Asok Thai Garden

Elyse Chan 2 個月前

《Asok Thai Garden》係「Asok Thai Group」嘅餐廳，喺尖沙咀都開咗好一段日子啦，成日經過見到都未試過，終於今日放工過嚟感受一下。 餐廳環境超有泰國風味，以白色同啡色為主，用上木枱木椅，仲有太陽傘⛱️，營造度假嘅感覺，好似去左沙灘餐廳咁，由城巿進入咗另一個地方。 食物款式都幾特別，有別於一般泰國餐廳嘅經典菜式，感覺比較有特色同埋地道。 食物味道、環境、氣氛都係非常特別嘅餐廳，幽暗嘅環境更加可以營造放鬆舒適嘅感覺。 主要係氣氛超級濃厚，每晚8:30之後就有猛男侍應服侍，佢哋會負責點餐、上菜、餵食甚至加插公主抱等大力表演環節，頓時全場嘅氣氛提升到最高點🔝，就算係隔籬枱望住做觀眾都會感受到箇中喜悅。 當晚都有唔少人到來慶祝生日，相信都係想感受呢個濃厚嘅生日氣氛，今時今日真係好難得見到餐廳可以提供更高情緒價值嘅體驗，難怪七點打後，見食客陸續入場，甚至全場爆滿。希望呢個環節可以繼續長存。

Lau Freda 2 個月前

今晚跟朋友食泰國菜，Asok餐廳充滿度假風裝潢,，泰菜味道好正宗，猛男的表演帶比我們好特别的體驗! ～ 冬陰功大蝦湯 冬陰功嘅酸辣度剛好，湯底香氣好足，唔會得太刺激。大蝦肉質又鮮又彈，飲落舒服，最後回味仲有少少香茅同香料層次! ～泰式古法燒雞 賣相已經吸引，雞皮色澤靚而且夠香；一切開肉質仍然保持多汁。調味香料味道突出，食落嘅口感層次好豐富，真係有「食到驚喜」嘅感覺! ～大蝦炒金邊粉 大蝦夠新鮮兼彈牙；金邊粉炒得乾爽適中! ～炒小椰菜 小椰菜爽脆，口感清新，炒功到位，蔬菜仍然保留到脆度，食落清甜味出得來! ～椰青 椰青夠清甜，飲落好清爽解渴，飲完之後幫你平衡整餐嘅酸辣同濃味! ～芒果糯米飯甜筒 將傳統芒果糯米飯融入雪糕甜筒中，外型非常吸睛，是打卡必點的創意甜品 餐廳採用木系、藤椅及榻榻米座席設計，很有泰國度假風情，慶生好去處。今晚剛好有「猛男表演」，全場氣氛極其高昂，非常適合朋友聚會或慶祝生日👍😋

Young Bonnie 3 個月前

以為淨係睇猛男？其實係被食物驚艷到 老實講，一開始嚟Asok Thai Garden，真係為咗猛男。 但食完之後，反而記得最深嘅，係佢啲菜。 大家都知呢度主打猛男主場，星期一至六晚仲會有生日歌環節，全場氣氛勁high，好適合同朋友嚟玩同慶生。但其實，佢嘅食物質素同氣氛一樣出色，完全唔係靠噱頭。 餐廳走度假風＋微club感設計，燈光同音樂都幾有feel，打卡同聚會都啱。 食物方面真心有驚喜： 冬陰功忌廉大蝦意粉 香味一上枱已經好突出，冬陰功加creamy口感好特別，意粉掛汁力強，仲有兩隻大蝦，幾有滿足感。 大蝦冬陰功湯 椰香濃郁，酸辣平衡得好好，最加分係勁多料——大蝦新鮮彈牙，蜆亦好多，飲落幾開胃。 燒牛肉 牛肉燒到剛好粉紅色，口感嫩滑又帶少少炭香，簡單但有水準。

VN Yip 8 個月前

見到尖沙咀有間猛男餐廳，唔只有猛男睇👀，環境、氣氛、食物都好正！坐低一陣已經feel到熱鬧氣氛～燈光柔和🌿、裝修好有南洋風，食住泰菜睇猛男真係滿滿情緒價值💃🕺 首先登場嘅 泰式生蝦🦐，蝦肉爽甜，青檸同蒜香味撞埋一齊，好開胃😋 冬陰功湯🔥 味道濃郁，酸辣得啱啱好，香料味突出，飲一啖成個人都暖晒。 雞肉串燒🍢 帶少少焦香味，雞肉嫩口又多汁，咬落有層次。 椰香咖喱軟殼蟹🦀 又香又惹味，椰香融合咖喱香，加埋炸得香脆嘅蟹，真係好正😋，點埋 印度烤餅🥖 點汁食更過癮。 甜品方面推介 芒果糯米飯甜筒🍦，打卡一流，帶芒果、糯米飯同椰子雪糕🥥，香甜清新，糯米軟糯唔膩，好療癒～ 飲品都有兩杯好選擇： PATTAYA🥥 帶椰子香氣，甜甜地夠清潤； 菊花蜜（熱）🌼 香甜暖身，飲完好放鬆。 整體嚟講呢度食物好、氣氛正、又有猛男睇～開心指數一百分💯！

Happi 8 個月前

【香港猛男餐廳初體驗🤣💪🏻✨】之前都去過呢度食嘢～原來依家仲有逢星期一、三、六、日，猛男駐場
公主抱、餵食、睇肌肉💪🏻✨ 咩都有~ 朋友生日仲可以／／／ 🎤🎶🎂三位猛男即場生日獻唱 餵你食甜品🥰笑死🎂 嘢食都高質~ 🔸 串燒（豬肉、雞肉、牛舌）
呢個串燒拼盤真係必試！豬肉同雞肉烤到外脆內嫩，肉汁鎖得好實，仲有淡淡香料味，唔會太鹹。
牛舌係驚喜位，切得厚身，入口爽脆又有嚼勁，烤過之後帶少少焦香，配埋檸檬汁一齊食，味道更清新，完全唔覺膩。 🔸 娘惹蕉葉烤魚 Banana Leaf Baked Whole Fish in Sambal Sauce $278
第一次喺泰菜餐廳食到娘惹風味！烤魚大份，扁身魚，魚肉嫩滑，仲有大堆雜菜伴碟，好豐富！。娘惹醬鹹甜交錯，食慾大增，加檸檬汁仲有清新感， 🔶 泰式拋打豬肉飯
豬肉炒到乾身又入味，辣度適中，帶少少羅勒香氣，一上枱已經好香。 加埋隻半熟太陽蛋一撈開，蛋黃流心混埋豬肉同白飯，一啖落肚好滿足！ 🔸 芒果糯米飯椰子雪糕甜筒 $88
西式＋泰式混搭，椰子雪糕筒反轉擺，打卡感十足！糯米飯配香甜椰漿，好特別！