烏蠅館 (尖沙咀店)

S Kathy 1 個月前

下午茶兩餸酸辣粉連小食飲品只係$45 豬大腸係肥腸，勁好正，小食揀咗蒜泥白肉，份量都好多，好似加多十幾蚊就有埋甜品 午餐4餸加1主食連汽水$58

Alice C 2 個月前

這裡的下午茶非常划算，三十多至四十多港元就有一碗粉麵、一款小食，還附送一杯飲品。食物味道相當不錯，份量也很充足。特別是點了雞湯米線，送上來的竟然是整隻雞髀，非常大方。整體感覺很不錯，值得推薦。

A Life 5 個月前

平價美味🫶🏻滋補菌湯冒菜 🍲✨ 返工me time就會去亞士厘道呢條美食街入面既烏蠅館☺️ 除左佢地出名既麻辣湯底，呢度嘅滋補菌湯真係令我幾驚喜！ ✨ 推介食物✨ 🥣 冒菜任選4/6/8款配菜 上檯嗰陣陣菌香味已經好誘人！如果你同我一樣，有時怕辣或者想食得 Light 啲，呢個湯底絕對係首選。湯底香濃得嚟好清爽，完全無嗰種死鹹或者味精味，飲完之後個胃暖笠笠，好療癒。 配菜我揀咗 6 款😋 • 肥牛： 肉質幾嫩滑，吸晒菌湯嘅鮮味。 • 風琴豆腐串 / 魚腐： 呢兩款係最「掛湯」嘅選擇！每一口都好似爆汁咁，菌湯嘅精華完全滲透落去。 • 蓮藕片 / 油麥菜： 蓮藕爽脆，油麥菜新鮮清甜，中和咗濃郁嘅湯味。 • 貢丸： 彈牙有肉汁，係嗰種好地道嘅味道。 🍝 土豆粉 (主食) 一定要講呢個土豆粉！好煙韌、好有彈性，完全吸晒菌湯嘅精華，每一口都好滿足。比起一般嘅米粉或者麵，更有口感。

Pinky Pinky (雅雅) 8 個月前

餐廳以新派川菜聞名的餐廳，位於尖沙咀鬧市中，離地鐵站6分鐘路程，相當方便！店名很特別，會令人很難不注意，聽過很多次，一直聽到身邊朋友介紹～餐廳門面的霓虹燈招牌十分搶眼，店內環境則乾淨舒適，很多招牌寫關於辣的標語，連平日晚上都坐滿客人～ 食物方面主打港式川菜，選擇繁多，餐廳亦提供正宗川菜、冒菜、乾鍋及米線等，性價比高。冬日限定的烤魚火鍋及$28任飲套餐，怪不得連平日晚上也坐滿客人。

Katsuo Fish 11 個月前

路經呢間餐廳個名好特別，睇下個餐牌都好吸引，有川菜經典小炒、干鍋、涼菜、水餃、串燒及小食等，仲有我哋最喜愛嘅烤魚，於是就入去試下。 烤魚自選組合$398 🐠魚類選擇：有3款魚可選擇，清江魚、珍珠班及海鱸魚，店長推介清江魚，果然無介紹錯，口感鮮嫩爽滑，肉多少骨。 🫕鍋底選擇：有4款可揀，食辣嘅有香辣及麻辣，唔食得辣嘅可揀蒜香，我哋就揀咗特色泡椒鍋底，味道酸酸辣辣，好開胃，鍋內已配有蘿蔔、雲耳及金菇。 🥬自選配菜3款：我哋揀咗Q彈鵪鶉蛋、爽滑鴨血及豆腐，另外追加咗半份淮山$19。 🍿自選小食：四川酥魷炸到熱辣辣，口感超香脆煙靭。 另外見到有啲特色涼菜及紅油水餃👇 🥢涼拌小黃魚$38 小黃魚炸得好香脆，肉質鮮嫩，配上酸酸辣辣嘅醬汁，惹味開胃。 🥟川式芫茜蠔仔紅油水餃4隻$32 Q彈餃皮包住鮮甜蠔仔肉及香爽芫茜餡料，口感豐富。 食到個口辣辣地，當然要飲嘢喇，加$28就可以無限暢飲無酒精飲品，真係飲兩杯都抵呀，我哋就每人飲咗3杯😆。 🍃人蔘烏龍、新會小青柑普洱及原葉檸檬茶，皆用上原片茶葉，好有茶味。 🥤百香菠蘿氣泡及滿杯金菠蘿果味清新可解油膩。 🍹檸檬百香QQ：仲可以免費加桃膠、冰粉、珍珠等配料，超正。