Tamarind

arashi_caca 1 個月前

雞肉沙爹串，燒得好香，外面有啲焦焦哋，入面好 juicy，花生醬濃郁唔會太甜，好夾👍🏻👍🏻 豬頸肉燒到有啲煙燻味，中間肉質軟嫩有少少肥，配埋嗰碟酸辣醬（有洋蔥同香菜）一流，好開胃。呢個價錢有呢個份量好抵食🤟🏻🤟🏻 馬拉盞炒芥蘭就比較重口味，不過蒜蓉同馬拉盞好香，炒到啱啱好，菜梗仲有少少爽，味道正宗不過鹹味偏重，如果配飯會好啲。 最後甜品係芒果糯米飯，芒果好甜好新鮮，糯米飯暖暖哋好軟糯，椰汁同綠豆碎加埋，食完好滿足。👍🏻👍🏻

Cashbaba 3 個月前

泰料理“太多人”，在旺角“女人街”內這間排隊進內，從外內望很有泰國街頭feel，排排座的是快食快閃格局 有代客泊“傘”服務也很少見🤣🤣，可能很多人吃完不見了自己傘所以有這服務😅😅 朋友點的東西沒太考究名字😅😅，只知有雞肉串，味不太出，但加了醬會好些，那河粉很有鑊氣不錯，但如吃多幾口會有些咸，至於那肉碎加塊蛋的飯就很一般，這裡普遍出品都比較“精緻”，是淺嚐的選擇🤣🤣，還有打卡送的好似是荔枝冰免費的…算吧！！ 總括途經一試無防，專來的就…香港好多出色的泰菜，行多幾步吧

kelly chau 4 個月前

🇹🇭 旺角通菜街驚喜！高質平價泰菜「Tamarind」 同朋友喺旺角行完街，見Threads上面好多人大讚呢間位於通菜街嘅泰菜餐廳Tamarind，趁時間尚早，唔算超多人排隊就去試下，點知超有驚喜！ 🦐 泰式生蝦刺身 $108 賣相精緻！生蝦非常新鮮晶瑩，口感爽脆彈牙，上面放咗生蒜片同紅椒圈。最正係佢個特製泰式青檸辣汁，酸辣勁度十足，一入口瞬間喚醒味蕾，十分開胃！ 🐷 泰式烤豬頸肉 $68 呢個一定要點！豬頸肉外層烤到微微焦香，切成厚薄適中。入口肉質爽口軟腍，帶有陣陣油脂香，點埋特製嘅酸辣泰式醬汁，非常惹味，越食越上癮！ 🍳 香葉辣椒炒豬肉碎飯配煎蛋 $78 非常正宗嘅打拋豬！肉碎炒得乾身入味，香葉同辣椒嘅香氣完全滲透。將流心煎蛋、香辣肉碎同泰國香米飯拌勻一齊食，微辣鹹香，加上旁邊爽脆嘅青瓜，簡直係白飯殺手！ 🍜 泰式牛肉炒河粉 $78 河粉炒得好有「鑊氣」，色澤均勻而且唔會過分油膩！河粉口感煙韌，牛肉片份量唔少、質地嫩滑，配埋爽脆嘅玉米筍同芥蘭，味道層次好豐富。 🍹 泰式龍眼冰 $26 龍眼肉超多，清甜滋潤，叫咗少冰甜度啱啱好，解辣一流！ 🍹 泰式奶茶 $26 茶香同奶香平衡得好好，味道濃郁，口感順滑，係正宗嘅泰式風味！

尋找他鄉的貓貓 4 個月前

餐廳面積不大，裝飾以泰國大排檔為背景，坐滿了食客、熙熙攘攘，徬如置身於泰國街頭的大排檔。 鮮椰青 個大、新鮮又清甜，是上品。 泰國鹽烤魚 魚挺的大一條，用鹽塗抹在外皮上烤熟的。品味得出魚的新鮮，蘸點正宗泰味的醬料更好吃。 泰式虎蝦金邊粉 上桌是熱氣騰騰的，大蝦新鮮彈牙，伴碟的花生、芽菜、韭菜、雞蛋、蝦米、豆腐乾等都好好吃，調味也是正宗的泰味。 芒果糯米飯 糯米飯溫熱又軟糯、香甜，芒果也是香甜，拌勻椰漿後更好吃。 食材新鮮、調味正宗，加上是下單後即制的（非預製），熱氣騰騰的上桌，感受到的是泰國大排檔式的煙火氣，價格又實惠，難怪成了排隊的人氣餐廳。

Suet Cy 10 個月前

有book枱然後齊人入座 職員禮貌都好好，食物亦都比預期中好！ 廚房係開放式，好有大排檔feel，個人係喜歡的。呢個價錢，呢個地段，整體質素絕對係中上！ 特別想講吓火山排骨，order時同店員講唔想要乾冰，因為想個汁熱少少，黎到好滿意，肉好嫩滑。串燒都好出色，好入味。蠔餅炸得好鬆脆，不過食落會比較油膩，唔同平時食開嘅蠔餅，佢嘅鬆脆好輕身，應該有部分人會喜歡呢種質地嘅蠔餅！