雄記美食

Tasty Blue 1 個月前

位於香港灣仔克街的雄記美食是一間極具人氣與人情味的個性街坊小店。由從小跟隨父親擺檔賣牛雜的雄哥主理，主打傳統香港地道風味，憑藉高水準的家常小吃和獨特性格吸引無數食客慕名光顧。招牌美食推薦雞蛋香煎蝦米腸粉：外皮煎至微脆金黃，結合濃郁蛋香與蝦米鹹香，內裡滑溜，被譽為極品。馳名牛雜與牛雜粥：傳承自父輩的家傳秘方，牛雜處理得乾淨入味、部位極全；搭配綿滑的粥品更是溫潤暖胃。花生元貝皮蛋豬骨粥：以元貝提鮮，融合豬骨香氣與綿密米飯，屬於充滿老香港情懷的懷舊風味。咖喱牛腩撈麵/通：辣度可自由選擇，牛腩炆得軟爛入味，吸滿精華的配菜蘿蔔與薯仔十分受歡迎。港式糖水：如馬來喳咋、腐竹薏米等，價格親民且真材實料。店舖特色與注意事項濃厚人情味：老闆與老闆娘性格爽直幽默，常與熟客開玩笑，店內擺設充滿地道香港文化氣息。個性化營業：小店作風隨性，食品如全數沽清便會提早關門。

kei lee 3 個月前

食過三四次嘅食評，火都嚟。 上年嚟好食啲，平日中午12:45唔洗排隊。 話說當日去到坐低落單，點嘢食 我：（蛋炒腸粉 同牛什粥）⋯ 幫我落單個小姐就問我：要唔要芝麻同埋醬。 我：走醬 淨係要芝麻 ⋯⋯ 再問我：要唔要嘢飲⋯⋯我哋有xxx同腐竹薏米糖水，自己整嘅。 因為驚食唔曬，咁我就同佢講轉頭先落單。佢一聽到話轉頭先落單就調頭走，仲邊行邊講話⋯⋯淨係落一次無得加單。 小姐你都走9左啦😂😂 咁我都算啦，無得加就由得佢。 轉頭有兩母女係熟客坐喺對面，佢哋點完嘢飲嘢食，其中點了兩個食物及一支腐竹薏米 轉頭我嘅腸粉及粥都送到上枱，明明我點左走醬 淨係要芝麻，佢調9轉左，變咗有醬無芝麻😐，同職員講⋯⋯咁佢都比返我（但我係唔想要醬⋯⋯你明唔明😂⋯⋯你哋無問過我介唔介意，是但我唔想浪費食） 之後對面的兩母女，都送餐到枱上，食食下發覺一支腐竹薏米唔夠飲，轉頭同職員講幫佢落多一支腐竹薏米。 我屌⋯⋯熟客就可以加單，我里啲生面口嘅西客就唔加得單。 我下年同後年都唔會再加單，灣仔有把嘢食

麵豉湯 9 個月前

🎵「原諒我這一生不羈放縱愛自由」⋯ 一間好有個性嘅小店，只能落一次單，不准再加單，老闆娘事先講咗⋯好似返咗學校咁，多多規矩，唔怪得之店內使用嘅檯凳都喺學校用嘅檯凳喇！ 我地呢啲新客唔知頭唔知路，店家亦唔會主動推介，最後點了個四款車仔淨餸（豬皮、蘿蔔、牛筋、牛腩）盛惠$54，細細碗，無乜湯，其中牛筋好鬼韌末煮冧就奉客，食物唔覺有落味精本來喺幾難得嘅，但亦唔算好有驚喜，淨餸以鹹味為主，無甜味無醬汁味更無香料味，味道頗單一，真係好一般⋯ 等食期間就被店內港產片嘅海報吸引住⋯邊聽哥哥嘅懷舊歌，邊觀賞老闆眾多嘅收藏品，一一擺在店內各方位置，那刻我只想到衛生問題，雜物太多難清理兼惹塵，容乜易食物會隨時被加料㗎😳⋯ 見到每檯都飲用一啲飲品，原來喺自家製嘅「腐竹糖水」等，由於不准加單，埋單時問吓「可否買一支當外賣」，老闆娘直接了當說「不」，當刻感覺真喺「毫無人情味」⋯心想：「真喺巴之閉！」 早知去對面嘅［靠得住］，起碼佢哋嘅侍應生笑容滿面，客客氣氣，令人感覺舒服多了，起碼無乞食嘅感覺‼️ 絕對唔會再貼💰買難受😏

Sodaaa 10 個月前

呢間餐廳一直知佢出名，營業時間仲要唔長，有d菜式賣晒就冇，今次特登趕喺佢開門前去到，已經見到有幾個人等開門。 咖喱牛腩撈麵 咖喱汁好香，撈勻每條麵都掛到汁。牛腩炆得夠淋，帶少少筋位幾好咬。麵質保持彈牙，唔會糊口，好惹味👍🏻 煎雞蛋蝦米腸粉 腸粉煎得香口，外層微脆，入面依然滑身。蝦米同蔥花份量適中，估唔到加埋雞蛋簡單配搭好夾 ，好香蛋味。 腐竹糖水 聽講又係必嗌，原來呢度係膠樽裝，好似飲品咁，糖水清甜唔膩，食完嘢飲返支好正。臨走仲買咗一支拎走。 牛雜麵 湯底清甜，飲得出係熬過嘅。牛雜處理得乾淨，炆得夠淋。蘿蔔都入味，整體份量足夠，係碗實在嘅牛雜麵。 呢間我會再回頭，係值得排隊，味道實在，製作認真。想食d傳統口味嘅話，呢度係個唔錯選擇。

Y U 11 個月前

終於有機會順路過海來試一趟。 當時差不多12點，只有幾張枱有人。 雖然係閑日，但我都奇怪咁少人。 結論： 可以一試，不會再試 糯米飯$80真係太貴，冇乜餸，唔覺得特別好味。 牛雜豬腸粉加蛋係幾好味。 蘿蔔豬紅啲蘿蔔係甜，豬紅不是濃味那種。 牛腩通心粉都唔錯。 店員是有禮貌的。 可惜佢哋嘅規矩，就視乎你是否接受。 我們兩個人都叫不少嘢食，但居然只有一個碗仔。 我們問可唔可以要多一個碗？ 她居然回答沒有人洗碗，不可以。 另外，當時只有兩三枱客，全部客都唔係熟客。 見她下單時只不斷重複： 叫晒未？ 不能再加單！ （澳洲牛奶公司都可以加單。😅）