好湯好麵

LOKTAK CHAN 上次編輯：4 個月前

$16x一碗麵但係居然可以係一團麵團，咬入去係煮唔熟既麵🤦🏻‍♀️湯底都差左好多，飲完勁咸勁口勁😮‍💨 我以前次次食都覺我勁好味會飲哂，以後唔想再去啦🥹

TST-Susie 6 個月前

已經唔記得咗喺邊度推介過呢度吃麵。但係就有興趣試吓一啲較有特色又注重材料嘅麵店。經過就即管一試。 點了《膠膠麵》一碗及《冷泡白桃烏龍茶》一杯。 膠膠麵的餸，當然係有厚大花膠一大片、魚肚三至四塊、西班牙黑豚肉五花腩片數片及雲腿絲。花膠並不是頂級的，畢竟只是用來送面，加上價錢也不是天花板高，所以我接受這種花膠。湯底味道不錯，也有濃厚膠感，且不覺得有味精，吃完不覺口渴。麵質是一般的陽春麵。 至於冷泡白土烏龍茶，味道很香，不似一般冷泡茶冇乜味。👍🏼👍🏼👍🏼 環境方面，是一般快餐麵館的設計。尚算整潔。衛生尚可。 服務則是很一般。當然這裏快餐麵店也沒有可能要求什麼服務。所以我只能說這裏的服務可以接受。 今次我很幸運，因為聞說這裏一般都要排長龍。可能是閒日的關係，晚上七時也有一些吉枱。

LaHaMo 7 個月前

好湯好麵係一間米芝蓮必比登推介嘅餐廳，本店位於大圍，好多年前喺大圍食過一次，覺得海龍王個湯底雖然係好味，但係有啲太杰，所以食過一次就冇再幫襯。今次去開銅鑼灣搵嘢食，就再試多一次好湯好麵。我今次食蟹皇豬豬，朋友食棉花雞，另外叫咗麻辣涼拌手工豆腐share食。 ……………………………………………… 蟹皇豬豬 ⭐️⭐️⭐️⭐️⭐️👍🏼 $112 材料有藍蟹肉、西班牙黑豚五花腩片、炒豬肉碎、蝦牛油、蝦子、高湯，配陽春麵。蟹肉份量好多，由頭食到尾都食到啖啖蟹肉，豚肉片肥瘦適中，面頭見到灑左蝦子，湯底好有鮮味。陽春麵都煮得剛剛好，軟硬適中。 涼拌麻辣手工豆腐⭐️⭐️⭐️⭐️⭐️ $39 豆腐係人手切成，面頭有蔥花 同埋 麻辣涼拌醬。豆腐好滑，同麻辣醬味道好夾。 棉花雞 ⭐️⭐️⭐️⭐️ $108 材料有日本地雞肉、魚肚、花菇、雲腿絲、高湯，配扁陽春麵。朋友覺得好味。 ……………………………………………… 好湯好麵的店員服務態度好好，當日原先被安排嘅座位隔離坐左3個好嘈嘅人類，我哋想調位都安排妥當。而且店員仲密密自動幫你加茶，好食又服務咁好，而又唔係貴嘅餐廳 真係難得！

CactusEatAllDay 10 個月前

好湯好麵喺大圍好出名 每次經過都排晒長龍 而家先發現原來銅鑼灣都開咗😮 🌊 海龍皇湯麵 湯頭一入口就讓人驚艷 橙色嘅湯底有淡淡蝦香 成碗麵都好有鮮味 蟹肉同海蝦尾彈甜 仲有帶子同蠔肉 好足料！🪸 迷你佛跳牆湯麵 超級奢侈嘅湯麵！🤑鮑魚既Q彈 海參既膠質 花菇既濃香 雲腿既鹹鮮 仲有魚肚同素翅吸飽高湯精華 真係食到最後連碗底都要刮乾淨 呢間中式拉麵價錢唔算平 但係絕對足料 確實好難搵差唔多類型嘅競爭對手😋 好湯好麵 (銅鑼灣) 銅鑼灣加寧街9-11號名店坊地下B號舖

yy Mak 1 年前

見咁多人推薦，可能太有期待感，食落覺得還好。唔係唔好食，但未令到我好驚艷！ 好頭好尾有牛面肉、牛尾、牛舌，牛面肉炆得好軟腍入味，有D似煲湯牛肉咁。湯底濃郁有牛香，似係老火湯。湯底偏清，配麵唔太夠味。但飲落似健康養生，無添加咁。 海龍皇湯有蟹肉、海蝦、魷魚、帶子、蠔，好幾款海鮮幾豐盛。湯底鮮美清甜，飲得出有用蝦殼、蝦頭去熬煮。飲完都唔會口渴，配陽春麵都幾夾 小食：泡椒鳳爪帶骨，唔算好腍，偏爽口。唔算太辣，正常發揮！意大利黑醋蒜香海蜇頭黎到好細份，唔抵食，醬汁偏酸，海蜇頭比較散，但算爽脆。