秋意

Hk Eatistruelove (Eatistruelove.hk) 2 個月前

去觀塘工廈搵食，係主打食豉油雞嘅「秋意」，豉油雞又真係好食。 豉油雞色澤均勻，雞皮滑溜、肉質嫩又入味，唔會太鹹，食落真係有雞味，好好送飯！ 唔想食飯都可以叫個精制濃雞湯淮山幼麵 ，雞湯濃郁夠味，唔油膩，配上淮山幼麵，感覺健康啲又養生。我哋仲加左酒釀溏心蛋 ，都好入味，酒香好出。

Livio Lam 3 個月前

餐點：豉油雞飯餐、白桃烏龍茶 $72 味道：色香味道幾好，但臨食到最尾嘅雞翼，鹹咗少少，肉質都算嬾滑。 環境：乾淨企理 服務：有禮貌，我食唔提供紙巾 性價比：中上，有心理準備排長龍，兩點打後相對較快。

Celia Ng 5 個月前

今日終於去到觀塘成業街「秋意」觀塘店試咗傳聞中嗰啲豉油雞——真係一食就明點解大家都講到停唔到口。 首先我就揀咗「秋意去骨豉油雞半隻」。一上枱真係見到🐓色澤靚靚✨，油香同豉油味撲鼻而來。佢嘅豉油汁帶出醇厚層次，香味出得好到位；再配上肉質——嫩滑得嚇人，咬落去口感好均衡。最誇張係食到停唔到口，一啲都唔會過咸，啖啖都想再夾多一啖，個薑蓉亦都好出色，夠晒多薑，最後半隻真係眨下眼就見底。 跟住又嗌咗「瑤柱去骨貴妃雞半隻」。賣相更係吸睛：瑤柱絲鋪滿面，顏色金黃靚靚🎉。咬下去好鮮甜，瑤柱味浸到入晒雞肉入面，香氣好持久；而雞肉同樣保持濕潤嫩滑，鹹香之間好有和諧，佢嘅雞皮又爽口彈牙👍完全可以話係一流。 加咗「酸菜魚套餐」，跟濃雞湯淮山麵、白桃烏龍茶（無糖）。酸菜魚麻辣味夠柔和，魚片亦都好鮮甜彈牙，口感好滑。淮山麵口感細滑。 最後仲加咗「味噌雞腳」小食——味噌味超濃郁，雞腳浸到好入味，連骨都有香味，最正係唔會過腍，反而仍然有咬口同有骨膠原感😋💯 講真，今次食完我都覺得「秋意」出品嗰啲雞——真係冇得彈；而且價位相對份量同質素，性價比超高及，定價大衆化，今晚我哋食咗成隻雞，食完後一啲都唔會口渴，嗰個豉油雞汁真係做到好出色，職員亦都十分有禮貌，下次一定再嚟，真係可以一路追到停唔到口😄。

Ka Ka Cheng 5 個月前

上網睇到人介紹食雞要嚟食呢間，今日一於嚟試吓，原來啲雞都好快賣晒，要食就趁早啲嚟🤞 1. 去骨豉油雞 （淨髀）+白飯 去骨雞髀真係懶人恩物！豉油汁好入味，雞肉極之滑又嫩，連皮食都唔會太肥膩。配埋熱辣辣嘅白飯，啲豉油汁撈飯食，簡直係完美組合，食完滿滿嘅滿足感。過幾日忍唔住又過嚟買咗成隻雞返屋企加餸😆🤤 2. 去骨口水雞 + 濃雞湯淮山麵 口水雞辣得好過癮！去骨雞肉浸滿麻辣汁，香辣又唔會太搶喉。濃雞湯淮山麵味道同口感都好特別，湯底真係有濃郁雞味，麵條爽滑，同辣雞一齊食，平衡返辣味，好夾！ 3. Shake Shake芥蘭 Shake Shake芥蘭好有創意！估唔到係一個凍食，芥蘭炒得爽脆，仲有啲蒜香。上枱後自己shake啲特製調味醬，咸咸香香，好似食緊零食版蔬菜，好玩又好食👍🏼 4. 撈汁皮蛋 皮蛋撈汁同平時出面餐廳嗰啲唔同！皮蛋嘅獨特香味同特製撈汁好夾，汁料帶啲酸辣，令皮蛋味道昇華，食落更開胃。作為涼拌小食，真係好醒神開胃。 5. 蔥油涼拌雙耳 雙耳涼拌好清爽！木耳同雲耳口感爽脆，蔥油汁香而不膩，帶少少醋酸味，好開胃。係一道簡單但好味嘅健康小食，啱晒夏天食。 6. 凍白桃烏龍茶 凍白桃烏龍茶好解渴！白桃味清香自然，同烏龍茶嘅茶底好融合，甜度適中，飲完唔會口乾。食完辣雞之後飲，特別舒服。 7. 凍百香果柑桔 個人比較中意凍百香果柑桔酸甜！百香果嘅濃郁香味同柑桔嘅清新好夾，酸甜平衡，飲落好fresh。好飲到勁快chur完😆

CF Wu 5 個月前

秋意由幾位有夢想的90後廚師主理，立志做出「屬於香港人的豉油雞」。市面上豉油雞比比皆是，但秋意的分別在於醬汁配方——店主特意以台灣豉油廠出品混合本地豉油，再加入逾10種香料熬煮，最後將雞隻浸泡45分鐘至九成熟。正因如此，成品呈現赤紅油亮色澤，雞皮爽滑帶雞油芳香，皮下雞肉同樣入味，而非只得表皮着色；雞肉本身亦不會因過度浸泡而老韌。米紙早在餐廳仍屬觀塘工廈隱世食堂之時已率先介紹，可見其質素早已獲本地食評界認可。套餐定價約$68起，附湯麵或白飯，性價比之高更是令亦是奇葩般的食客拍案叫絕——工廈環境雖然樸實，但出品毫不馬虎，這份「有夢想、無架子」的態度，正是秋意最大的誠意。 對於不嗜豉油或想換換口味的食客，秋意亦有黃酒藥膳雞米線供選擇。黃酒的甘香與藥材的清潤融合成湯底，入口回甘而不苦澀，帶淡淡酒香，屬暖胃養生之選，尤其適合手腳冰冷的女士補氣補血。雞件選用鮮嫩三黃雞，先煎香再以藥材黃酒湯煮透，令雞肉嫩滑入味又保留雞油香氣。米線本身滑身爽口，整碗湯頭色澤金黃，視覺上已充滿食慾。秋意在一間豉油雞專門店的框架之內，仍然願意花心思研發以雞為本的多元菜式，由豉油到黃酒，由雞飯到米線，充分展示這班90後廚師對「雞」的執念與創意，亦讓不同口味的食客都能在秋意找到屬於自己的那一碗。見到她能夠衝出觀塘，深入香港島，替其成功感到高興。 Autumn Feeling, helmed by a group of passionate 90s chefs, has built its reputation on soy sauce chicken that stands apart from the crowd. Their secret lies in a proprietary blend of Taiwanese and local soy sauces infused with over ten spices, producing a chicken that is amber-glazed, silky-skinned, and deeply flavourful without toughening the meat. For those who prefer something different, the yellow rice wine chicken noodle soup offers a fragrant, warming alternative — the mellow sweetness of Huangjiu paired with herbal broth makes it equally compelling. Simple surroundings, genuine craft.