阿閒泰 (尖沙咀)

Kenneth Tse 上次編輯：2 個月前

2026/8第二次再黎等得太耐啦，問服務員長高邊女仔，我只係講錯食咩反眼加黑面，食野唔想食埋道氣就諗下 今日去咗尖沙咀海港城嘅阿閒泰食泰國菜，整體體驗真係好高質！最令人驚喜嘅係佢哋嘅調味，做得非常正宗而且好有層次。🌶️😋 今次點咗招牌嘅泰式湯麵，湯底呈金黃色，飲落酸辣帶勁，椰香味同香料味平衡得啱啱好，辣得非常過癮！麵條好掛湯，配埋流心溏心蛋、爽口芽菜同極之入味嘅豬肉，每一口都大滿足。另外仲點咗串燒同其他泰式小食，醬汁惹味，火候亦控制得好。雖然辣度對平時少食辣嘅人嚟講可能算有挑戰性，但對鍾意泰式酸辣風味嘅朋友嚟講絕對係享受。環境坐得舒服，係尖沙咀想食餐高質泰菜嘅好選擇！👍✨

room_hoster 5 個月前

阿閒泰選址地點好，無論於尖沙咀地鐵站或是尖東屯馬綫出閘都方便，平日閒逛經過都看到要排隊等入座，是K11商場人氣餐廳的其中之一！ 淺木色裝潢佈置既摩登又予人感覺舒適。是晚點了香脆的手工原隻炸蝦多士，有炸魚皮蘿蔔牛腱牛筋金錢肚juicy牛丸的牛船麵，點餐時可自選泰國新鮮幼麵 / 闊粉 / 米粉。軟腍入味又不乾韌的阿閒滷無骨豬手，有炸蝦頭的泰生蝦刺身配惹味酸辣汁，泰式豬肉炒闊河粉調味適中有鑊氣，闊河粉質感煙韌軟彈，泰式泡沫奶茶味道好又不會過甜，好飲！ 泰生蝦刺身 $108 泰式豬肉炒闊河粉 $138 阿閒滷無骨豬手 $118 牛船麵 $96 手工原隻炸蝦多士 (2 pcs) $76 泰式泡沫奶茶 $46

sharefood2you & yiphenryphotography 6 個月前

超 Chill 月球燈下的泰式 Fusion 之旅 ✨ 喺 K11 Art Mall 搵到呢間白色田園風餐廳，簡約清爽仲有超大月球燈 🌙 同可愛兔仔擺設，氣氛滿分！無論係拍拖定同朋友聚餐都超好影 📸 🍽 6 大必試推介： 1️⃣ 冬蔭功濃汁虎蝦意粉 (必點!) 🍝 招牌靈魂角色！濃縮冬蔭功汁完美掛喺彈牙意粉上， 酸辣惹味超重口味。兩隻大虎蝦爽彈鮮甜，十足滿足感！🦐 2️⃣ 棕櫚糖炭燒三黃雞 (半隻) 🍗 驚喜之作！用咗泰國棕櫚糖，外皮帶點焦糖清香， 皮脆肉嫩，炭香味極濃，肉質嫩滑完全唔乾。 3️⃣ 馬拉盞炒椰菜仔 🥦 鑊氣十足！蝦膏味超濃郁，大火爆炒到外脆內爽甜，配燒雞一齊食簡直係神組合。 4️⃣ 炭燒牛肉配青芒沙律 🥩 牛肉嫩滑多汁，配埋酸爽青芒，清新開胃，中和咗其他濃味菜式嘅膩感。 5️⃣ 橙香特濃咖啡 Orange Espresso ☕ 清新橙香加濃郁咖啡，完全唔澀，飲落超級 Refreshing 🍊 6️⃣ 阿閒泰奶綠 🧋 打卡必點 📸賣相靚到捨不得飲！奶綠配燒香蕉串， 奶香濃郁順滑，仲有燒香蕉串打卡感滿分，漸層綠色喺月球燈前影相勁夢幻 💚

