Abbraccio

hkfo.odlover 1 個月前

😋中環大館靚景有情調西餐 同朋友慶生，係佢公司附近搵咗呢間西餐同佢慶祝。揀咗戶外座位，夜晚天氣唔熱，有少少涼風，餐廳亦有安排大風扇，望住大館個景，好有情調😍 À la carte 餐牌可選擇Dinner Set ，前菜/沙律+薄餅/意粉+ 甜品$448抵過散叫，食物份量都算多👍🏻 前菜： 🌟安格斯薄切生裡肌肉：新鮮、好大份😍 🌟意式薄切八爪魚冷盤：好少有呢個菜式，配個醬汁好豐富的口味 主菜： 🌟伏特加意大利麵：伏特加味就不大食到，不過個通心粉煙煙韌韌，仲辣辣地，都幾好食開胃 🌟蘑菇意大利飯：不同的菇加埋好有菇味，口感亦豐富，還伴著一塊芝士👍🏻 甜品：我和朋友都點了Tiramisu, 估唔到份量超大，食1/4都夠🤣😋朋友生日，所以預先同餐廳講，上甜品時有寫碟👍🏻朋友好驚喜滿意。 酒水我們叫了紅酒、Rose、sparkling water。其實佢嘅Happy hour free flow $198 都幾抵，飲2杯就回本啦，可惜我哋食得比較晏就唯有單點啦😊

Erica Erica 3 個月前

雲咸街有間露台餐廳環境好chill食物質素都唔錯，夜晚4道菜自選晚餐只係$598起，有頭盤/沙律、海鮮/肉類、pizza/pasta仲有甜品，成個主餐牌任選（部分食物要加錢），份量仲要夠2個人食，性價比超高。 我哋揀咗個雞肉沙律，雞胸肉唔算韌，沙律菜用咗海量橄欖油同黑醋去撈，每啖都充滿油香。 主菜我哋揀咗羊架，水準有驚喜，有羊味、唔韌，配埋蕃薯蓉食好夾。 意粉揀咗個檸檬意粉，用咗新鮮檸檬令忌廉汁變得清爽，幾得意嘅選擇。 Tiramisu濕潤度同酒嘅濃度都合適，整體唔錯～

Rachel Yip 3 個月前

環境寧靜舒服，仲有室外露台位置好chill，食物有水準，服務亦貼心到位。 點了4-Course Lunch Menu，南瓜湯飲到天然甜味，沙律菜新鮮爽脆好開胃。 推介他們的吞拿魚披蕯🍕：勁多料！餅底質地亦滿意。安格斯牛肉千層麵好濃郁，每層都夾住滿滿嘅肉醬同芝士，啖啖滿足。

helenng413 3 個月前

中環超Chill意大利午餐✨四道菜食到超治愈 中環返工想搵一間舒服、高質又唔太趕嘅午餐，呢間 Abbraccio 真係超完美！ 中午環境寧靜放鬆，節奏緩慢，食飯完全零壓力，超Chill嘅體驗☀️ 今次試咗呢度嘅四道菜午餐Set，每一道出品都好正宗意式風味，水準非常穩定。 🍕 Contadina 手工白汁薄餅 第一次試白汁底Pizza真係驚喜！濃郁手工忌廉白汁做底，配上嫩滑雞胸肉絲，再加入兩款不同芝士焗製。芝香超級濃厚，奶香順口完全唔膩。餅底薄身鬆脆，每一口都好香，食落超舒服。 🍝 安格斯牛肉千層麵 必點經典！每一層都鋪滿厚實嘅安格斯牛肉醬，肉味濃郁。面皮軟滑吸滿醬汁，芝士同肉香完美融合，入口綿密醇厚，味道層次超豐富，非常惹味。 🍰 Mini Tiramisu 收尾甜品超加分！細細件剛剛好，質地濕潤綿密，芝士香十足，帶有溫柔咖啡香，甜度適中。食完鹹盤再食，超解膩又治愈。 整頓午餐節奏舒服、食材新鮮、味道正宗。 中環想食Chill、高質、唔踩雷嘅意大利午餐，呢間絕對值得收藏！

Life in Epiccolor 4 個月前

🚸 正宗意大利菜🇮🇹 Set lunch 有齊湯、沙律、主菜、甜品同飲品，$178+1 都幾抵。仲有180度大館靚景！日頭/夜晚去都咁靚景，雖然我唔係遊客但覺得呢度值得試👍🏻 🍴Pizza Tonno: 見到烤焦的pizza 邊馬上😍，係手工呑拿魚pizza丫！呑拿魚很澎湃，芝士同蕃茄味淡，主要食魚味。✨推薦✨中意高蛋白質低脂的朋友試，健康又滿足😌。 🍴Lasagne veggie 素食千層麵：✨大推介✨芝士🧀同蕃茄醬濃郁，配埋素千層麵、茄子🍆、甜椒🫑、紅蘿蔔🥕等蔬菜，竟然出奇惹味！ 🍴甜品必食Panna cotta ：雖然Tiramisu 咖啡味出色，但第一次食到咁滑既意大利奶凍，奶香加酸甜莓醬，好清爽更啱夏天食。