EKKAMAI • 艾卡邁 • เอกมัย

Steve Au 1 個月前

地道風情泰國菜 旺角通菜街向來多地道美食，今次黎左呢間新開無耐的泰國三餐廳，裝修都好有泰國風情，於是入嚟試吓 印度薄餅 薄餅香口酥脆，吃下去亦不會太油，蘸咖喱醬一流！ 黃咖喱配牛肉 黃咖喱不會太辣，牛肉味亦很濃郁 仲有少少配菜：爽脆青豆 招牌泰式粉絲焗蝦煲 粉絲屬於偏淋身，吃下去幾有彈性蝦 size都好大隻，蝦肉彈牙蝦頭仲有微微甘甜的蝦膏味～ 泰式雞肉沙嗲串 雞肉嫩滑，表面沾上濃郁的沙嗲醬 旁邊配上自家制的醬汁，但個人建議不用額外蘸任何醬汁都食得出其鮮味 泰式炒通菜 通菜新鮮翠綠，師傅炒得好有穫氣，吃下去尤其惹味 凍椰子水 即係椰青 喝下去新鮮清甜，在這個炎炎夏日尤其解渴 泰式奶茶（熱） 平時飲開凍嘅得，今次一於試吓熱飲好濃郁嘅茶膽香～很順滑

hei lung wong 2 個月前

泰式豬肉碎沙律酸辣開胃，豬肉碎微辣，伴隨香茅與檸檬葉的清香，用爽脆的生菜包住食，口感層次豐富。 泰式炸蝦餅外皮炸到金黃酥脆，內裡蝦膠彈牙多汁，每一口都能吃到鮮甜的蝦肉。 泰式烤豬頸肉外焦內嫩，邊緣帶點微脆，油脂分布平均，蘸上特製泰式辣醬，鹹香惹味。 泰式炒寬粉配牛肉鑊氣十足，寬粉口感煙韌且吸飽醬汁，牛肉炒得滑嫩不靭，味道有驚喜。 經典甜品芒果糯米飯更是完美，芒果鮮甜無絲，配上溫熱香甜、軟糯度剛好的糯米飯，淋上濃郁椰漿，甜而不膩。

Chan Wing 2 個月前

椰汁冰 ($28) 龍眼冰 ($28)，前者椰香味濃，後者就有龍眼嘅清甜味道。 見到酸辣兩個字，就叫黎開吓胃口。泰式酸辣粉絲海鮮沙律 ($118)當主菜食其實都可以。 海鮮包括有魷魚，青口(清甜)，蝦隻(彈牙)及蜆。大量粉絲墊底，再淋上酸辣汁，食起黎有D似食緊越式撈凍檬，不過轉咗粉絲。夏天食都幾岩胃口。 點咗泰式雞肉沙嗲串 ($68/3串)，即叫即燒，質素係值得等嘅。 點沙嗲醬，鷄肉入口仲係嫩滑，外面帶點燒香味，有驚喜呀。 冬蔭公就飲得多，泰式酸辣胡椒蜆湯 ($68)就應該第一次飲。有大/細份，呢份係細，夠2-3人分享。 見到有青胡椒粒，羅勒，蜆及泰式香料，入口酸味多過辣味，幾開人胃口，枱面有手標胡椒粉，加少少仲好飲。 呢客泰式炒通菜 ($78)就唔少得，有惹味脆蒜帶點微辣，通菜入口無渣。 原來泰北咖喱雞肉金麵 ($88)是咁樣的。原隻鷄腿放於麵上，再淋上咖喱汁。 咖喱汁超香濃，係重口味之作。金麵原來指粗麵及炸脆咗嘅粗麵兩溝，有兩種口感及掛到咖喱汁，辣度算輕微。 主食類亦叫咗泰式打拋羅勒肉碎煎蛋飯 ($98)，份量都唔少。 羅勒肉碎炒得夠惹味，加埋豆角及蛋連飯一啖放入口，絶對係泰式偷飯賊。

Yan Wong 3 個月前

位於旺角通菜街的「艾卡邁」，係一間由泰國廚師主理的泰國菜餐廳🇹🇭 泰式生蝦刺身 一客有六隻，都幾大隻及厚肉，爽口彈牙，配上泰式酸辣汁，增添鮮味 泰式雞肉沙嗲串 合共有三串泰式雞肉，已經去皮及肥膏，啖啖肉，沾上沙嗲醬汁食用更美味 招牌泰式蟹肉炒飯 炒飯粒粒分明，加咗雞蛋絲、蟹肉及紫洋蔥一齊炒，都幾有鑊氣～且散發着陣陣蟹肉香 泰式大蝦炒金邊粉 金邊粉軟硬適中，當中加咗豆腐乾、芽菜、 洋蔥、雞蛋及大蝦等等食材，用料充足，味道酸酸甜甜的，整體口感及層次都好豐富 凍芒果沙冰 炎炎夏日最啱就飲返杯芒果沙冰，冰凍可口，消暑解膩

SummiSummi 4 個月前

返工成日經過依間，終於放假同朋友去咗試佢哋既Lunch😋裝修幾靚同員工都識講泰文，好有泰國風味~~ 🍴 : 泰式香葉炒辣肉碎配白飯+煎蛋 $78 辣肉碎炒得好香煎蛋啱啱好，攞嚟撈飯一流！如果辣度可以再高啲更加好 🍴 : 泰式豬頸肉炒飯 $88 豬頸肉醃得好入味，而且好腍亦燒得好香，炒飯亦炒得好乾身味道亦都充滿泰式風味🤤 🍴: 泰式牛肉炒寬粉 $78 大家都一致認同依個係最出色！寬粉嘅口感好特別，味道亦都係之前未食過，店員話呢個係泰北口味食品，強烈建議大家試吓😋 佢哋嘅晏晝可以用跟餐加去叫嘢飲，最平可以用9蚊加杯泰式奶茶，性價比幾高，星期六晏晝2點去到依然好多人，如果大家去建議book定位~~