Nara Thai Cuisine (海港城店)

Tony Fung 1 個月前

泰式炒肉碎煎蛋飯 是是但但搵一間街邊小店都有誠意過佢！ 最基本嘅basil leaf，一丁點都冇，簡單來講，就是味精炒豬肉多油多塩。唉！好心做好少少啦，難怪依家咁多人完全冇興趣留港消費！

Mochicouple_hk 11 個月前

🍤 餐前小吃・泰式炸蝦片 一坐低就有得食嘅泰式炸蝦片💥！炸得金黃香脆，每片都帶微微蝦膏香氣！ 1️⃣ 大蝦柚子沙拉 $128 大蝦爽口彈牙，皮薄肉厚；柚子果肉多汁、清甜帶微酸，酸甜醬汁醒胃但唔嗆，辣醬微辣點綴爽感。 2️⃣ 椰子雞湯 $128 椰奶香都幾濃，香茅、檸檬葉清香混入湯中，既暖胃又提升層次。雞肉片滑嫩，草菇吸滿湯汁，再加少少辣味與酸度平衡！ 3️⃣黃咖喱軟殼蟹 配印度薄餅(2件)及蒜蓉包（一客）$228+$40+$40 軟殼蟹炸得香脆，配上滑蛋黃咖哩，咖哩香濃但唔膩、蒜蓉包、煙韌印度薄餅，兩款點餅任你配咖喱汁一齊食，滋味升級。 4️⃣冬蔭大蝦粉絲煲$208 粉絲已經吸滿冬蔭功那酸辣精華，每條都入味又滑，配上幾隻彈牙大蝦，辣度與酸度平衡得宜 5️⃣泰式珍寶火山排骨$238 超強視覺震撼🌋五大塊豬肋骨堆成火山咁高，肉質炆得非常腍，一撥即離骨，醬汁酸辣明顯，帶少許青辣椒清新氣息！ 6️⃣芒果糯米飯$78 熟甜大芒果加埋軟糯糯米飯，再淋上濃郁椰奶，畫面同味道雙雙滿分🥭🥭芒果大塊多汁、糯米飯軟韌恰到好處、椰奶香甜微鹹優雅調和 7️⃣ 鮮椰子沙冰$48 夏天必飲❄️ 椰子味香甜清新，淡淡椰肉香點綴，沙冰質感滑順又夠冰涼，好清爽解膩👍🏼 8️⃣芒椰蝶夢$55 夢幻紫＋黃色漸層飲品，打卡一流📸味道偏甜，芒果＋椰子味融合細緻，視覺與味覺同樣驚艷 🌟想知道更多美食🤪記得follow@mochicouple_hk啦😍🎉📸

Twins Foodie Diary 1 年前

Nara Thai Cuisine 係一間來自泰國嘅人氣餐廳，而家喺尖沙咀海港城都食到啦！餐廳位置好方便，坐擁維港海景，環境寬敞舒適，裝修融入現代泰式風格，啱晒同朋友聚餐或者家庭聚會。主打傳統泰國菜，味道正宗得來又貼近香港人口味 叫左大蝦柚子沙拉 、椰子雞湯 、黃咖喱軟殼蟹 配印度薄餅同蒜蓉包、香茅烤雞、泰式珍寶火山排骨 ，當然唔少得飯後甜品芒果糯米飯配椰奶同叫左海鹽焦糖泰式奶茶 黃咖喱軟殼蟹同泰式火山排骨一定係要試，味道非常貼近香港人嘅口味軟殼蟹籽都脆卜卜火山排骨排到成座山咁高！

