翠亨邨 (尖沙咀)

Mitori_Fuse 5 個月前

🍵 茶樓點心食評｜一餐食到多款經典點心 ✅ 每日老火湯（位）老火湯夠晒火候，湯味濃郁唔會淡口，飲落好滋潤，係茶樓嘅水準，唔會偷工減料。 ✅✅✅ 第一刀叉燒皇(最推薦)叉燒味道偏甜香，肉質唔會太柴，肥瘦比例剛好，醬汁夠晒掛味，食落有傳統叉燒嘅風味，唔會太油膩。 ✅ 菠蘿叉燒餐包餐包外皮鬆軟帶少少酥香，入面嘅叉燒餡料足，鹹甜平衡，唔會太甜滯，熱食嘅時候最正！ ✅ 筍尖鮮蝦餃蝦餃皮薄得透光，咬落有蝦肉同筍尖嘅爽脆口感，蝦味鮮甜，餡料夠足，傳統點心嘅水準。 ✅ 春風得意腸粉腸粉滑溜薄身，米香夠，搭配嘅醬油鹹香適中，食落唔會太油膩，口感軟滑唔錯。 ✅ XO 醬煎蘿蔔糕蘿蔔糕煎得金黃香脆，外脆內軟，入面嘅蘿蔔絲同臘味比例適中，加上 XO 醬嘅鹹香惹味，越食越香。 ✅ 蓮蓉西米焗布甸甜品收尾超驚喜！布甸焗得外層微脆，內裡軟滑，蓮蓉同西米嘅口感好夾，甜而不膩，熱食口感一流，係今次嘅隱藏驚喜！

Ring Ring 6 個月前

魚翅灌湯餃第一啖有翅鮮味，灌湯餃味道一般。 蝦餃沒有鮮味，1-2分鐘已凍哂皮韌。 點心拼盤味道平平，燒賣沒有鮮味，肉味不太新鮮。 最好食係福建炒飯，夠足料，面頭芡汁亦不影響炒飯👍🏻 菠蘿叉燒餐飽都OK，個底煎得燶咗少少。 茶包味道同濃度都偏淡。 午市5樣野$700幾蚊，整體而言性價比好低。 值得一讚既係整體服務良好，reception主動熱情招待，樓面亦有禮回應客人要求。👍🏻

Zoe 6 個月前

想做高級大人，同朋友去高級酒樓飲茶🥰🥰 最鍾意食蝦餃！ 蝦餃晶瑩剔透，蝦肉調味得啱啱好，又彈牙，好好食🤤 第一刀叉燒皇琥珀光澤，半肥瘦，微微焦香 溶化於舌尖，超dope! 俾碗白飯我🤪 招牌炒米粉夠鑊氣，靚料冇得輸 叉燒包啱啱出爐，軟綿綿暖笠笠

CarCar 7 個月前

呢餐係典型高質粵菜路線，由點心到熱菜都幾有水準，下午嚟飲茶嘆點心🫖🥢 先講杏汁白肺湯，呢啲真係考功夫。湯色奶白但唔混濁，入口有淡淡杏仁香，唔會搶味，反而襯托到豬肺嘅軟嫩。最緊要係處理得乾淨，飲落順喉又滋潤。 蜜汁第一刀叉燒絕對係主角。所謂「第一刀」即係最靚、最中心位置嗰段，肥瘦比例啱啱好。外層微微焦香，蜜汁帶光澤，入口有油香但唔膩，肉質鬆軟得嚟仲有少少彈性，係真材實料嗰種叉燒。 筍尖鮮蝦餃都交足功課。蝦肉爽口鮮甜，筍尖增加咗清脆口感，皮薄唔易穿。 菠蘿叉燒餐都好出色，菠蘿皮焗得金黃酥鬆，入面叉燒餡濕潤夠味。 招牌炒米粉，米粉炒得乾身，有鑊氣，唔會成團黐埋一齊，配料份量適中。 甜品芝麻卷，係傳統芝麻菲林卷，芝麻味濃郁，唔會太甜，幾好！

EP Leung 11 個月前

「法式焗蟹蓋」已經驚艷全場，芝士拉絲拉到心心眼，蟹肉多到好似唔使錢咁，撈埋洋蔥蘑菇粒，香濃到食完要啜手指！ 順德名菜「魚雲羹」果然名不虛傳，羹湯綿滑到似絲綢咁，魚雲碎同木耳絲在口中共舞，飲完成個喉嚨都係暖笠笠，老人家直豎拇指話係廿年前懷舊味！ 全場MVP非「黑魚子香芒貴妃蝦球」莫屬，手掌咁大隻蝦球炸得外脆內彈，芒果清甜完美中和黑魚子鹹鮮，個醬汁酸甜度啱啱好，掛滿蝦球之餘又唔會搶戲，擺盤仲靚到忍唔住相機食先！ 平時怕油膩嘅我居然清晒成碟「桂花蟹肉炒銀絲」，粉絲乾身唔油兼有鑊氣，桂花香同蟹肉絲若隱若現，簡單食材做出高級感先係真功夫！ 尾聲碗「紅豆沙」更見心思，為成晚盛宴畫上完美句號。