功德林上海素食 (尖沙咀)

Susori 3 個月前

✨食感變化多端的老牌素菜🥗 1990年開業的功德林主打上海派素食，標榜以時令食材巧製精緻素菜，餐廳更於2019年獲得米芝蓮必比登推介，一直深受素食人士推崇。雖然日常聚餐甚少會茹素，大多都是應酬場合使然，但餐廳本身環境雅緻加上又有半價優惠，未嘗不可。 ————————————————————— 🌟宮爆猴頭菇🌟$64.8 出乎意料地辛辣，應有的酸溜味失了蹤，鮮明的辣度比較單調，雖然猴頭菇口感彈滑但整體過了火位腰果也見焦糊 🌟酥炸三絲雞卷🌟$76.8 集脆、爽、嫩三重口感，包裹三絲的腐竹豆味濃郁和蔬菜自帶的鮮甜相輔相成，不失色於鮮肉滋味 🌟無錫脆鱔🌟$70.8 每次食素都會點的餐前小吃，仿鱔條由冬菇黑邊仔細修剪而成，酸甜可口的酥脆背後充滿用心 🌟砂鍋津白雲吞雞🌟$100.8 造型幾可亂真，以大豆製作的素雞複製真肉的扎實感，湯底加入菇菌提煉出別樣溫潤鮮味 🌟 芙蓉炒桂花翅🌟$82.8 炒的時間長但火候控制不宜，結果蛋白既不鮮嫩亦不鬆散，調味故此未能均勻融入 ————————————————————— 整體擅長以不同食材配搭塑造豐富口感，調味有秉承上海菜濃油赤醬的風格但不失天然，絕對沒有想像中寡淡，反而在爐位滑鐵盧。值得一讚餐廳沒有因老牌上海素菜的名號畫地為牢，近年積極創新，同時供應多國新派素菜如焗豬、葡撻、冬陰功等，甚為努力拓寬客群。

地導鳥走天涯 Local Guide Bird 上次編輯：2 個月前

今日想同大家推介一間位於尖沙咀、坐擁維港美景嘅茹素名店——功德林上海素食。 呢度打破咗傳統素菜館嘅沉悶感，裝修最吸睛嘅絕對係個精緻嘅落地玻璃。日光穿透入嚟，感覺精緻大氣。如果你挑選過節（如國慶或除夕）過嚟食飯，喺窗邊仲可以直接睇到震撼嘅維港煙花綻放，浪漫又壯觀。 菜式方面，功德林主打精緻嘅海派健康風味。想暖胃一定要點清甜原味的燉湯。炎夏必試手工彈牙嘅上海冷麵，極之消暑。惹味之選則有鑊氣十足嘅粗炒，以及用砂鍋滾起、香氣四溢嘅雲吞素雞煲。 首推細膩香口嘅豆腐餃子，及招牌主菜獅子頭層次分明，口感不輸真肉。口感驚艷嘅無錫脆鱔則將菇菌炸得酥脆，酸甜開胃，簡直係靈魂之作。食完正餐，記得留肚食埋上海傳統甜品： * 滑嫩無比嘅豆腐花 * 外脆內軟、豆沙綿密嘅高力豆沙餅 * 煙韌流沙嘅湯圓 無論係家庭聚會定係節日慶祝，呢度都係視覺同味覺嘅雙重享受。

chan Arnova 10 個月前

維港美景高級素菜 望住個維港景食高級素菜真係心曠神怡，功德林堅持不加味精，不加色素，少鹽少油，原來已經響香港三十五年，以「仿葷」菜式最為神似，知道佢出咗個$35優惠，所以今次嚟試吓 首先梗係要用咗$35優惠先la. 揀咗泰式大菠蘿炒飯，菠蘿炒飯上面嘅肉鬆好像真，通常簡單嘅餸菜先至考食材嘅新鮮度同埋廚師既功夫，菠蘿夠晒甜，炒飯微辣，泰式風味十足，惹味。 無錫脆鱔
Deep Fried Shredded Vegetarian Eel with Sweet & Sour Sauce
$108 呢碟隨時上枱嘅時候平平無奇，但係食落去真係有驚喜，唔知點解食落去真係好似有啲鮮味，明明係素菜，唔知點解佢可以做到呢個效果，勁脆口熱辣辣，好正嘅小食，小朋友都會鍾意 芙蓉炒桂花翅 Fried Vegetarian Shark Fin with Egg White $128 傳統嘅粵菜選擇，亦都係素菜常見嘅家常菜，做法講究火候嘅配合，其實我就第一次試，不過覺得條翅真係整得好像真，蛋都炒得熟到適中，可說是一個不錯嘅功夫菜 鮮茄蝦仁鍋巴 Rice Crust with Tomato & Vegetarian Shrimp $128 呢個鍋巴真係有驚喜，熱辣辣嘅鍋巴夠晒脆口，記得點茄汁嘅時候要即刻食，因為遲咗2秒佢已經會淋㗎啦，證明真係即刻煮好新鮮嘅鍋巴，茄汁惹味好送飯，配埋個菠蘿炒飯簡直一絕 總括而言，呢度係一間好啱朋友聚會，環境又靚食物又好食嘅地方 順帶一提，餐廳為咗慶祝35周年仲有惠顧滿$1000送$350現金券既優惠，大家記得唔好錯過啦❣️

