國金軒

alcoholicfoodie_inhk 4 個月前

環境格調高雅，空間感十足，坐得舒適，不過服務方面就有待改善，等下再講。 先講食物方面： 😋 懷舊蝦多士 ~ 炸到金黃香脆，火候啱啱好，多士底夠脆得嚟唔油膩，大蝦彈牙，係果種好傳統、好紮實嘅味道。 😋 XO醬銷魂腿露筍黃皮老虎斑球 ~ 斑球好厚身又夠嫩滑，配上雲南火腿鹹香之餘帶回甜，加埋 XO 醬帶起鮮味，配埋清爽嘅露筍，整體層次幾豐富。 😋 脆皮香茅妙齡鴿 ~ 乳鴿皮真係好脆，帶住淡淡香茅清香，肉質仲保持嫩滑，唔會太乾。 😋 順德魚腐銀魚浸菜苗 ~ 呢道菜幾驚喜，因爲舊魚腐真係好大粒，咬落去鬆化得嚟好似綿花糖咁，吸晒銀魚同菜苗嘅清甜湯底，食落有種家常風味。 關於服務嘅少少碎碎念，感覺就唔太符合高級餐廳嘅期望： ~ 有位男職員上菜時，明明四人枱仲有好多空間，但他偏偏揀喺我側邊上菜。當時我正低頭食緊野，有兩次佢隻手臂都掂到我個頭，令我覺得有 d 奇怪。如果係一般酒樓可能就算，但喺高級餐廳入面，呢方面嘅細節位應該可以處理得好 d 🙈 ~ 食緊乳鴿果陣因為我要聽個 urgent call，放低落隻碟一陣，呢位男職員就打算收走，雖然碟入面明明仲有大半隻，我好有禮貌講咗「唔好意思未食完」，佢先放返低。之後佢又急住幫同枱朋友換碟，但我仲食緊，而且我個位旁邊已經擺咗兩壺茶水無晒位，佢竟然直接將隻新碟放喺我已經拆開咗準備用嘅濕紙巾上面，仲要有少少搭咗喺我食緊隻碟上面，令用餐體驗有少少打擾。 食物水準有一定保證，幾款菜式都做到特色同細緻，可惜服務細節未夠到位，影響咗整體感覺。其實我明白職員想效率高 d，但如果可以等客食完、觀察吓個位夠唔夠空間放先動作，成個用餐體驗會優雅得多。希望餐廳可以喺培訓上再改善，畢竟大家都係對「國金軒」呢個品牌有期望先會嚟 ❤️

Chun Yip Wong 5 個月前

餐廳是米芝蓮推薦，所以試了午餐套餐。 算是前菜的叉燒和餃類都不錯。 但主菜類的牛肉很普通沒有特別口感／味道。 招牌的炒飯很鹹，也很乾，米粒沒有飽滿的感覺。 本打算飲糖水清清味蕾，離譜的是日糖水竟然是苦的藥茶，但侍應的回應竟說是正常的。那中藥般的氣味和苦澀的味道久久不散。 不如道這家餐廳的主廚是如何看待作為一餐完結的甜點。

Angela Chan 5 個月前

作為米芝蓮推介餐廳的話，感覺食物一般，沒有特別好味或者驚訝，食物出品同水準都偏正常。可能lunch time點心好味啲？ 價錢唔便宜，菜品份量好精緻，尤其碟推薦菜品，沙薑萵筍絲配象拔蚌，兩百幾以為係類似砂鍋煲咁嘅熱菜，原來係一細碟餐前涼菜。 試過很多其他米芝蓮推介餐廳，真係有出乎意料嘅味道，但係依間感覺很普通。 服務態度較失望，兩位星期六日晚間 shifts類似男經理職員嘅態度好似完全睇唔起點便宜dish嘅客咁。當日見到餐台上面推廣嘅join membership可送叉燒於是乎就想諮詢下，問咗其中一位關於membership是否可以換叉燒，點知黑曬口面根本唔想答咁，態度好寸回覆可以。轉頭就幫另一檯斟茶遞水，笑口笑面。。。。另外一位係當我們想加多個dish嘅時候，態度好怪，同佢落單，之後答都無答或repeat返想加嘅菜品同客人確認返。。。黑口令身就走咗去入單。 最後埋單每人約四百幾，服務好似又一般，又唔便宜，菜品味道都很普通。

Bill Wong 5 個月前

國金軒又是一間美味出品穩定價錢合理的家庭聚會好地方⋯⋯ 今日去了食Restaurant Week午餐，另加兩個單點菜式。 優惠套餐沒有將貨就價，叉燒各點心一様美味，湯品簡單足料，牛肉蔬菜份量不多剛好仍有鑊汽，招牌炒飯乾身多料好食。紅豆沙才吃到店的基本工力；煲時間適當多蓮子有陳皮味，現在食碗好食的紅豆沙也不容易。 單點兩隻燒乳鴿，及一份藤椒翠盞韭香蝦球； 乳鴿身型不大，皮脆肉OK滑，不油但也不多汁水，味道不咸有些鮮味，已經合格有餘好過好多在石岐食到出名食店。 蝦球也野味爽口，份量不多6隻剛好，配料多蝦乾少硬。要求盡量少辣也能配合，老人家仍嘗到藤椒少許麻，味道控制非常好👍 樓面各人員如常服務就到，但要體諒最午市煩忙時稍等一下（這是OK的，反而可以傾吓偈）；前台女同事就可能有時太忙，不是熟客的我，入坐前资詢多一兩句時，感到回覆有點不太理想⋯⋯ 但總括而言，國金軒是一間不合使您失望，但不太有驚喜的穩定好店 當你在沙田Bakehouse食個午餐panini + soup + 杯茶連加一收你成兩百元港幣，這個午市套餐（不計單點菜色）有前菜叉燒、點心、湯、小菜（細份）、炒飯、甜品、免茶連加一收$270/位，感到真的價錢合理！ 如果沒有優惠套餐，平時最好join佢哋個會員（要會費），有七五折及優惠卷，咁就饮茶食飯也不用原價抵食好多（但要多去食回會費😅）。他們也有平日任食點心午餐，但要預早book搶位．．而現在平日十二點前正做早市點心六八折，但只能食1.5小時，時間較急。

estermakmak 10 個月前

很好的下午茶體驗 平時都食開下午茶， 不過真係好少會有中菜afternoon tea 果然有驚喜， 無論擺盤，環境，店員， 食物質素都係冇得輸。 推薦推薦