Aroy Khao Man Gai

peggy Apple 3 個月前

阿來泰式地道風味．旺角開完會鬆一鬆 做我哋呢行，開會開到天黑真係家常便飯。 尋日喺旺角搞掂個漫長會議，成班人餓到前胸貼後背， 個腦實到好似塞滿晒棉花的。仲要諗食咩？ 真係諗都費事諗。行過通菜街， 聞到陣陣香茅同燒烤味， 腳就自然停咗喺「阿來泰式地道風味」門口。 我哋成班麻甩佬，食嘢最緊要夠鑊氣同大份。 先嗌個例牌燒豬頸肉，呢個真係驚喜。 外層燒到焦香微脆，邊位帶少少燶， 入口肉質竟然仲係爽彈 juicy，完全唔乾柴， 點埋個秘製酸辣汁，胃口即時返晒嚟。 送啤酒一流，可惜聽日要開早會，忍一忍。 食泰國菜點可以冇咖喱？我哋叫咗個黃咖喱牛， 咖喱汁濃稠得嚟好香椰奶味，辣度溫和， 連唔太食得辣嘅同事都食到舐舐脷。 入面嘅牛腩炆得好腍，索滿晒咖喱汁，簡直係白飯小偷。 為咗唔嘥啲汁， 我哋即刻加配一客薄餅，四件熱辣辣，酥脆到拍拍聲， 用佢嚟蘸黃咖喱，完美演繹咩叫「汁都撈埋」， 呢個組合係必點！ 泰國菜嘅靈魂我覺得係通菜，呢碟馬拉盞炒通菜夠晒火喉， 勁有香味逼晒出嚟，通菜翠綠爽口， 唔會有渣，辣辣地好惹味， 幫我哋清一清味蕾嘅油膩感。 講到主食，當然唔少得店名招牌——阿來海南雞飯。 雞皮爽滑，雞肉嫩滑有雞味， 肉同骨之間仲有層晶瑩嘅啫喱，點埋三色醬 （黑醬油、薑蓉、辣醬），真係好滿足。 油飯粒粒分明，乾身唔油膩， 帶有淡淡斑蘭葉清香，就咁食都好好味。 最後同事們各自嗌咗杯熱咖啡同熱朱古力埋尾。 開完會嘅疲累，就係要靠呢種充滿鑊氣同人情味嘅晚餐嚟治癒。 餐廳：阿來泰式地道風味 地址：旺角通菜街97號地舖 #thai #dinner #海南雞 #泰菜 #旺角美食

misschaninhk 3 個月前

《阿來泰》泰式餐廳，位於旺角鬧市中，容易到直。 ✨泰皇咖喱炒大蝦 鮮蝦 混 蛋汁 和 淡奶 一起炒過，香濃惹味、微辣帶甜、口感滑滑，大愛! ✨️金柚子鮮蝦沙律 大蝦 2隻，柚子新鮮爆汁，混合酸甜甜醬汁，令人好開胃。 ✨️泰式菠蘿炒飯 $56 (午餐) 菠蘿很多汁，飯香且乾身，火喉十足。伴有香脆青瓜片 和 惹味肉鬆。 ✨午餐升級小食優惠。+$26 [蒜茸炒通菜(細)] 通菜夠爽脆，蒜香四溢，不太油腻。 跟餐 +$22 椰青 椰青肉厚，鮮甜味顯著。 飲品 $15/罐 大牌子罐裝 可樂 和 7-up，經過冷藏，冰凉解渴。

Ita Tsang 3 個月前

二人餐份量極多，平靚正之選！ 喺旺角想食泰菜，一定要試吓通菜街嘅「阿來」😎！ 難怪平時去親都咁多人，好在佢哋有樓上雅座～ 睇返價錢真係幾親民，平日套餐 $49 起就包飲品🥤，全日二至四人餐都係 $338 起！ ✨ 二人餐(B) ($388)： 有齊 4 餸 2 飯 2 飲品，份量多到足夠 3 個人食！ 🥗 泰式無骨酸辣鳳爪沙律 酸辣爽口，去晒骨超方便，夏天食一秒開胃！ 🐔 海南雞 (例牌) 例牌份量都幾多💕 雞件厚肉得嚟好嫩滑，配埋泰式特製醬汁，送油飯一流～ 🐷 燒豬頸肉 邊位帶點焦脆，鎖得住肉汁，口感爽彈惹味！😋 🥬 泰式肉碎生菜包 肉碎多到好似成碗飯咁！😳 炒得好有鑊氣、香料味濃，用生菜包住食層次豐富！ 🥤 阿華田脆脆 估唔到泰菜館都有得飲！味道超濃郁，面層脆脆口感爆棚，極邪惡😈😈 總結嚟講上菜快、食物有質素，二人餐由沙律到主菜都有齊，好豐富！

