喜煌點心專門店

Hiu ying Chan 2 個月前

📍 喜煌點心牛肉世家 ｛旺角｝ 而家喺香港真係好少會有全手工嘅點心🫕 竟然喺旺角搵到一間好傳統嘅點心🥧 差唔多每1分每1秒都會有客人出入！ 由於點心熱辣辣上枱，特別好食😋 放入口仲係熱～ 呢度嘅款式都除咗點心之外，仲會有蒸飯等～ 牛肉亦都係依度嘅招牌之一～ 每日新鮮製造，保證食岀新鮮😍 ✨ XO醬炒腸粉 香爆炒蝦米腸，係先用XO 醬爆香蝦米，然後再落鼓油王去爆炒，炒到條條分明，令到每條腸粉都受熱，條條都香口，鍾意食辣仲可以加辣落去，一開盒就超級香，夠曬惹味，腸粉唔會太林身一夾就散口感香口軟滑～ ✨ 金銀魚仔肉餅飯 肉餅即叫即蒸，連埋啲飯一齊，令到每粒米飯都有肉汁，蒸完之後會有個容器保持温度，肉餅蒸嘅火喉控制得啱啱好，肉餅好厚身，其入面真係有大量嘅金銀魚仔，食晒啲飯就咁食肉餅都唔覺得鹹🥢 ✨ 名醬蒸鳳爪 秘製醬汁好入味，每次飲茶必點🩷 底層係花生🥜 ✨ 瑤柱杞子燒賣皇 燒賣肉質飽滿結實，瑤柱絲與杞子點綴其間，為傳統豬肉燒賣增添海鮮鮮味與一絲甘甜，口感層次豐富而不乾柴。

he he 3 個月前

喜惶點心專門店 (旺角) 地址：旺角通菜街17號地舖（旺角站E2出口行約4分鐘） 推介： 杞子燒賣 — 呢度嘅燒賣叫瑤柱杞子燒賣皇，蝦肉同豬肉比例啱啱好，上面有瑤柱絲同杞子點綴，比普通燒賣多咗一份鮮甜。 蝦餃 — 喜煌鮮蝦餃，皮薄透亮，入面蝦肉大大粒，爽口彈牙。 奶皇包 — 佢哋嘅竹炭熔岩奶皇包，外層黑色幾特別，入面奶黃餡熱辣辣流心，食嘅時候小心辣親。 炸雲吞 — 鮮蝦炸雲吞，外皮炸到脆卜卜，入面包住大大粒蝦肉。 溫馨提示：茶位$8，全日免加一。

Ming_Course 3 個月前

餐廳上層以地鐵主題佈置🚇 仿如置身於地鐵車廂中 超打卡📸 而下層就以舊式戲院為主🎬 牆壁貼滿懷舊海報 超有特色～ . ── ʀᴇᴄᴏᴍᴍᴇɴᴅ ── ✦ 乾蒸牛肉燒賣皇 牛肉大大粒 結實彈牙👍🏻 新鮮牛肉鮮製 牛味更香濃 配上蝦籽 口感更豐富 每一啖都好幸福滿足💕 . ✦ 陳皮山竹牛肉球 每日新鮮牛肉鮮製‼️ 牛肉球好足料好大粒 肉質鮮嫩 夾雜清甜馬蹄粒 加上芫荽和果皮香🤤 蘸一蘸絕配喼汁 超好味 . ✦ 金翅瑤柱灌湯餃 雖然是浸湯灌湯餃🥟 但餃子皮好薄 湯汁豐富 有火腿和素翅餡料😋 還有瑤柱絲 真材實料 相當不錯！ . ✦ 原隻鮮蝦腸粉 鮮蝦腸粉雪白滑溜～ 隱約可見原隻蝦仁 整體爽滑又彈牙🥰 相當不錯 好滿足‼️ . ✦ 喜煌鮮蝦餃 一份四大粒蝦餃‼️ 蝦餃皮薄通透而黏彈👍🏻 蝦肉大大隻 爽口彈牙🦐 調味剛剛好 必食推薦！ . ✦ 醬皇金錢肚 沙嗲醬味道香濃帶微辣🌶 蜂巢坑紋賣相好吸引😍 金錢肚燜煮得超軟腍入味 還有蘿蔔鋪底 索汁一流 . ✦ 薑蔥牛柏葉 經典傳統點心之一！ 牛柏葉爽口彈牙😻 薑蔥味道香濃‼️ 還原酒樓原味道💖 . ✦ 蔥花炸兩腸粉 ✨$𝟐𝟎點心優惠✨ 外滑內脆‼️雙重口感‼️ 腸粉靈魂所在 － 混醬醬汁 有齊 豉油 甜醬 花生醬 好惹味‼️絕對會停不了口😈 . ✦ 潮州粉果 ✨$𝟐𝟎點心優惠✨ 一份四隻潮州粉果 花生蝦米等餡料 好飽滿 粉果皮通透而黏彈～ 一口 𝗦𝗶𝘇𝗲 進食超方便😜

