凡高廚房

Share Wander 10 個月前

位於銅鑼灣，靚到可以瘋狂打卡嘅梵高廚房！一齊嚟睇下呢度嘅食物係咪同啲畫一樣咁有睇頭啦！ ### 銅鑼灣星空下的約會：梵高廚房，一場味覺與視覺的盛宴 ✨ 一入到餐廳，就好似走進咗梵高嘅畫作世界一樣，無論係《星夜》定係《向日葵》，都完美融入喺裝潢之中，環境分已經攞滿分！😍 喺咁靚嘅地方食嘢，心情都特別好！今次我決定輕輕鬆鬆，試下佢哋兩款主菜。 #### 🥗 牛扒沙律：輕盈與肉感嘅完美平衡 首先上枱嘅係「牛扒沙律」！喂喂喂，唔好以為沙律就係一堆菜咁簡單喎！呢個沙律絕對係誠意之作！ * **主角牛扒🥩：** 煎到大約七成熟，外層帶點焦香，切開中間仲係粉嫩多汁，肉味香濃，口感軟腍，一啲都唔韌！份量仲要一啲都唔孤寒，啖啖肉好滿足！ * **配角沙律菜🥬：** 蔬菜非常新鮮爽脆，配搭埋酸酸甜甜嘅沙律汁，非常開胃！正好平衡咗牛扒嘅肉感，食完成份都唔會覺得膩，感覺好fresh！😋 對於想食肉又想保持輕盈嘅朋友嚟講，呢個絕對係一個超正嘅選擇！👍 #### 🐟 香煎比目魚：外脆內嫩嘅海洋滋味 跟住就係我好期待嘅「香煎比目魚」！一上枱，個賣相已經好吸引！ * **魚皮嘅誘惑✨：** 塊比目魚煎到魚皮金黃香脆，用刀叉切落去嗰下，清脆嘅聲音已經令人流晒口水！🤤 * **魚肉嘅溫柔💖：** 魚皮之下嘅魚肉就係另一番光景！雪白、厚實、嫩滑到不得了！入口幾乎即化，魚油嘅甘香慢慢喺口中散發，鮮味十足，完全冇腥味。 * **完美配搭🍽️：** 廚師配上咗綿密嘅薯蓉同清新嘅醬汁，令成道菜嘅層次更加豐富。每一啖都係一種優雅嘅享受，食完感覺好舒服。 呢道菜式完全體現到廚師嘅功力，將簡單嘅食材處理得咁出色，💯分！ 總結： 「梵高廚房」絕對唔係一間得個樣嘅「打卡餐廳」！佢哋嘅食物質素都相當有水準。喺充滿藝術感嘅環境下，品嚐住精緻嘅美食，真係人生一大樂事！😌 無論係同閨密嚟個氣質午餐，定係同另一半嚟個浪漫約會，呢度都係一個絕佳嘅選擇！📸💖

Barbie Princess 10 個月前

🎨銅鑼灣樓上特色餐廳「凡高廚房」結合藝術與美食，這家西式私房菜館已有十多年歷史，以梵高畫作為主題，牆上掛滿《星夜》、《向日葵》等複作名畫為打卡位。午市套餐人均約Hk$100，性價比不俗🖌️🖼️ 🥕是日餐湯:甘筍湯口感綿滑稠密,味道 以甘筍的天然清甜 🫜蔬菜烤蛋餅(Hk$88)：這款是健康料理的款式，全由營養師設計，外微焦內軟嫩，蔬菜清新，口感豐富，而且只有475卡路里 🌯煙三文魚墨西哥手卷(Hk$78)：三文魚油脂均勻，煙薰味溫和，搭配新鮮蔬菜，清爽不油膩 🍫朱古力心太軟(+Hk$48)：切開後朱古力熔岩湧出，濃郁香甜，搭配冰淇淋冷熱交織 🍰凡高「畫布」蛋糕 (Hk$138)：創意甜品，可親手在蛋糕上繪畫，趣味十足。蛋糕口感輕盈，甜度恰好 (All subject to 10% service charge) 📍凡高廚房 Van Gogh Kitchen 銅鑼灣軒尼詩道451-457號勝華樓2樓B室 (港鐵銅鑼灣站 C 出口, 步行約2分鐘)