lylyw 3 個月前

同朋友一行四人過開嚟旺角呢邊，想食泰國菜，諗起阿來，份量又大，價錢又抵，而且廚師係泰國人，食物味道都比較正宗。 ————————————————————— ✔️二人套餐 (B) 呢個套餐有齊前菜、主食、肉類同飲品。兩個人食嘅話份量會太多，四個人一齊分享，再單點多少少其他食物，就啱啱好。 ▪️金柚子鮮蝦沙律 酸甜清新，柚子肉帶少少微苦，夾埋鮮蝦嘅甜味好夾。 ▪️泰式肉碎生菜包 肉碎炒得香辣惹味，包住爽脆嘅生菜一齊食，口感好有層次。 ▪️海南雞（例牌）配油飯 海南雞肉質嫩滑，雞皮同肉之間有少少啫喱狀，配埋香噴噴嘅油飯，水準唔錯。 ▪️燒豬頸肉 外皮燒到微微焦香，肉質爽口彈牙，點埋泰式酸辣醬食好惹味。 ▪️薄餅 (4件) 加$10加配，烘到香脆，好適合用嚟蘸咖喱。 ▪️ 椰汁三色冰&泰式奶茶 套餐包咗兩杯特色飲品。泰式奶茶茶味濃郁，煉奶香甜；三色冰椰香味十足，消暑解辣。 ✔️單點 ▪️咖喱炒軟殼蟹 軟殼蟹炸得酥脆，個靈魂係黃咖喱醬汁，蛋花炒得綿滑，咖喱香味濃郁得嚟又有少少甜，夾埋頭先套餐加嘅薄餅一齊食，絕配！ ▪️泰式炸蝦餅 外皮炸到金黃酥脆，咬落去蝦膠好彈牙，仲有好濃嘅蝦鮮味。 ▪️馬拉盞炒通菜 馬拉盞嘅鹹香同鑊氣完全融入通菜裏面，通菜仲保持爽脆，帶少少微辣。 ▪️青檸梳打 有氣飲品爽口解膩，青檸夠酸，鹹檸夠鹹香。

Starlight 4 個月前

好耐無同班朋友好好聚埋食餐飯，我地 4 個人坐低，睇完 Menu樣樣都好吸引，最後揀左二人套餐同埋單點部分食物。 🟡 黃咖喱炒軟殼蟹 一上枱個黃咖喱香氣就撲鼻而來！軟殼蟹炸得啱啱好，吸飽咗帶有蛋花的咖喱汁，入口外脆內軟。最精明嘅決定係加配咗薄餅，用張充滿油香、口感煙韌嘅薄餅捲埋啲咖喱蛋花一齊食，好好味。 🟡馬拉盞通菜 通菜炒得好有鑊氣，馬拉盞的蝦醬香完全滲透入菜葉入面，帶點微辣，配油飯一齊食，真係會令人一碗接一碗。 🟡香口小食組：炸蝦餅 & 燒豬頸肉 「泰式炸蝦餅」外皮酥脆到咬落去有「咔嚓」聲，裏面嘅蝦膠好彈牙 「燒豬頸肉」切得厚薄適中，邊位帶點微焦，脂肪同瘦肉比例剛剛好，點埋靈魂泰式酸辣醬，非常解膩。 🟡清爽平衡之選（二人餐 B 組合） 套餐裏面嘅「金柚子鮮蝦沙律」幫咗大忙，柚子肉好大粒，酸酸甜甜，一食胃口大開。「海南雞」嘅肉質好滑溜，雞皮完全唔肥，連埋特製嘅雞醬一齊食好正宗。仲有「肉碎生菜包」，肉碎炒得乾身唔油膩，用爽脆嘅生菜包裹住食，口感非常豐富。 🟡🥤 冰涼解辣特飲 泰式奶茶 & 椰汁三色冰：走正宗泰式甜美路線，奶茶茶香好重，三色冰則充滿濃郁椰奶香，配辣嘢一流。 青檸梳打 & 鹹檸7-UP：如果怕甜，呢兩杯絕對係清爽解膩嘅首選，一邊食香口嘢一邊飲有氣飲品！