Life Food 4 個月前

📍 旺角｜喜煌點心專門店 🥟 平時喺旺角搵食，想飲茶又唔想去大酒樓排長龍？呢間點心專門店真係幾驚喜，整體食物水準 幾高質，特別係牛魔王一定唔可以錯過，因為呢度有好多牛嘅點心選擇！ 🥢 點心詳細實測： • 蝦腸：腸粉滑溜溜，不過冇乜特別 • 牛柏葉：蒸得入味之餘仲保持到爽脆嘅口感，真係幾好味！係必點嘅惹味之選！！ • 炸鮮奶：外皮炸到金黃酥脆，入面嘅鮮奶餡香甜軟滑，100%流心感，口感層次好豐富。 • 花生豬手：豬手燜到非常軟腍入味，花生亦都吸曬啲精華，好重膠質。 • 蜂巢糕：入口鬆軟而且有好香嘅黑糖/蜂蜜味，正常發揮！ • 牛雜：喺點心舖見到牛雜真係少有，份量足而且洗得乾淨，滷得非常夠味。 • 牛肉球：大粒得嚟肉質彈牙，加咗腐皮墊底吸曬肉汁，經典之選！good trip！ • 雪山叉燒包（漏咗影相）：雖然冇相，但質素都係 幾高質，皮脆內熱，叉燒餡味道適中。 💬 總結： 呢間 喜煌 整體非常推薦，大部分食品都做得好出色！ 不過要留意返，呢度真係有 好多牛嘅食品，如果你或者同行朋友唔食牛嘅話，選擇就會相對少啲喇。

sunsum9806 5 個月前

今天來試這家的點心，實在驚喜連連，由傳統手藝到創意fusion都處理得相當出色。 · 粟米煎牛餅：必點！外層煎得金黃香脆，內裡牛肉鮮嫩多汁，粟米粒粒清甜，增加了口感層次！ · 鴛鴦燒賣：傳統豬肉蝦肉燒賣與另一款特色燒賣相映成趣，肉汁豐盈，幾有創意打卡不錯！ · 酥皮焗叉燒包 vs 京城蜜汁叉燒包：兩款叉燒包各有千秋。酥皮版本像菠蘿包般鬆脆，內餡惹味；京城版本則偏向軟熟飽滿，蜜汁香濃，建議兩款都點！ · 蜜汁叉燒腸粉：腸粉皮薄滑溜，透出滿滿的叉燒餡，蜜汁甜而不膩！ · 脆皮沙爹牛肉包：fusion得來又惹味，外皮酥脆，內餡沙爹牛肉濃郁微辣，很有港式茶餐廳風味！ · 鳳尾蝦香鹹水角：外層脆而不硬，咬開原隻鳳尾蝦，蝦肉彈牙，鹹甜平衡！ · 蜜瓜炸鮮奶：外脆內滑，鮮奶香濃，加上清新的蜜瓜味，小朋友都好中意！ · 古法馬拉糕：鬆軟有彈性，黑糖香氣古早味十足！ · 柴魚花生豬骨粥：綿密足料，柴魚香氣撲鼻，豬骨熬得軟爛，花生粉糯，仲有幹瑤柱增加香味，食完暖胃舒服！