YUJO 酒肉朋友

Carman Chow 1 個月前

最近同朋友去咗合和商場晚飯，餐廳好有空間感，座位之間保持距離，非常舒服，好啱放工後同朋友傾偈放鬆！ 一坐低店員就會先放低餐前小食，嘢食未嚟都可以醫住肚先。我哋兩個女仔一共叫咗8款食物，整體質素都頗高： 🥬豚肉生菜卷 呢個好有驚喜！出面居酒屋比較少見呢個 combination，好推介大家試吓！燒到焦香嘅豚肉片包住爽脆生菜，完美中和咗豬肉嘅油膩感，口感層次好豐富 🥩蒜香封門柳 牛肉肉質軟腍無筋，蒜香惹味，佐酒一流！ 🐓免治雞肉棒 雞肉棒軟嫩得嚟有咬口，新鮮生蛋黃蛋味香濃 🌽芝士翠玉瓜 & 粟米 火候控制得好，翠玉瓜燒完都唔會乾爭爭；粟米亦清甜多汁 🐚 清酒牛油煮時令貝殼 貝殼處理得好好，鮮甜無沙，湯汁惹味 🥟日式冰花煎餃子 底部嘅「冰花」透薄香脆！餃子皮薄，咬落去仲有肉汁咇出嚟，好食！ 🐷日式豬肉炒麵： 麵條彈牙唔會太腍，而且豚肉份量好多，好足料 順帶一提，呢度嘅服務真係值得一讚❤️店員見我哋落咗8樣嘢，主動走過嚟問需唔需要將其中兩道菜遲少少先幫我哋起，咁就唔會一次過上晒攤凍晒，非常細心。全晚亦都好主動換碟同添水。 整體用餐體驗好好，下次一定會再約朋友嚟幫襯！

Wing_thefoodie 2 個月前

Yujo 酒肉朋友 合和新開日式串燒店 Yujo充滿日式風味，每道都精緻得來又好有鑊氣，令人回味無窮。 蒜香封門柳一上枱已香氣撲鼻，牛肉煎得外層微焦、內裡粉嫩多汁，蒜香醬卡上，軟腍得來又帶點嚼口，牛味濃郁。 豚肉露荀以薄切黑豚肉包裹爽脆蘆筍，煎得香口不膩，肉汁與蘆筍清甜互相呼應。 免治雞肉棒外脆內軟，照燒汁甜鹹適中，雞肉絞得幼滑又帶點雞軟骨的口感，非常惹味。 芝士翠玉瓜則以翠玉瓜放上一片溶化芝士，清香中帶點奶香，輕盈又滿足。 日式高湯冷浸時蔬以清甜高湯慢浸當季時蔬，涼涼入口，非常清新解膩。 冰花餃子外皮薄而帶點煙韌，餡料鮮美多汁，冰花煎得香脆，口感層次豐富。 櫻花蝦炒飯粒粒分明，櫻花蝦的鹹香與蛋香完美結合，簡單卻非常惹味。 最後以凍白群馬縣布烏冬作結，烏冬煙韌彈牙，冷浸後更顯爽滑，配日式醬汁清新收尾，令人回味。

