潮薈軒

foodiesheep 2 個月前

又到左星期六日捐窿捐罅搵野食既日子，今日要去參加一個茶聚活動，地點係觀塘工廠區入面一棟唔太容易發現的商廈，點知一上到去，成層都係間酒家，仲要人頭湧湧、座無虛席，真係估佢唔到！ 話就話係下午茶時段，大家都諗住可能係食啲簡單點心，點知侍應上菜果陣，成枱人都當堂呆咗——先黎個燒味拼盤，燒肉叉燒燻蹄海蜇樣樣齊，跟住再黎一碟鑊氣十足既欖菜肉碎炒四季豆，然後輪到酸甜開胃既菠蘿咕嚕肉，仲有金蒜上湯浸時蔬、鹹香惹味既豉汁蒸䱽魚，再加多碟白切雞，真係送飯一流！你以為已經上哂菜？原來仲未齊架，仲有蠔皇野菌炆伊麵，每條麵都掛汁，蛋白炒飯就粒粒分明，最後甜品仲有桂花糕，晶瑩剔透，香甜美味。最誇張係每碟餸都大大碟，完全顛覆左大家對下午茶既想像，呢餐真係飽到上心口，整體口味都唔錯架！ 📍潮薈軒 (觀塘) 觀塘巧明街107號國基集團中心3樓

Jannet Miffy 4 個月前

下午茶到訪，目測約10幾枱客，環境鬆動， 可能位置喺後街又要坐𨋢上三樓，價錢相宜， 燒味湯米線48蚊加一蚊多一個點心，味道OK， 長者茶位有優惠六蚊一位， 人流不多 得閒可以再試。

sunsum9806 1 年前

呢間觀塘的酒樓龍蝦生翅四人餐抵到震，於是今晚就同親朋好友來食粵菜！ 🍖燒味拼盤 蜜汁叉燒外層蜜糖 glaze 閃令令，咬落去肉質鬆化得嚟帶少少焦香！ 脆皮燒肉皮脆過薯片！五層分明，肥膏部分入口即溶！ 海蜇爽脆到彈牙！ 🐟清蒸沙巴仔 好大一條魚！魚肉呈蒜瓣狀，筷子一夾就離骨。鋪了蔥絲，豉油帶淡淡酒香，連魚皮都滑溜溜～ 🍍懷舊生炒骨 排骨炸得金黃酥脆，外層掛滿酸甜汁都keep到脆口！新鮮菠蘿清甜多汁，彩椒爽脆，個汁調得好好，送白飯真係一流！ 🦐上湯海蝦伊麵 好多隻海蝦，精華全部煮入伊麵中，煮得al dente，吸盡蝦湯鮮味！ 🥣瑤柱海皇燉冬瓜環 半個冬瓜上枱！湯鮮味濃郁，瑤柱絲、蝦肉、瘦肉粒樣樣足料。冬瓜肉燉到半透明，用匙羹一刮就起，清甜到人人都讚 🍮杞子桂花糕 晶瑩剔透睇到桂花同杞子！入口清甜唔膩，桂花香慢慢滲出，質感Q彈得嚟唔會太硬，仲有少少檸檬葉清香🍋 🦢招牌燒鵝 皮下脂肪薄薄一層，肉質嫩滑得嚟仲有肉汁💦。配埋酸梅醬更加惹味👍

Missa06 1 年前

【觀塘抵食粵菜+懷舊海鮮套餐：潮薈軒】 💰套餐：四位海蝦翅餐$788 觀塘站附近的「潮薈軒」，主打傳統粵菜。最近晚市推出超值優惠，2-5位用膳即送燒鵝例牌！今次試咗佢哋嘅四位海蝦翅餐，$788有齊翅、蝦、魚同甜品，份量十足之餘更免費贈送燒鵝，性價比超級高！！絕對是打工仔慰勞自己的好選擇！ 【免費燒鵝 例牌】 晚市贈送的燒鵝皮脆肉嫩，雖然係贈品但絕不馬虎！！蜜糖色外皮油潤光亮，蘸上酸梅醬更開胃！！ 【上湯海蝦伊麵】 選用中型海蝦，蝦肉爽彈鮮甜。伊麵吸滿上湯精華，軟硬適中，傳統粵式風味十足！！ 【燒味拼盆】 包含蜜汁叉燒、脆皮燒肉、涼拌海蜇。拼盤份量足夠4人分享，擺盤整齊。 【紅燒花膠海皇翅】 花膠彈牙，翅針分明，湯底濃郁唔會過稠，傳統酒樓水準~~ 【XO炒帶子】 帶子以自家製XO醬爆炒，微辣惹味，鑊氣十足。 🐟【清蒸沙巴仔】 魚肉嫩滑，簡單以豉油蔥絲清蒸，突顯鮮味，火候控制得宜~~ 🍮【杞子桂花糕】 桂花糕清甜收尾~~桂花香氣清新，杞子增添口感，6件份量剛好~ 【懷舊粵菜精選】 除套餐外，餐廳還提供多款經典粵菜：例如招牌脆皮燒雞、清蒸海東升斑、瑤柱海皇燉冬瓜湯、台山桶蠔，等等！ 📍位置：觀塘巧明街107號國基集團中心3樓 🚇交通：港鐵港鐵觀塘站 A 出口, 步行約4分鐘，好方便！

vivian yik 1 年前

週末晚上同屋企人去左觀塘工廈覓食，意外發現呢間中菜館。食物質素唔錯，最驚喜係晚市2-5人入席仲送燒鵝例牌，6人仲送半隻燒鵝，好抵食！ ✨ 粟米深海魚塊 龍脷柳厚肉冇骨，外皮炸到金黃酥脆，但一啲都唔油膩，蘸粟米汁食好特別。連平時怕熱氣嘅阿媽都encore咗兩件！ 🥬 濃湯鮮竹浸菜苗
湯底鮮甜，鮮竹索晒湯汁，菜苗嫩綠，清淡解膩。 🐟 清蒸虎杉仔
手臂咁長嘅虎杉仔，魚肉嫩滑，魚肉一瓣瓣咁，豉油提鮮但唔會搶味。夾埋蔥絲薑絲食，鮮味爆棚！ 🌟 燒鵝例牌（晚市送） 🆓
燒鵝皮燒得油亮薄脆，脂肪層薄過紙，肉質紮實。蘸酸梅醬食仲正，解膩一流！