Hayden Chan 10 個月前

踏入餐廳瞬間彷彿走進梵高畫廊！桃紅色牆身復古吊燈、牆上掛滿《星夜》《向日葵》等名畫復刻，角落甚至擺著桌球枱和鞦韆，藝術氛圍直接拉滿✨ 今次試咗幾道主打菜，整體有驚喜！ 🦐海鮮拼盤 ▫️ 生蠔：肉質飽滿，海水味清新，滴檸檬汁已夠鮮 ▫️ 大蝦：手掌長！蝦肉彈牙，蝦頭有膏🦐 ▫️ 青口 & 翡翠螺：乾淨無沙，螺肉用叉一挑就出 🖤海鮮墨汁意粉 墨汁醬濃郁掛汁，意粉煮到al dente口感👏！虎蝦開邊煎香，帶子厚切嫩滑，大蜆鮮甜無沙。墨魚香同蒜香平衡得幾好，食完唔會成口黑😆 🍕煙三文魚羅勒葉薄餅 薄餅底烤到脆邊，煙三文魚油潤鹹香，搭配新鮮羅勒同水牛芝士🧀，簡單但味道豐富。餅底帶少少麥香，唔會太油膩～ 🎨凡高畫布蛋糕 - 培茶味 全場最吸睛！白蛋糕扮畫布，跟手食用顏料同畫筆🖌️，可以自創藝術作品📸 培茶味濃郁微苦，忌廉輕盈，甜度剛好。玩得又食得，打卡必點！

candy cheung 1 年前

走入凡高廚房的世界，餐廳環境多姿多彩🌈墻上隨處可見Vincent van Gogh 的名畫🎨由門口、墻身、檯布，最吸引人的是餐廳中間的佈置，除了畫作外，還有一張充滿特色的桌椅，仿佛置身於藝術世界裡，一邊享受美食一邊欣賞畫作，是多麼賞心悅目的事！午市餐單是由擁有澳洲註冊營養師資格@simplyzohealthy Zoe設計的餐單，精確計算每款食物的卡路里及營養價值，食物賣相好睇，健康又好味💚 餐湯：南瓜湯🎃 南瓜湯味道香甜滑順，餐包口感鬆化。 烤美國封門柳260卡路里🥩 封門柳口感嫩滑，肉質柔軟，配搭蔬菜，高蛋白增肌餐，營養健康之選。 香烤三文魚280卡路里🐟 三文魚新鮮，配埋牛油香草汁，味道好夾。抗炎強免疫餐，清清地幾好味。 凡高「畫布」蛋糕餐🍰 跟個人喜好，任意係蛋糕上自由創作，搭配四種唔同顏色嘅顏料、藍莓等等，我地揀咗朱古力味蛋糕，口感似雪糕蛋糕，好玩又好味嘅蛋糕，好啱慶祝生日或紀念日！

F S 1 年前

朋友介紹我嚟呢間主題餐廳，特別有藝術氣息，就係凡高廚房，一入到餐廳就見到好多梵高嘅畫作，裝修得好有特色，環境令人好舒服，喺度食晚餐特別有情調。 今次同朋友嗌咗兩four-course set dinner。 前菜可以選擇意式煙三文魚沙律或者巴馬火腿沙律，所以我哋兩樣都試晒，煙三文魚唔會好鹹，魚香味好重，亦都好大塊；而Parma Ham有兩款，鹹香味好出，兩款沙律菜嘅配料都係一樣，除咗沙律菜仲有發達芝士、蕃茄仔等等，配料好新鮮。 餐湯方面，是日餐湯係南瓜湯，味道非常清甜濃郁，一飲難忘，另外仲可以加$38轉做野菌忌廉湯，呢個湯係餐廳嘅招牌菜式，係用咗98%嘅蘑菇製成，啖啖蘑菇嘅香味同埋口感，難怪做到招牌菜式。 主菜方面，第一樣就揀咗燒美國豬肋骨，店員話係攞過金獎，所以對佢都好大期望，點知一食真係好出色，尤其係個BBQ醬汁調得好好，好夾個豬肋骨，值得下次返嚟再encore！ 第二款主菜就揀咗火焰護心肉牛柳串，牛柳串用鐵枝送上，睇得出係即叫即燒，肉質真係非常嫩滑，一啲都唔嚡，粒粒都好大嚿，兩款主菜嘅配料都有西蘭花、粟米、炸得好好味嘅薯角等等，成份主菜都好出色！ 甜品方面，就有抹茶芝士餅同埋意式奶凍，欣賞餐廳製作甜品唔會太甜，但味道依然保持濃郁，由前菜到主菜到甜品嘅味道都非常令人滿意，真係唔可以錯過呢間又有特色又好味嘅餐廳！