西區獸醫診所

edd ed 4 個月前

見到網上嘅評價咁兩極，我分享下我以前隻貓(過左世)係依間診所既經歷。 睇過六次左右，頭三次係其他當值醫生，後三次係施醫生。 施醫生係一個好醫生會同你講解隻貓有咩問題，但個期好full，有咩急症就唔好搵佢，平時起碼要幾日，最後果次約睇醫生，隻貓唔舒服感覺都就過身，都要book 到要兩星期後。我隻貓生最尾走都係診所走，都感謝佢有認真睇我隻貓。(不過如果要住院之前問清楚，俾咗八千幾蚊按金，姑娘話出院會退返錢，最尾隻貓喺診所走咗，都冇退到錢，啲急救，搶救價錢就入住最好問吓佢哋) 其他當值醫生:唔建議，佢哋診所有換過幾個醫生，我第一次隻貓有啲皮外傷問題就第一個醫生好快搞得掂，但第二次去就已經換咗醫生，嗰時隻貓生貓癬，個當值醫生話唔係貓癬，睇咗兩次，淨係搽藥膏就OK。點知連人類都生埋貓癬，之後睇施醫生又話係貓癬。洗咗兩次錢。thank you , 我喺人類身上發現咗貓癬都知唔使你同我講。 診所姑娘:大部份唔得，正如其他一星評論，唔聽電話家常便飯，ok,咁電話唔方便問，咪WhatsApp問佢哋有得攞藥未，直接藍剔你。再兩日後打電話問，就串返你話一早攞得。平時抽血檢查，每次就會問你使唔使加多幾舊水驗埋一樣普通抽血驗唔到嘅服務。咁對於新手寵物主人淨係擔心隻寵物又唔知內容，梗係正常乖乖俾錢啦。基本上每次抽血，姑娘都會咁問。有次隻貓睇完施醫生，已經加左服務咁抽血冇問題咁出返嚟，個姑娘就話我隻貓瞳孔有啲大，使唔使驗多個服務，咁又嘥咗我$800再等咗八個字，驗完乜事都冇。 最後，要重申多次，施醫生係一個好醫生，但其他職員就真係唔掂，同區亦都有好多唔錯嘅診所(我而家另外啲貓去左另一間，同呢間差天共地，費事開名)打依篇文純粹同啲新手寵物主人分享自己經歷,其他Google 既一星係可信，啲評語咁兩極，因為真係個獸醫係幾好，但啲姑娘真係好垃圾。特別係俾姑娘次次都要加幾舊水嚟驗啲其實未必有用嘅嘢，未必個個新手主人會check清楚,同埋大家隻寵物有急病，就真係唔好搵佢哋🙌 最後希望大家嘅寵物都健健康康，肯食飯肯飲水。

Amanda Li 1 年前

醫生護士超級有愛心，收費合理。我隻貓貓有HCM，兩次肺積水都係由呢間診所救返，留院期間診所姑娘甚至幫佢用紙箱&毛氈搭左間私家房。

Eli Ip 2 年前

我隻貓貓本來打定輸數要同佢講再見，因為個傷口睇咗好多醫生都搞唔掂 但係係呢度嘅醫生幫我救返我隻貓貓 我隻貓貓留院期間，啲獸醫助理都對佢哋好好 （我隻貓貓喺入面簡直可以用用好食好住嚟形容） 而家我隻貓貓活潑健康

ang P (Pp) 2 年前

施醫生害死咗我隻狗狗😭！ • 抽組織前後抽咗6次 都驗唔到任何嘢 • 亂開藥 俾咗類固醇 令到日後化療成效低咗 同埋食咗類固醇之後抽組織驗嘅嘢唔可以作準 因為打散咗d細胞亂咗 (期後第二間腫瘤專科醫生講我先知😭) • 懷疑缺乏醫學知識 只為賺錢 叫你係佢到做唔同化驗 但驗完又冇特別詳細解釋同解決方法 • 原來根本唔識醫！😡 拖咗一個星期先叫我自己搵腫瘤專科醫生😡😡😡 連轉介信都冇 推介邊個腫瘤科醫生都冇 要我自己搵 • 叫佢地sd病歷去其他診所 我都等咗5日 我每日追 姑娘淨係話「咁醫生好忙㗎嘛」「醫生未有時間打」 新症就識收，舊症嘅就唔理，其他診所唔使半日就send咗個病歷出去。最後終於Sd咗比專科，仲要喺病歷到亂寫話我隻狗會咬人，檢查唔到? 有冇搞錯??有冇醫德架?? 專科檢查既時候都話佢好乖，郁都冇郁過，根本就係施醫生太粗魯，整到我隻狗反抗。睇完專科檢查就知個分別，人地真係好溫柔好小心。 專科另外有話希望早一個星期見到我地，我就係咁樣喺度等你地化驗結果，每日係咁問進度都未有，而延誤咗個病情，化療都未真正開始，我隻狗狗情況惡化走咗😭！ 只係識收錢，比咗成萬蚊做d冇用嘅化驗，唔識醫，又唔一早轉介我去專科 whatsapp長期冇人覆，打電話去長期冇人聽。問姑娘問題左推右推，又話一個鐘頭後打畀我結果冇咗回事。 我人生最錯嘅決定就係信錯咗你地 搵咗你地😭 施醫生冇資格做24小時診所 問姑娘佢地診所賣緊呢隻濕糧啱唔啱我隻狗嘅情況食，佢都要打開本catalog落嚟望住資料答我 大家唔想自己嘅寵物不幸離世 真係唔好去呢間

Tracy Sun 4 年前

非常推薦施醫生！！小狗病得很重，其他醫院幾個醫生都無法確診，差點就要開刀了。幸好遇見了施醫生，很快就確診了是白血病。對症下藥，現在已經可以回家過中秋節了。非常非常非常感謝🙏