Lau nicole 1 年前

👨‍👩‍👧‍👦 昨日一家人帶埋小朋友去食飯，選擇了位於北京道1號的【功德林上海素食】。餐廳位置非常方便，地鐵出口步行幾分鐘就到👍👍👍 🍽️ 小食拼盤，蜜汁素叉燒：甜味啱啱好，口感接近真叉燒，外層微焦香脆唔油膩，甜味適中，咬落去少少脆卜卜，連小朋友都鍾意食😍😍😍 🍍 泰式大菠蘿炒飯：炒飯粒粒分明，菠蘿清甜，帶點泰式香料味，配料豐富，色香味俱全，素食也可以好味又有層次，小朋友都食得開心🥰🥰 🦐 素大蝦冬陰功湯：酸辣平衡，素蝦口感彈牙，香茅、檸檬葉等香料味突出，湯底夠酸辣，湯底香濃開胃 🍗土匪腐皮卷：外皮炸得香脆，內餡是腐皮卷帶微辣🌶️好有口感，唔油膩又好送飯🍚 小朋友好像食緊雞髀一樣，這菜式真值得一試👍👍 🥣 芙蓉炒桂花翅：滑溜清新，模擬魚翅質感，配上芙蓉蛋香氣十足，味道清淡，唔會太重手， 小朋友食非常健康，係素食中少見嘅精緻之選✨ 🍅 鮮茄蝦仁鍋巴：茄汁酸甜開胃，鍋巴香脆夠口感，配埋素香脆米通餅一齊食脆卜卜更加香脆可口 🧆，素食都可以咁有驚喜，配搭新穎 🍡 紅豆沙鍋餅：外脆內軟，紅豆香濃但不過太甜，適合飯後品嚐。 🍧原桶豆腐花：豆香濃郁，滑嫩細膩， 食落去豆腐花超級滑流， 再加上佢的糖漿和黃砂糖自己配搭適合嘅甜度

YAN CHIO 1 年前

新推出亞洲素食風味，大小朋友都岩食。 泰式大菠蘿炒飯 $168 原個菠蘿上鋪上素肉鬆，素肉素以大豆蛋白製作，亦有咸香的口感。配料有新鮮菠蘿，紫菜，素蝦，紅蘿蔔切丁等，炒飯粒粒分明，薑黃是抗炎，很健康又美味。 素大蝦冬陰功湯 $138 素蝦主要是大豆及蒟蒻粉，食起來都很爽口，冬陰功湯的湯料很豐富，有蘑菇，香茅，豆腐，湯是微辣，很有泰式風情。 亞洲小食三拼盤（素蝦卷、沙嗲串燒、酥炸蒟蒻）$138 酥炸蒟蒻造型似魷魚圏，爽口彈牙。素蝦卷用腐皮包裹，香脆可口，餡料滿滿。沙嗲串燒豆味香濃，食到絲絲的質感蘸上沙嗲醬，具泰式風味。 蜜汁素叉燒$138 素叉燒以麵筋，大豆為主，蜜汁醬料非常甜美。 豆腐餃子$138 以豆腐做餃皮，盡顯刀工，餡料是鮮雪菜，白菜為主，健康清淡。 香酥鯽魚 $118 仍有芋粒的口感，造成鯽魚的形狀，炸至酥脆。 黃耳榆耳炆什菜煲 $178 黃耳肉質厚嫩，榆耳食起來比較爽口，仲有豆乾片，雜菇，粟米芯，冬菇絲，西蘭花等，味道香濃。 高力豆沙 $80 外酥內軟，好似雲朵，灑上糖粉，圓滾滾好吸引，咬開後仲有綿滑的紅豆蓉。 層層班蘭椰汁糕 $48 椰漿、糯米粉和斑蘭葉製成的東南亞風味甜品，煙韌香軟