heleninocean 7 個月前

邊個話泰國菜一定要傳統？ 喺尖沙咀 K11 Art Mall 發現咗呢間新派 泰菜，賣相精緻，連飲品甜品好有驚喜。 🍗鹹蛋黃金單骨雞翼 ($78) 鹹蛋黃醬超濃郁，單骨設計食落好方便。 🥗即燒豬頸肉配青芒沙律 ($98) 豬頸肉肥美，燒得香口，再濃邊更好，配埋酸爽嘅青芒沙律，非常開胃。 🦐泰式生蝦刺身 ($108) 1shot 1隻生蝦刺身，肉質爽彈，配上特製綠色醬汁辣度剛好。 🦑泰香葉墨魚餅 ($58) 口感紮實，似泰式魚餅加點墨魚粒碎。可以叫半份兩件。 🍜大蝦海鮮喇沙摻摻 ($96) 喇沙湯底略嫌椰香味偏淡，飲落唔夠濃郁厚身，層次感爭少少，海鮮配料有大蝦、海鮮，魚蛋份量算係豐富。 🧋泰式泡沫奶茶 ($46) 個奶泡好厚滑，鍾意飲茶味重嘅一定要試。 🧋泰式鴛鴦 ($46) 茶香都好突出，唔會過甜。 🥭芒果柚子莎莎配芒果雪條凍 ($66) 成枝芒果雪條插喺甜品度，視覺效果滿分，柚子莎莎酸甜適中，楊枝甘露變奏版，係餐飯最好嘅 Ending。 晚上8:30pm 入座更可享88折 Happy Hour 4-7pm Cocktail buy 1 get 1

Giselle Liu 8 個月前

最近同朋友去咗銅鑼灣世貿中心呢間泰國菜食晚飯～✨一入到去就覺得裝修好靚，係小清新森林風🌿，仲有啲東南亞風情，坐得好舒服，好啱同朋友慢慢食、慢慢傾偈😌。 呢度主打創意泰西融合菜，啲材料同醬汁都係泰國空運直送㗎✈️～ 尖沙咀K11 Art Mall都有分店，下次去開嗰頭都可以試吓！ 〰️〰️〰️〰️〰️〰️〰️〰️ ✨ 5 course for 2 Dinner Set $388 ✨ 星期一至四 17:30-21:30 🥣 是日餐湯 - 粟米湯 飲落好香甜，仲有微微奶香，暖笠笠好開胃～ 🦐 泰生蝦刺身 蝦肉爽口彈牙，點埋特製泰式辣醬，酸酸辣辣好醒胃！ 🍗 泰鹹蛋黃金單骨雞翼 鹹蛋黃醬炒到好香濃，雞翼炸得脆口又唔油膩，好惹味😋 🍗 棕櫚糖炭燒三黃雞 半隻 +$48 外皮燒到微脆，肉質好嫩滑～棕櫚糖嘅甜味同炭燒香好夾，值得加錢試！ 🍛 雞肉青咖喱 +$28 青咖喱香而不嗆，椰奶味濃，雞肉煮得入味，好食～ 🍰 芒果芝士蛋糕 +$36 芒果清甜，芝士蛋糕質感細滑，食完濃味嘢啱啱好可以平衡一下！ 🥥 泰式街頭椰子雪糕 +$36 雪糕好香椰子味🥥！入面仲有粟米、果仁、窩夫同粟米片，口感勁豐富，一啖咬落去有齊脆同軟嘅層次～真係好似去咗泰國夜市食緊咁，好正！😍 🌼 季節限定花茶（熱） 淡淡花香，飲完成個人放鬆晒，好舒服💐 〰️〰️〰️〰️〰️〰️〰️〰️ 💰 總計: $590, 2位用餐（已包含10%服務費）