鋿晶館 (旺角)

杨锦鹏 3 個月前

雪山叉燒包 個頭圓潤飽滿，外皮係鬆軟綿密嘅雪山皮，唔會乾硬；入面叉燒餡鹹甜平衡得剛好，醬汁唔會滲到成個包濕淋淋，甜度溫和，唔似連鎖茶餐廳甜到滯，一口落好順口。 黃金燒賣皇 燒賣皮染成金黃，皮薄透見到入面豬肉同蝦粒，肉餡彈牙唔柴，仲帶少少冬菇提香，鮮味足，蒸得剛剛好，唔會出水變腍。 小籠湯包 皮薄褶紋靚，夾起唔易穿，蘸香醋食一流，內裡湯汁豐富，豬肉鮮甜，唔會有濃重肉腥味，一籠兩個剛好一人一件。 炸兩腸粉 粉皮滑嫩薄身，裹住金黃油條，淋上自家豉油，撒滿蔥花，豉油鹹香唔太甜，油條仲保留少少脆感，唔會軟到淋晒，經典早餐款飲茶必點。 荷葉籠仔飯系列（全場驚喜） 石斑荷葉蒸飯 荷葉香完全滲入米飯，鋪滿厚切石斑片，魚肉雪白滑嫩無骨，淋上蒸鮮豉油，鋪滿蔥花，米吸盡魚鮮同荷葉香，每一啖都有鮮味，完全唔腥。 豉汁鰻魚荷葉飯 鰻魚塊醬油裹得均勻，軟糯入味，配上豆豉提香，油脂滲透粒粒米，鹹甜適中，荷葉底墊住蒸完唔會乾，重口味朋友會超鍾意。 梅菜肉餅缽仔飯 肉餡調得夠滑，梅菜中和油膩，淋上頭抽豉油撈飯超送飯，米飯軟糯，簡單樸實嘅家常味道，性價比高。 熱炸小食 椒盐脆豆腐 切細粒炸到金黃，外層薄脆，內裡豆腐滑嫩，椒鹽味均勻，唔會過鹹，細細粒一口一粒，開胃小食。 鹽酥排骨 外皮炸得酥香，骨頭細細，肉質唔柴，調味輕微椒鹽香，唔油膩，行街想食炸物呢個首選。 脆炸魷魚鬚 魷魚鬚炸到金黃鬆脆，外層粉漿薄，食到魷魚本身鮮甜，唔會一嘴粉，配豉油或者直接食都得。

peggy Apple 4 個月前

鋿晶館．即點即製點心高CP值又暖心 OT到晚上八點幾，成個人散晒， 個腦淨係諗住「好想食啲熱辣辣、有誠意嘅嘢」。 喺旺角地鐵站出口附近，見到鋿晶館燈光溫馨， 望入去座位闊落，侍應姐姐即刻笑住招呼， 就決定入去「醫肚」。 一坐低，侍應主動斟茶， 仲細心問「係咪收工嚟？慢慢坐，唔使急」。 呢份人情味，喺旺角呢啲旺區真係少見。 打開點心紙，發現佢哋標榜「即點即製」， 價錢仲要貼地，即刻放心叫幾樣。 先嚟時日燉湯——今晚係一揭蓋已經聞到濃濃嘅肉香。湯色清潤， 飲落冇味精嗰種「死鹹」，反而係真材實料嘅甜味。 螺頭夠腍，淮山粉糯，一啖落肚，成個胃暖笠笠， OT嘅疲勞好似散咗一半。 跟住蝦餃拼菜苗餃（各1件）上枱， 呢個「雙拼」對一個人嚟講好貼心。 蝦餃皮薄到隱約見到內裡粉紅蝦肉， 咬開係完整嘅大蝦，爽彈鮮甜，冇雪味。 菜苗餃更驚喜——菜苗切得幼細，混埋少少蝦膠， 清甜又唔削，外皮煙韌，兩款都做到「皮薄餡靚」。 主菜蒜香虎蝦蒸飯（套餐）真係重點。 原隻虎蝦開邊鋪喺飯面，蒜蓉豉汁調味恰到好處， 唔會搶咗蝦嘅鮮味。飯底用荷葉墊住蒸， 每粒飯都吸滿蝦汁同蒜香，軟硬適中， 撈埋一齊食，邪惡但滿足。虎蝦肉厚實， 一拮就知新鮮，唔係「霉肉」貨色。 最後喜灼鮮嫩時蔬——簡簡單單嘅菜心， 灼得剛好，翠綠爽脆，伴少少豉油熟油， 清甜無渣。食完咁多濃味嘢， 呢碟菜顯得特別重要，平衡返成餐飯。 埋單都係$150左右，以即點即製、 用料新鮮嘅水準嚟講，簡直係高CP值。 臨走侍應仲講「辛苦晒，返去早啲抖」，聽到心頭一暖。 鋿晶館冇花巧噱頭， 但勝在每一樣點心都食得出誠意——蝦餃唔會一早蒸定， 燉湯唔係「滾湯扮老火」，蒸飯更係即叫即蒸。 對於我呢啲OT後想食好少少、 但又唔想食連鎖嘢嘅打工仔， 真係一個暖胃又暖心嘅選擇。 送：甜品一客，桂花糕 專業有水準，唔係HEA做 好好食！ 餐廳：鋿晶館 地址：旺角彌敦道726號地舖 #鋿晶館 #dimsum #dinner #老火湯 #無味精

