 真係令人欲罷不能，食到停唔到口。 麵條方面，佢哋用嘅似係中太麵， 掛湯能力極高，口感彈牙煙韌， 同個咁濃厚嘅湯底係天生一對。 叉燒嘅表現都係水準之上， 慢煮嘅關係，肉質嫩滑得嚟保留到肉嘅原味。 我揀咗支 「波子汽水」， 經典嘅童年味道，夠晒氣，解膩一流。 而朋友就嗌咗杯 「青森蘋果汁」， 估唔到拉麵店都會用咁高質嘅果汁， 味道天然清甜，完全係畫龍點睛，為呢一餐完美作結。 總括而言，「無限ラーメン」 絕對係一間會令人回頭再回頭嘅神級拉麵店。 小食： 1.雞皮餃子 2.明太子雞翼 主食：拉麵 1.特製牛骨白湯拉麵：個湯完勝好多拉麵店，牛味突出而且超香， 2.黑松露牛骨白湯拉麵：個湯超香濃，勁滋味 飲品： 1.青森蘋果汁 2.波子汽水 餐廳：無限ラーメン 地址：尖沙咀厚福街2號地舖 #拉麵 #無限ラーメン #尖沙咀美食 #japan #ramen #香港美食

YEE TANG 3 個月前

今晚去咗尖沙咀厚福街「無限拉麵」，兩個人叫咗兩碗拉麵、兩款小食同飲品，埋單$400，以尖沙咀地段嚟講算合理💰。 🍜 特製牛骨白湯拉麵 呢碗係招牌！牛骨白湯熬到濃稠黏口，骨膠原爆棚，飲落滿滿牛香，極致鎖汁嘅技巧令每一啖都鮮味十足。麵條粗身掛湯，咬落有彈性。走洋蔥嘅要求照做，細心加分👍。 🍜 黑松露牛骨白湯拉麵 呢碗有驚喜！牛骨白湯底加上黑松露醬，香氣即刻提升到另一個層次，松露味唔會搶過牛骨味，兩者平衡得好好。湯底同樣濃郁，飲完成個嘴黏黏地，滿滿骨膠原🤤。 🍗 明太子雞翼 明太子釀入雞翼，外皮燒到微脆，入面明太子鹹香帶少少辣，雞肉嫩滑多汁，呢個小食絕對係加分位✨。 🥤 無糖可樂 & 波子汽水 正常發揮，夠氣夠凍，食濃味拉麵配汽水，解膩一流。 總結： 環境正常，座位都算多，唔使點等位就有得坐，以尖沙咀嚟講算難得。有日本拉麵店嘅氣氛，服務態度好，上菜快⏱️。兩個人埋單$400，以尖沙咀拉麵嚟講算合理。牛骨白湯濃郁有水準，黑松露版本更係驚喜之作，明太子雞翼都值得一試。想食高質濃厚拉麵，無限拉麵可以翻兜🔄！

Lam Hiu Wing 4 個月前

尖沙咀新開咗一間日式拉麵店，見到佢日本都有分店，原來係大阪過江龍，被譽為長龍拉麵店 🌟特製牛骨白湯拉麵 $168 湯底用牛骨熬製，以牛骨熬製白湯，並使用日本直送嘅特定儀器測量濃度，確保白湯夠濃！飲落濃郁順滑，骨膠原感十足，但又唔會太油膩，麵條都好掛湯🥰 叉燒係厚切腩肉，肥瘦相間，一咬落去，肥肉部分即刻喺口中化開，瘦肉唔會乾柴😍仲有個牛肉都勁正，做法似係慢煮，每片牛肉都保留到嫩滑嘅質感，完全唔韌，牛味好濃郁，唔係單靠湯底提味😚 一碗雖然唔算平，但以呢個份量同質素，絕對值得一試🤩 🌟日式拌麵 $108 拌麵醬汁濃郁，有醬油、醋同芝麻油香，撈勻之後每條麵都掛滿醬汁😚配料有叉燒粒、青瓜絲、蛋黃、紫菜同蔥花，食落清爽又夠味🥰麵條偏粗身，咬落煙韌有嚼勁。 🌟雞皮餃子 $45 雞皮煎到金黃脆身，入面係肉餡，咬落外脆內軟，雞皮嘅油脂香同肉餡好夾😘 🌟麥茶 麥茶清涼解渴，烘焙香氣突出，飲完可以清一清味蕾，唔會搶咗拉麵嘅風頭🧡 🌟青森蘋果汁 呢杯蘋果汁好有驚喜🥳飲落完全係新鮮蘋果榨出嚟嘅味道，甜得嚟自然，唔會似人工糖水嗰種假甜，好清爽😘 整體嚟講，特別要讚吓服務貼心又周到，令成餐飯食得更舒服。食物質素方面我覺得好食，我會再嚟㗎😚