lyanna foodie 1 年前

今日同一個好耐冇見嘅閨蜜敘舊，想揀一間環境舒服、坐枱闊落嘅泰國菜，最好係有啲打卡位，俾我哋影吓靚相嘅餐廳！😌😌 大蝦柚子沙拉🥗 大蝦肉質爽彈新鮮，柚子肉非常Juicy 好新鮮，配埋特色醬汁一齊食，清新又開胃！ 椰子雞湯🐔 食泰國嘢，除咗飲冬陰功湯之外，其實椰子雞湯都係另一個好好嘅選擇，呢個椰子雞湯椰子味香濃，質地帶有少少creamy，湯入面仲有好多草菇同埋雞肉做配料，惹味開胃！ 黃咖喱軟殼蟹 配印度薄餅及蒜蓉包🦀 呢一個咖喱軟殼蟹非常邪惡，欣賞佢哋嘅咖喱加咗蛋喺入面，食落零舍香，最啱就配薄餅同埋蒜蓉包一齊食🤤🤤 冬蔭大蝦粉絲煲🦐 超級推介呢一個大蝦粉絲煲，首先係大蝦嘅份量好多，而且隻隻都新鮮彈牙！其次係佢哋嘅粉絲炒得好惹味，分分鐘好食過喺泰國當地食啊！🙌🏻🙌🏻 泰式珍寶火山排骨🐷 呢個火山排骨上枱非常震撼，因為非常大碟，四個人或者以上share都冇問題呀～呢一個火山排骨嘅湯汁好香，連啲配菜都煮得好入味～🫶🏻🫶🏻 芒果糯米飯🥭 食泰國嘢當然唔少得嗌返個芒果糯米飯作結尾，佢哋嘅芒果糯米飯軟糯得黎熱辣辣，配埋新鮮香甜嘅芒果真係冇得輸！ 芒椰蝶夢🦋 飲品由夢幻嘅紫色同埋黃色組成，打卡好靚，味道亦都唔會太甜好飲！ 鮮芒果甘露沙冰🍧 呢個先芒果沙冰芒果味濃，而且味道唔人工，仲有啲柚子肉喺上面，好飲推介！

Hiu Tung Man 4 年前

久違嘅晚市堂食！第一餐堂食我哋決定揀間環境靚嘅餐廳坐低慢慢享受！好耐冇食泰國菜嘅我倆決定試下曼谷泰國菜名店Nara Thai ，餐廳喺泰國甚有名氣，連續十年被選為「最佳泰國食府」，供應嘅泰國菜傳統中不失新意，好有特色。我喺曼谷無食過，所以去之前都充滿期待！餐廳裝潢走少女風，到處都見可愛粉紅色，入面亦有不少打卡位，例如藤椅鞦韆、手工藤編孔雀椅，仲有唔少半開放式包廂，環境好夢幻！ 一坐下，侍應就送上一籃蝦片（$15)，蝦片脆卜卜，非常香口！ 泰式東北小食拼盤 呢度有兩款小食拼盤，揀咗比較特別嘅東北小食拼盤，有東北豬肉丸，清邁香腸及泰式香腸同肉碎沙律。東北豬肉丸炸得香脆，由於加咗香茅、炒糯米粉、辣椒粉等，味道惹味，充滿泰式風味！蘸上泰式酸子辣椒汁，令味道更加提升！清邁及泰式香腸味道同我喺清邁夜市食到嘅好類似，混合咗唔同嘅泰式香料，味道酸香，配生菜同薑片，唔會太漏。肉碎沙律則最好配埋新鮮薄荷葉一齊食，香味唔單止增添層次，而且有減膩之效。 紅咖喱牛肋肉($158) 印度薄餅($35) 牛肋肉份量比想像中多，我哋兩個完全食唔晒呢！牛肋肉炆得軟腍鬆化，紅咖喱好香但唔會太辣，同牛肋肉味道好夾！我哋當然唔會浪費d咖喱，加點咗一份印度薄餅，薄餅熱辣辣好軟熟，好味！ 菠蘿海鮮炒飯($128) 菠蘿海鮮炒飯，就係要成個菠蘿上碟先像樣嘛！呢度嘅菠蘿海鮮炒飯誠意十足，海鮮款式頗多樣化，有青口，大蝦，帶子，魷魚、蜆、蠔等，好足料！加埋肉鬆同腰果一齊食，每啖都味道豐富！