Ccc Ccc 2 個月前

今天跟朋友來挑戰 Yūjō 的 Tasting Menu，整套菜單落下來，既有日式居酒屋的靈魂，又帶點西式精緻的影子，非常適合週末一邊小酌一邊享用！ 🥗 前菜與生食：驚艷的味覺前奏 (Smalls & Raw) Fire Cracker Garlic Edamame (爆蒜香辣枝豆)：第一道開胃小菜就誠意十足。不像普通居酒屋只撒鹽，這裡加入了濃郁的蒜香與微辣調味，鑊氣十足，極度下酒！ Velvet Tori Pate (絲滑雞肝醬)：口感如絲絨般綿密滑順，雞肝的濃郁香氣在口中化開，配上香脆的吐司或餅乾，醇厚而不膩。 Golden Daikon (黃金蘿蔔)：清甜的多汁蘿蔔燉煮得恰到好處，咬下去吸飽了高湯精華。 生食雙重奏 (Seasonal Fish & Yuzu Citrus Sear Tuna)：當季鮮魚片肉質清爽彈牙；而柚子炙燒吞拿魚更是亮點，外層微焦鎖住魚油香氣，柚子的酸甜微辛剛好中和了吞拿魚的油脂，非常開胃。 🍢 重頭戲：串燒拼盤 (Skewers Plate) 這盤串燒一上桌，炭火香氣撲鼻而來，絕對是整晚的靈魂所在： Cuttlefish Wrapped in Chicken Skin (雞皮包墨魚)：本日最驚艷！ 烤得金黃酥脆的雞皮，包裹著彈牙鮮甜的墨魚滑。一口咬下，外脆內Q，油脂香與海鮮的鮮甜在口中爆開，口感層次極其豐富！ French Quail Egg (法國鵪鶉蛋) & Garlic Steak (蒜香牛柳)：鵪鶉蛋外皮微焦、蛋黃爆漿；牛柳肉質軟嫩，伴隨迷人的蒜香，火候控制得剛剛好。 內臟愛好者天堂 (Chicken Heart / Liver / Mid Wings)：雞心帶有彈性、雞肝濃郁粉嫩、雞中翼外皮焦香肉質多汁。 🍚 主食：滿足感爆棚的終章 (Main) 主食提供二選一，揀左Wagyu Fried Rice (和牛炒飯)：炒得粒粒分明，牛油的香氣均勻包裹著每粒米飯，和牛碎肉油脂豐腴，每一口都是罪惡的滿足感。 🍵 甜品：完美的清新收尾 (Dessert) Matcha Tofu (抹茶豆腐)：最後登場的甜品非常解膩。豆腐口感滑嫩，伴隨著清雅微苦的抹茶香與淡淡的奶香，為這頓油脂感豐腴的晚餐畫上了一個溫柔、清爽的句號。 💬 總結 最喜歡是雞皮包墨魚和炙燒吞拿魚令人印象深刻。不論是情侶約會還是朋友聚會，點這套菜單都絕對不會踩雷！

F Fiona 3 個月前

今日去咗間日式串燒居酒屋，由於我哋無訂位，只好坐在室外享用晚餐但氣氛亦不錯，食物相當唔錯，我最喜歡既刺身，燒牛脷，白鱔恰到好處😋😋😋。見到服務員很好很主動問小朋友對食物嘅需要👍👍

Coco Lai 6 個月前

好耐無約過朋友放工後聚一聚。適逢大家都係灣仔之友，合和酒店果邊又開左好多餐廳，就一齊去食飯，傾下計啦。 今次先去食個日式居酒屋feel嘅餐廳，叫幾款串燒，再加個沙律同主食，傾下計就成為愉快嘅一晚喇。 墨魚雞皮 墨魚好柔軟，外面包住燒香嘅雞皮，完全唔會柴。 溏心蛋薯仔沙律 廚師提醒我哋整碎雪糕筒，同薯仔沙律撈埋一齊食，口感會更豐富，軟棉棉嘅薯仔沙律中帶d脆脆，再加埋溏心蛋，都幾好食。 和牛炒飯 唔好以為好細份，每人都有一大碗架。炒飯係粒粒分明，和牛粒嘅份量都唔少，再配合埋葱花，都幾香喎。 免治雞肉棒 免治雞肉中有雞軟骨，加添雞肉棒口感，再點埋月見汁，甜甜地，又有滑滑嘅蛋液，好食呀，自己KO左一串。 雞皮明太子蝦 最外層係燒到香脆嘅雞皮，包住剛好熟嘅蝦，蝦肉爽脆又大隻，入面再包住咸香嘅明太子，味道配合得好好。 厚切牛舌 厚切牛舌熟度剛好，面頭輕輕灑上少少鹽，旁邊配少少芥末醬，味道剛剛好。 雞腳跟 雞腳跟燒得好香呀，口感軟中帶少少腳跟嘅韌度，唔需要太多嘅調味，灑少少鹽就已經好好食，我同朋友都好欣賞。 串燒係即叫即燒，坐喺bar枱都幾正，可以睇住師傅燒，又係另一享受。