鬼金棒 (銅鑼灣)

陳香香 5 個月前

當天非繁忙時間到店外賣餐點，點了特製辣麻味增拉麵 $125（加芫荽，忘記要加多少錢了）和每日限定的濃厚牛骨奶白湯拉麵 $135。 特製辣麻味增拉麵：麵質彈牙，麻和辣味都明顯，偏濃味，個人口味頗喜歡，唯到後段會覺得膩，叉燒切得較少且只有兩塊。過百元拉麵，銅鑼灣有更好選擇，但一試無妨。 濃厚牛骨奶白湯拉麵：本來不打算留言，但點這份拉麵的友人吃完後強烈建議我給一星（但綜合我點的品項評分，可以有三星）。 一開始她說湯底淡而無味，我想到的是調味較淡，但一試才知她指的無味是真的一點味道也沒有！牛骨的鮮和牛肉的脂香撇除不提，連鹹味都沒有。假設調味時本來的份量是調味醬料1：水3，當天應該是調味醬料1：水20才有可能調出這樣無味的湯底，說是煮麵水也不為過，會否廚師真的失手？或是否外賣失準？而且$135，只有一片如此薄，油花也算不上好的牛肉，吃完真的有點不開心。 結論：經過可以一試菜單的恆常款拉麵，建議堂食。

Hk Eats 3 年前

日本嘢永遠都係最吸引。有時候心血來潮就想食碗拉麵，就會即時諗到鬼金棒。鬼金棒都有唔少分店，今日行開港島區，就決定同朋友去銅鑼灣嗰間食夜晚。 餐廳嘅裝潢好有日本feel，有吧枱位置望到廚師為你整拉麵，仲有好得意嘅日本裝飾，有種日本古色古香的感覺。 之前見到佢個芫荽拉麵都覺得好吸引，今日就試吓佢。 芫荽辣麻味噌拉麵$115 我本人十分喜愛芫荽，上到枱成碗綠色感覺好正。麻辣味噌湯底超級濃郁，將啲芫荽浸晒落湯底到，超級惹味。叉燒肥瘦相間，入口充滿油脂香，即刻溶化，非常好吃。 增量叉燒辣麻味噌拉麵$120 叉燒就真係好大舊，女仔食晒成嚿應該都好飽。我好鍾意呢度嘅拉麵質感，軟硬適中，好有咬口。就算慢慢食，麵條浸住湯底都唔會變諗。湯底充滿蒜香，麻香，仲有唔少芽菜，香蔥等配菜，入口爽脆。 煎餃 $45 豬肉餃子煎得好香口，餃子皮較薄，沾上帶有點醋的醬油，好正。

CarCar 4 年前

👺👹銅鑼灣特色拉麵店👹👺 餐廳主打辣麻拉麵, 有足足25種配搭嘅辣麻拉麵選擇, 辣度&麻度分別都有5個級別, 不辣/麻->鬼增辣/麻~ 我同朋友分別叫左增量叉燒x2辣麻味噌拉麵&味玉辣麻味噌拉麵+配菜: 玉米筍, 因為我地都未食過, 所以叫左小辣小麻試左先~ 味噌湯入口好香好濃郁, 隨後就嚐到辣麻嘅味道, 辣麻味吾會掩蓋味噌湯嘅味道, 兩者互相融合形成獨有嘅風味！增量叉燒有2大舊而且係厚切，叉燒肥瘦均勻食落唔會好油膩😋 粗拉麵比幼拉麵更吸附湯汁，且口感更Ｑ彈有嚼勁～濃郁嘅湯頭與粗拉麵形成完美嘅搭配！

Terry Mak 5 年前

莞荽拉麵🍜食左先講 下午吃拉麵，鬼金棒名字很特別，門口招牌用金色毛筆字寫著店名，相當有氣勢。 自己手機下單，各款拉麵可以自己選擇辣和麻程度。 🟡莞荽辣麻味噌拉麵$110 我加了$15玉米筍和$15味玉。 拉麵的莞荽量很多，浸泡在湯中味道也不會太濃烈，配料還有芽菜、叉燒、蔥花等。 湯底味道只是微辣，味道濃郁。叉燒很軟很香，不錯。 麵條是粗麵，玉米筍好脆口，值得一試。流心蛋也很甜，配料很出色。 🟡增量叉燒辣麻味噌拉麵$115 加上味玉的確加分不少。 特大叉燒可以滿足食肉獸的口味，煮得很入味，又香又軟，很美味。

Ray Tang 5 年前

《必食拉麵》椒麻香辣。芫荽風味。任君選擇 我嘅總結係，人生點都要試下鬼金棒嘅秘製麻辣拉麵，況且都要百餘元一位，仲要無加一，美味之餘，口味仲幾獨有，食得多普通豬骨、牛骨、魚湯拉麵，間中都想試下新野掛？ 呢度嘅拉麵統一都係一款味噌湯底，只係搭配不同配料，以及能夠自選辣度及麻度，有勁辣、辣麻，亦有唔辣、唔麻。 芫荽辣麻味噌拉麵（$110）：食開譚仔小辣都可以選擇中辣至大辣，味噌湯非常濃郁，即使大辣都唔會遮蓋湯底嘅鮮香，反而感覺味道更有層次，十分出色！ 滿滿嘅芫荽覆蓋整個拉麵，香味十足，芫荽迷必食嘅一個選擇！未食過都真係唔知芫荽配味噌湯可以咁夾。拉麵統一都係曲麵，硬度適中，仲有一舊超厚切日式叉燒，真係一舊等於普通嘅五六七塊叉燒... 玉米荀辣麻味噌拉麵（$100）：湯底均是一樣，只係減去芫荽，味噌湯嘅獨有風味可謂完完整整地奉獻給你，所以鬼金棒最少要食兩次先得。 玉米荀鮮甜爽口，份量仲真係好多，畢竟自己去超市買唔平，所以我都幾appreciate呢款。 塊厚切日式叉燒點都要講下，其實係一塊炆到非常軟腍入味嘅豬腩肉，味道香甜，肉質幼滑，其脂肪位置可謂入口即溶