Chuan Town

Jasmine Yau 2 年前

銅鑼灣地道香辣四川菜——川火堂，鐘意食辣同川菜既朋友不容錯過🌶️ 餐廳麻雀雖小，五臟俱全，以古色古香中國風為主題，配上各款酒精飲品作點綴，別有一番風味～ 而食物方面，果然每一款都離唔開香辣口味，特別推介膠原脆皮豬手，外層香脆、內層彈牙肉質，再配上秘製蒜蔥、洋蔥、辣椒等特調醬料，令味道更香辣惹味！另外，推介可愛熊貓冰粉，除咗賣相吸引，而且充滿咗解辣嘅作用，滑溜溜嘅啫喱狀，入口即溶，非常舒服😌 整體而言係一間幾有特色既川菜，食得辣既朋友可以一試～

Hazel Chau 2 年前

係銅鑼灣好多餐廳揀，今日真係比我搵到一間又好味又抵食嘅餐廳食川菜，見到啲餸菜已經食指大動😋餐牌有烤魚、酸菜魚同麻辣香鍋，又幾多選擇，我同朋友叫左兩個二人餐，實行試多幾款野。 🥢二人餐： 🐟金湯酸菜魚 酸菜魚份量好多，係大豆芽同薯粉上滿滿滑魚塊，金湯酸味同辣味都調配得剛好，夠味之餘唔會過鹹過辣 清炒萵筍絲，食落脆身爽口，味道清香，又係滿滿一大碟 🥢二人餐: 燒椒金色皮蛋 皮蛋晶瑩剔透呈流心狀，食落冇平時刺鼻嘅味道，有一種甘香味，可以食完一件又一件 🌶️經典香鍋 香鍋用料好豐富，有雞、牛、土豆片、蓮藕同椰菜花，好有川菜味道，香辣惹味 🐽膠原脆皮豬手 豬手賣相好吸晴，擺盤一啲都唔馬虎，豬手咬落真係脆皮，但係入面嘅肉唔乾！超讚👍🏻 甜品我地仲有個🥢手工紅糖糍粑，糍粑好粗碌，外皮炸得好脆口，有埋黑糖同黃豆粉真係好正🙌 🥢熊貓冰粉，冰粉甜度剛好，冰粉滑溜，仲有隻可愛熊貓糖打卡添😋

Tim Chu 2 年前

/ 開工大吉收工同同事去食呢間四川菜，佢個$238二人餐勁抵食，黎親必叫！再加兩個小炒，次次$400都食到捧住個肚走😂，地點喺銅鑼灣C出口行5分鐘。 今次食完味道係冇以往咁正，均有少少偏咸，我估係主廚未返。 前菜揀左手拍青瓜加埋蒜粒，酸酸地作為前菜好開胃。 再到麻辣香鍋，配菜今次少左牛肉片，得雞肉粒，萵筍、蓮藕片同花椰菜，呢道菜送飯好正。 招牌菜脆皮豬手今次做唔到外脆，但依然內軟，味道仍keep到又香又入味，滿滿的骨膠原食得好滿足。 手工紅糖糍粑上台熱辣辣，脆脆嘅外層同軟軟糯糯的內涵，配上紅糖汁口感好正。 熊貓冰粉由白涼粉同棉花糖製，撈勻配上底雨紅糖水食唔會死甜。 額外再叫左兩個小炒～ 螞蟻上樹$88 經典的川菜，將肉同粉絲用辛辣的調味料拌炒，爆過香嘅肉末好正，Q嫩粉絲好入味，不過重手症係偏咸。 肉碎翻炒四季豆 $72 用肉碎炒四季豆係我最愛，不過今次似乎有少少失手，有點過咸。 📍川火堂 @chuan_town 📍銅鑼灣駱克道401-403號榮華商業大廈地下B號舖 . . . . . .

Jolicious H 2 年前

喺銅鑼灣如果想坐得舒舒服服咁食川菜，川火堂係個幾好嘅選擇！佢嘅套餐價格相宜，今次叫左二人套餐，包括左前菜，主菜，小食，冰粉同甜品，都幾豐富！ ✦燒椒黃金皮蛋 黃金皮蛋黃中間流心，配上香醋辣汁幾開胃 ✦經典香鍋 揀左川式香辣口味，配菜有嫩牛肉、雞粒、土豆片、蓮藕片、椰菜花，辣度係指定嘅，屬小辣程度好易接受，藤椒帶出嘅麻香幾突出，配菜全部都好入味，個人最喜歡蓮藕片同嫩牛肉 ✦膠原脆皮豬手 豬手炸過後外皮帶脆，咬落去肉質軟腍帶膠原，雙重口感，調味帶麻辣香，辣得幾過癮 ✦熊貓冰粉 一開始係被熊貓冰粉嘅可愛賣相吸引住，冰粉滑溜，有花生碎同提子乾喺面，撈勻後帶紅糖味道，熊貓棉花糖煙煙韌韌，冰涼解辣 ✦手工紅糖糍粑 外層脆卜卜，淋上紅糖漿同黃豆粉，咬入去煙韌軟糯，味道同口感都唔錯 另外加點左✦鐵板魷魚鬚，鐵板上保持溫度，食到最尾仲係熱辣辣！魷魚鬚彈牙惹味，如果飲酒嘅點呢個黎佐酒就啱曬！

Weme Studio 2 年前

我同朋友不嬲都好鍾意食川菜，今晚就去試吓呢間新開喺銅鑼灣嘅川火堂。 間舖頭好新淨，坐得都好舒服，一坐低就叫咗個二人餐先，因為感覺CP值最高，有晒香鍋同埋甜品，仲有前菜等等 套餐包一個經典香鍋、入面已經有肉片、雞肉、椰菜等等，有好多香料好入味，鍾意食川菜嘅朋友一定食到流晒口水！ 仲包埋豬手一碟，以為係小食尺寸，無諗過係完整一份超多😳炸到皮好脆，好酥香，又係邪惡毒物！ 跟住仲叫左個糖醋魚塊，味道唔錯，魚片炸得好香口，魚肉都幾高質，正！ 熊貓冰粉好可愛🐼 二人餐有兩個超抵食，會食到好飽哈哈。 仲有紅糖糍粑，好煙韌好好食，雖然好飽但都忍唔住食左3條😂😂😂 整體來講呢到川菜唔錯，見有人食酸菜魚有機會下次再幫襯～！