Clay pot rice

Mama Lam 8 個月前

早兩日行經尖沙咀見到呢間柴夫人魚館好多人，見到好多檯都係食烤魚，天氣咁凍我地都想去試試🔥 一入門已經聞到椒麻同香料味，我地叫左以下幾款食物。 「酸菜豆花魚煲 2–3 人 」🐟 ，呢到有提供好幾款口味同魚種類可以搭配，例如酸菜，麻辣等。 魚就可以揀鱸魚或者江豚魚。 食魚片用上滑身無骨魚柳，冇腥味好易入口。酸菜做底將湯頭推到超開胃，酸香帶少少麻辣，飲湯都會停唔到口。豆花浸喺湯入面變成超級吸湯海綿，一啖落去酸、香、辣、麻四味齊晒，少辣版已經好醒神，好啱冬天慢慢撈住食❄️ 「一人餐（豆花牛肉）」🐮 豆花入味到好似豆腐花版火鍋料，質地超滑，完全吸晒湯底精華，牛肉片薄身但仍然保留肉汁，一啖送入口，先係豆香再到牛脂香，最後先係溫柔辣勁，超級下飯🍚 「一人餐．鹽焗雞」就係鹹香雞件先鹽焗再上枱，鹽香直達骨底，比起白切雞口味我更鐘意。 小食方面，「羊肉串」 孜然味好突出，外層微焦、入面仲 keep 到嫩，配啤酒或者汽水一流🍺 「夫妻肺片」就係經典川菜冷盤，麻辣醬汁掛得勻，牛腱等部位切到薄薄地，入口先麻後辣，愈食愈上癮。 飲品有「檸檬可樂」同「咸檸七」🍋🥤，酸香汽水感夠晒開胃，好滿足。

Wendy Leung (Food_wing_wing) 1 年前

今日跟朋友一齊來，當然會叫2人份的酸菜魚火銅套餐。 酸菜豆花魚非常大鍋，裏面有好多魚，我哋加咗錢叫咗冇咁多骨嘅魚。鍋入面仲有好多芽菜、酸菜同豆花。跟餐仲送兩碗白飯同兩杯嘢飲，可以揀汽水或者豆漿。 仲叫多一碟牛腱肥牛片。肥牛吸收了酸菜味道，非常惹味好食。如果怕唔夠健康，可以散叫一碟油菜，可選擇生菜或者菜心。 另外，佢哋嘅招牌口水雞亦都非常好味。使用四川方法醃製，食落又辣又麻，非常刺激，有層次。雞肉食落非常滑嫩，雞皮口感似啫喱。 我見其他位都叫煲仔飯，就叫了豉汁排骨煲仔飯，煲仔飯超大煲，份量完全係給兩至三人吃的份量。因個煲夠熱辣辣，令飯變成飯焦，食落脆卜卜。

Nichuen 1 年前

今日同吳太去左尖沙咀食呢間「柴夫人魚館」...平！靚！正！😍 @chaifurenyuguan 呢間餐廳始於2001年，主打川菜。餐廳的招牌菜「豆花魚鍋」特別加入手工磨製的豆花，口感嫩滑，風味獨特，實在係一試難忘。午市更加設有一人前，十分貼心，滿足不同食客的需求😁 至於食物方面，招牌豆花鱸魚係必既！😍鱸魚肉質鮮嫩，再配上手工豆花，入口即化，美味無比。鍋鍋刷肥牛亦都係必試，肥牛片薄而不散，口感豐富，同鍋底的湯味完美結合。煲仔飯則粒粒分明，鍋巴香脆，配料豐富，係一味熱門的主食😋。最後的爆漿糍粑，味道濃郁，為整餐晚飯畫上完美句號🫶🏻吳太都表示好滿意🥳 價格方面，柴夫人魚館相當合理，性價比高。而且餐廳位置便利，從尖沙咀站步行大約5分鐘就到，超級方便👍🏻。總體來講，柴夫人魚館無論是食物質素還是用餐體驗，都非常值得推薦😌 #柴夫人魚館 #香港探店 #香港 #美食 #美食推介 #foodie #yummy #kol

kk Li 1 年前

天氣又轉冷, 最好就係約朋友去食火鍋暖下身。今晚朋友約我去食豆花魚, 感覺新鮮未食過, 就一口答應。 原來呢間主打豆花魚餐廳人氣都幾旺, 全餐人流不斷, 平日晚都已經要等位, 食過就知原因, 相信我亦都會再去encore! 招牌豆花鱸魚: 鱸魚份量多, 無骨鮮嫩, 配有唔少豆花, 軟綿嫩滑, 近乎入口即溶, 口感跟嫩滑魚片好match; 可自選大中小辣度, 配料有芽菜、雪菜, 盡吸湯汁, 食落刺激過癮。 套餐包兩碗飯/米線, 飲品有豆漿/汽水 揀咗米線, 加入湯底中煮至自己喜歡嘅軟度, 口感滑溜。 而豆漿亦係餐廳自家製, 豆味香濃, 不會過甜。 另外更可追加火鍋配料, 每款$12-$22就有交易, 價錢公道。 牛肉丸: 爽彈多汁 鴨血: 口感彈滑, 加入辣湯底中食, 絕對係match。 踏入寒冷季節, 餐廳亦新推出咗羊肉煲, 個人亦很推介, 足料抵食! 滋補羊肉煲(小份 2-3人套餐) , 同樣跟飯/米粉 同埋飲品 汽水/豆漿 羊肉份量多, 軟淋入味, 羊皮爽彈, 肉質沒有太濃嘅羊羶味。配料同樣豐富, 盡吸湯汁精華, 包括有腐竹、筍、羊腩、羊腎、羊肚等等…冬天食就最岩, 滋補又暖身。 紅糖糍粑: 炸得金黃酥脆, 口感軟糯, 甜甜地嘅紅糖慢慢流出, 有助食完辣野解解辣。 黃金大餅: 大餅煎得金黃, 內層就軟綿, 外層平均有唔料芝麻, 非常香口。 焦糖豆花: 豆花超滑, 豆味特出, 加上了少少糖嘅焦糖漿, 整體不會太甜。美中不足就係份量小, 有d唔夠喉。 餐廳仲有免費雪糕任食。

Wong C.F. 1 年前

餐廳招牌十分醒目，大大隻豆花魚的標題，而且暫時在香港還沒見到相似的，所以真的挺吸引的！而價錢亦不算貴，叫一個鍋就包了飯或麵，還有汽水，比較豐富！ 鮑魚雞煲 這個雞煲也有加入了這裡的特色豆花，挺有驚喜的！吃起來味道香辣，跟平常吃的雞煲味道不一樣，湯汁會比較多，而雞件和鮑魚都很入味，鮑魚爽滑，雞件有彈性。湯汁拌著豆花和飯一起吃，味道更香，又有豆味，口感更嫩滑。 招牌豆花鱸魚 這個味道跟雞煲的有一點像，不過會多了一份酸味，因為這個有加上了酸菜進去的。爽脆的酸菜加上嫩滑的魚片，味道很搭。當然主角豆花也有，份量也比較多。豆花和魚片都是超嫩的，入口即化的口感！ 豉汁排骨煲仔飯 這個排骨飯跟香港平常的不一樣，排骨是經過滷煮的，已經煮得比較入味和軟嫩了。然後再跟飯一起煮，所以味道會更濃，而且這個煲仔飯是有飯焦的，特別好評！ 紅油海蜇 這價錢給的份量比我想像中的要多，而且是新鮮的海蜇，質素挺高的，切得比較大片，口感爽嫩，味道香辣！