新嚐泰泰國餐廳

Nat 6 個月前

《灣仔隱蔽泰菜》 穿過橫街窄巷再經過街市再上樓先到達既一家泰國菜，招牌並唔起眼，行過路過好易錯過🫣餐廳唔洗收加一，收費亦相宜，下次去灣仔附近都可以再幫襯！ 🥗木瓜沙律 以石臼盛載既方式好特別，鮮艷既色彩令人食慾大增。沙律主要由切碎既木瓜絲組成，並加入左大量花生碎🥜、蝦乾同紅蘿蔔絲🥕，再將香料同醬汁樁碎，令食材吸滿 醬汁，增添左泰式風味！口感好清脆爽口，酸酸甜甜又好開胃🤤，辣度又好足，一路流汗一路食唔停！ 🦐炸蝦餅 一道質素中上既厚實炸蝦餅～等左一陣間先到，要上枱仲冒緊煙。外層裹上麵包糠，咬落去外酥內軟，蝦膠亦好彈牙，食到淡淡既蝦味🤭再蘸上酸酸甜甜既泰式酸梅醬，令口感層次更加豐富。 🥢青咖哩雞跟薄餅 青咖哩同薄餅裝係藤編既籃子裏面，感覺好農村風味！青咖哩好香，伴隨住濃郁既泰式香料同椰奶既香甜，入口有小小辛辣但唔哽口！雞肉🍗口感就係急凍雞既質素，不過碗入面有好多雞肉同蔬菜既數量都頗多，搭配上金黃酥脆既薄餅，兩者完美結合！ 🥢濕炒粉麵 有得揀肥粉或脆麵，個人建議肥粉，皆因河粉滑得黎又有嚼勁，浸滿左係濃郁既醬汁，索晒啲味😍雖然海鮮都係急凍貨仔，依稀記得價錢唔貴就唔緊要啦😂重點都係個滑捋捋既肥粉！ 🥭芒果糯米飯 賣相好精緻，芒果既甜蜜、糯米飯既煙韌、椰漿既鹹香同脆米既脆口，多重口感係口中交織，層次分明。芒果份量慷慨又香甜，椰漿中既鹽分更能襯托出芒果的鮮甜，不錯不錯👍🏻 📍新嚐泰泰國餐廳 灣仔石水渠街10-12號匯富閣1樓 Ig: hkeatateeaten

TopoS 1 年前

由於當晚下大雨, 所以便來這裡試一試！其實一直不知道這餐廳,只是在google這裡看到！而且餐廳是在1樓, 要按大廈地下鐵閘旁的門鐘才可上去！有點隱蔽！ 當晚只有3枱,因為太大雨,很多人都回家！所以我們坐得很寬敞！ 小食拼盤 - 覺得整體還可以, 但不覺得特別出色！ 大頭蝦炒金邊粉 - 金邊粉味道正宗！但真心覺得蝦有點少, 因為價錢也不便宜, 粉份量還可以。 馬拉盞炒通菜 - 馬拉盞味道正宗，炒得剛好脆！ 整體性價比一般！可能像其他review說的青㗎哩跟奶茶比較出色吧！看來午餐比較化萛！ 但說真的如果這個價錢, 其實灣仔有其他很好吃的泰國餐廳性價比很高！ 這裡的裝修很漂亮別緻！而且坐位寬敞！

Brownly 上次編輯：1 年前

上個月朋友帶路黎灣仔一條橫街嘅大廈裡面食泰菜，應該係喺灣仔返工嘅人先會知嘅隱世泰菜🤫🤫叫咗幾款食物都好好食呀😋 - 🍢串燒沙爹 (豬,雞) ($88) 豬同雞串都好juicy，肉質好嫩，唔覺係急凍貨，出乎意料地好味，推薦🤩 🥘黃咖喱跟薄餅 ($98) 咖喱可自選辣度，可以選配豬/雞/蔬菜/海鮮，我地揀咗雞，裡面仲有青紅椒和薯仔，味道唔鹹亦唔淡，配薄餅食就最夾🤤 🥭芒果糯米飯 ($68) 呢碟賣相好靚，糯米飯暖暖地，黏度適中，仲可以自己淋椰奶，芒果好甜份量好多，係好好食嘅飯後甜品🥰

E K 上次編輯：2 年前

尋找隱世泰國菜🇹🇭 朋友介紹咗呢間藏身於街市仲要係上樓嘅超隱世泰國菜 （雖然佢位於石水渠街，但係唔係喺藍屋嗰頭唔好去錯），整體個口味都幾正宗，而且份量足價錢唔貴，成餐飯都食得好開心~ 鳳爪沙律 – 輕盈又清爽嘅前菜，鳳爪口感爽脆而且好入味，呢款相對其他會辣啲啲（又係整返杯泰象啤嘅時候——） 炸蝦餅 - 炸物只要夠香口唔油膩，熱辣辣已經係無得輸，蝦餅夠彈牙再點埋甜酸汁開胃程度upupup 大頭蝦冬蔭公 - 酸辣嘅口味最啱悶熱嘅天氣，而呢度嘅特點係仲有大大隻嘅大頭蝦，多膏肉甜，令成個湯嘅鮮味更加昇華~ 泰式燒豬頸肉 - 經過高温火烤嘅豬頸肉外皮帶點焦香，而且迫咗啲油脂出嚟之後食落肥瘦適宜，爽口得很 蟹肉炒飯 – 估唔到一百幾十蚊嘅炒飯竟然會有咁多蟹肉，仲要唔係得面頭個啲，飯底裏面都竟然有蟹肉，直頭係可以做到啖啖蟹嘅感覺！超飽滿，食得好滿足

victoriay_eatwithvic 2 年前

整體味道正宗，價錢合理。 好多年前已經到過新嚐泰泰國餐廳，位於灣仔石水渠街10-12號匯富閣1樓。 小店座位舒適， 主打正宗泰國菜。晚餐 ～ 泰泰式生蝦 ～ 生蝦大隻新鮮，配泰式酸辣汁，惹味開胃。 燒豬頸肉 ～ 燒得剛好，肉質爽口。 明爐烏頭 ～ 酸酸辣辣的湯底， 烏頭魚鮮甜可口。 大蝦金邊粉 ～  Pad Thai 是每次食泰菜必點的， 金邊粉炒得夠乾身，酸酸甜甜幾好味。 黃咖哩雞配薄餅 ～ 黃咖哩香濃唔會太辣， 加上熱辣辣的薄餅吃，味道不錯。 豬肉生菜包 ～ 清新爽脆的生菜包裹惹味的豬肉碎一起吃，滋味無窮。 芒果糯米飯 ～ 飯後甜品必點泰式芒果糯米飯， 芒果香甜糯米飯配上椰漿，很滋味。