名人館

Cyril Chan 2 個月前

觀塘🏭其實隱藏咗好多高質素嘅餐廳🍽️，呢間開喺酒店入邊嘅高級潮粵菜合館🥢「名人館」就傳承咗幾十年嘅傳統手藝👨‍🍳，所以十分之有水準！ 入到去環境非常寬敞✨，裝修走現代中式高雅路線🏮，仲設有多間隱私度極高嘅VIP獨立包廂，最啱一家大細或者商務聚餐🥂。 個杏汁白肺燉湯🥣用咗功夫湯嘅形式上臺🫖。一上枱已經聞到好香濃嘅杏仁味🤍，白肺處理得非常乾淨💧，入口即化，湯底飲得出係燉足火候，裏邊仲有🐓雞腳海螺同埋豬肉等材料，真係滋陰養顏呀🥰。 另外金腿冬茸海鮮羹🥄亦都好唔錯😋，金華火腿嘅鹹香🥓完美帶出海鮮嘅鮮甜🦐，冬茸口感綿密，每一啖都充滿層次感😌。 估唔到呢度嘅泰式凍花甲🌶️都咁有驚喜。花甲隻隻肥美肉厚🤩，配上酸酸辣辣嘅泰式醬汁🇹🇭，非常之醒胃，作為前菜真係👍一流呀。 陳年花雕蒸馬友🐟喺度嘅招牌菜之一🥢。馬友魚油份極之豐富🤤，加上陳年花雕嘅酒香撲鼻🍶，魚肉蒸得火候剛好，😍入口嫩滑無比，酒香同魚鮮味真係好夾呀👏。 佢哋嘅拔絲咕噜肉🍖亦都好有水準，外皮炸得極之酥脆🔥，夾起上嚟仲有完美嘅拔絲效果🥢，咬落去肉汁豐富，酸甜🍍比例恰到好處，真係食到停唔到口呀😋。

TY Chui 2 個月前

觀塘私房名人館🍽️ 一頓充滿驚喜的中式晚餐，我哋叫咗幾個菜食，每道菜都很有水準 . ✨豉油王煎蝦 火候恰到好處，蝦身彈牙入味，連蝦殼都滲滿醬香 ✨杏汁豬肺湯 清甜滋潤 ✨陳醋豬手 清爽開胃，醋香中和油膩，肉質軟滑，餐前小食一流 ✨鹿茸菇燉雞湯 清潤，用料足，喝落滋潤回甘，暑天飲相當舒服😆😆 ✨青瓜花炒鹿茸菇 有驚喜！第一次試青瓜花，原來係非常爽脆，整體好惹味，少辣做法更突顯食材原味 ✨香蒜竹炭豆腐 外脆內軟，撒上金蒜香氣爆發，賣相同味道兼備👍🏻👍🏻👍🏻 ✨招牌撈麵 辣香惹味，麵條彈牙，拌勻配菜越食越上癮 店內環境闊落舒適，適合朋友聚餐。 . 整體菜式穩定，份量合理，連加一後價錢都算抵食，觀塘想食高質粵菜又多一個選擇！

Psycho_foodiehk 2 個月前

作為酒店旗下嘅中菜廳，一入去個氛圍就係大氣優雅餐廳有一面大嘅落地玻璃，檯同檯有距離，環境舒服。最值得一讚嘅係餐廳服務員非常親切有禮貌，細心咁介紹每道小菜嘅特色同推介招牌，成餐飯貼心又舒適。 今次叫咗幾款家常精緻小菜，整體調味同火候都拿捏得極之到位。經典款拔絲咕嚕肉做到外層微脆拔絲，酸酸甜甜極度惹味，肉質爽彈有咬口！至於重頭戲 清蒸沙巴仔，魚肉新鮮滑溜、熟度剛好，淋埋鮮美醬油真係提味到爆。 大推秘製欖角醬燒骨，每舊都係排骨部位，欖角嘅鹹香同醬汁滲透到每舊肉骨入面，肉質軟貊不柴，越咬越香！ 仲有個鮮菌紅燒豆腐煲，豆腐外皮經過輕輕炸過，完美吸滿濃郁嘅醬汁精華，一咬開入面超級滑嫩，淡淡豆香！ 🐟清蒸沙巴仔1斤 $228 🐽熏蹄拼海蜇 $68 🍖秘製欖角醬燒骨 +$168 🍍拔絲咕嚕肉 $138 🔥名人老火湯 $38 🍄鮮菌紅燒豆腐煲 $118 ☕每位茶位 $15

mmmleemaple 上次編輯：3 個月前

🍽️ 名人館「休閒二人餐」真係幾有驚喜！ 今次黎到酒店旗下嘅名人館 二人餐真心幾抵食 優惠價只係 $688 仲有齊前菜、燉湯、滷水鵝拼盤、菜蔬、炒飯 份量足夠 兩個人甚至有打包！ 一開始嘅冰鎮南非鮑魚同 海蜇拼醉香鴨舌 好有誠意 鮑魚大隻又爽口彈牙 而因為我地唔食鴨舌 名人館都肯幫我地特製走鴨舌👍 開胃菜一流 另一款前菜陳醋豬手 我地都換左千層素鵝 呢個唔係脆嘅素鵝係偏淋滑 幾特別 杏汁燉豬肺湯必點！ 杏香濃郁但唔會過甜 飲落好舒服 另一個鹿茸菇燉雞湯都足料 係個唔錯選擇～ 重頭戲一定係個 滷水鵝肉雙拼！ 可以自由配搭 我地揀左豬頸肉啖啖肉🤭 滷水鵝肉香而唔鹹 食得出功夫 之後嘅櫻花蝦百合炒蘭 遠清爽解膩 百合爽甜 櫻花蝦香氣提升晒層次 最後用招牌名人炒飯收尾 粒粒分明 食唔晒都要打包冇得留低！ 呢個套餐最吸引係菜式夠多元 由冷盤、燉湯到滷味同炒飯都有齊 餐廳仲要好易話為 好肯幫我地客製化菜式 服務💯💯💯

Hinsonfoodhk 3 個月前

名人館（觀塘帝盛酒店1樓）環境中高檔，設有包廂，無論家庭聚會或商務飯局都適合，私隱度與氣氛兼備。主打潮州菜及滷水，口碑穩定；週末點心半價，加上孖寶優惠，性價比更高，適合想一次過試多款菜式。 出品方面整體份量充足、味道穩定：海蜇燻蹄爽口帶酸甜，開胃不膩；薑蔥桶蠔用料十足，蠔肉飽滿鮮甜無腥味；香草煎羊架外焦內嫩，香而不羶；蒜蓉粉絲蒸蟶子鮮味突出，粉絲吸汁入味；拍蒜油渣芥菜香口惹味；甜品椰汁咖啡糕口感軟滑，味道清新平衡。整體而言水準穩定，食物有質素又抵食，值得一試。