E K 上次編輯：4 個月前

點點滴滴。心心相印💕 手工制即叫即蒸，夠曬新鮮就是特別正😋 (特別要讚下 d 姐姐好nice 好 service~ ) ~ 炸物系列 ~ 千島醬脆皮蘿蔔糕 - 呢款好少有，蘿蔔糕炸到金黃酥脆，內裡綿滑，加埋千島醬，酸甜開胃 自家脆皮蝦多士，又係無得輸嘅組合，點千島醬都夾喎！ ~ 住家蒸飯 + 點心系列 ~ 佢哋嘅蒸飯加點心套餐，幾好喎！就算自己一個都可以食到唔同款式~我哋揀咗梅菜肉餅蒸金鳳飯加鮮蝦菜苗餃同黑松露燒賣~ 蒸飯用金鳳米都知係靚嘢！肉質嫩滑，梅菜香而不過鹹~好jep! 而且份量啱啱好，仲有 quota 食點心！ 燒賣飽滿厚肉，入面仲有冬菇同蝦仁，味道同松露醬都好夾~夠香又唔會粉雷雷 飲茶最愛菜苗餃！蒸得啱啱好，晶瑩剔透脹卜卜，見到都胃口大開。爽脆蝦仁加嫩綠菜苗，仲有荀粒添💚口感層次豐富~ ~ 味部 ~ 煎釀虎皮尖椒 - 外皮到微焦，尖椒微微辣又夠爽甜，肉餡豐富鮮美又彈牙~好食！

Man Man Hygge 4 個月前

原盅養生燉湯令人好驚喜！今次試咗蟲草花螺頭燉雞，湯頭清甜得嚟非常濃郁，每口都係精華，火候十足，飲得出係真材實料！ 龍蝦湯鮮竹卷亦好有心思，鮮竹卷吸飽咗濃濃嘅龍蝦湯，鮮味 double 提升，層次感好豐富。 蒸飯方面做得好有水準，用咗飯味香濃嘅金鳳飯。北菇滑雞蒸飯嘅雞肉蒸得非常嫩滑，雞油滲入粒粒分明嘅米飯入面，香氣撲鼻。鳳爪排骨蒸飯就勝在排骨同鳳爪都蒸到軟腍入味，配埋甜豉油撈飯，話咁快清晒成盅。

Ariel 5 個月前

喺旺角想搵間唔係「預製菜」嘅茶居，呢間堅持即叫即做嘅手工點心真係清流！✨ 最正係早茶孖寶 $39 起，仲要免加一，喺呢區嚟講簡直係平靚正之選。 蒜香蝦春捲炸得超香脆，內餡蝦肉彈牙，蒜香味好驚喜！ 時令燉湯真材實料，松茸菌菇份量十足，飲得出無味精，好潤喉。 黑松露燒賣 & 蝦餃，蝦餃內餡飽滿，燒賣加咗黑松露吊味，香氣層次升級。 蝦多士同樣酥脆，如果蝦肉可以再厚身啲就完美。 雖然店面唔算好大，但食得出人手製作嘅溫度，唔係連鎖工廠味道。想喺旺角舒服飲餐茶，呢間絕對值得 Bookmark！