鴻圖樓

MAN PUI LUI 1 個月前

一開始本身諗住食完都打算讚吓呢間不錯，性價比好高，香港都好少有咁樣嘅價錢餐廳 去到埋單嘅時候佢問我做乜嘢我話我用Apple Pay 佢嗰陣已經主動拎住個卡機出嚟㗎啦 然後我成功付款出單嗰陣，個收銀姐姐就用啲勁差嘅態度講： 要滿$200先可以俾信用卡㗎。。。 我即時同佢講話其實你可以收錢之前講聲，我冇所謂，但係你事後先講返真係冇禮貌囉。。。 我真係奉勸呢間餐廳如果$200以上先收卡，麻煩一開始，就貼住張紙喺收銀處當眼嘅位置 唔好令到顧客成個飲食體驗，淨係衰臨尾香

Ita Tsang 2 個月前

觀塘聚會🎈叫餸食飯好選擇👍🏻，大件夾抵食！ 餐廳環境寬敞光猛，入面設有一排大型海鮮魚缸，游水海鮮一目了然，難怪海鮮小菜咁出名！ 海鮮三寶套餐最平都只係$338起，大份夾抵食！👍🏻 🥒 胡麻醬秋葵（$48） 夏天必點前菜，秋葵爽脆，配胡麻醬好fresh好開胃🌿。 🍳 涼瓜肉崧煎蛋角（$108） 蛋角煎到金黃焦香 🍳， 入面嘅涼瓜甘而不苦，反而帶出咗蛋香同豬肉嘅鮮甜， 加埋肉崧口感豐富，係完美嘅「白飯殺手」🍚！ 🌟 西蘭花炒龍躉斑球（$188） 斑球好厚肉，外皮微微煎香過，咬落去肉質結實彈牙，完全唔腥，啖啖肉超級滿足！🤤 配埋爽脆西蘭花，不錯吃！👍🏻

Jessie Kim 3 個月前

觀塘鴻圖道有間鴻圖樓，主打傳統粵菜，環境企理，啱晒同朋友或者屋企人嚟食飯。試咗幾款招牌菜，整體水準唔錯，價錢合理。 紅燒妙齡鴿（$48）外皮燒到金黃酥脆，肉質嫩滑多汁，咬落仲有肉汁滲出，係必點嘅招牌菜。 黑醋骨（4件 $88）酸甜比例調得啱啱好，排骨炸得酥脆，但肉質保持軟嫩，黑醋汁掛得均勻，極度送飯。 原粒瑤柱火腿糭（$68）餡料足料，瑤柱同火腿嘅鹹香滲入糯米入面，好有傳統風味。 竹笙津白卷（$50位）竹笙爽脆，津白清甜，卷得精緻，係清淡健康之選。 鮮雜果沙律百花火釀蟹鉗（$50位）賣相靚，蟹鉗釀入蝦膠，炸到外脆內彈，配鮮雜果沙律，幾解膩。 楊枝甘露（$38）係經典港式甜品，芒果香甜，西米Q彈，柚子粒清新，飯後食返碗，完美收尾。 整體嚟講，呢度傳統粵菜性價比高，味道對得住價錢，係觀塘搵食嘅一個好選擇。

Suki Yan 5 個月前

🥒涼拌雲耳拍青瓜 $48 雲耳爽滑彈牙🥒青瓜清爽 醬汁用鎮江醋🧄蒜麻油🌶️辣椒油 酸香微辣夠醒胃 🦀蟹籽粉絲煲 $108 熱辣辣出晒煙 濃郁度夠但唔會太鹹 多材料有鮮菇🍄‍🟫蛋絲🥚菜絲🥬蘿蔔絲🥕蟹籽 每條粉絲都吸收咗蟹籽同煲汁嘅鹹香鮮味 🍍鮮果咕嚕肉 $128 咕嚕肉多過蔬果已值得一讚 外層脆度適中🐖食落唔會太軟或過火 加埋酸酸地菠蘿更開胃🍍

sunsum9806 6 個月前

今晚同家人來這家氣派的酒樓食晚飯。食材選料新鮮，調味與口感搭配出色！ 🦐 豉油皇大虎蝦配煎腸粉 大虎蝦夠大，有香蕉甘粗大，肉質爽彈，一咬就知是新鮮貨色，甜鹹拿捏精準，帶著微微焦香，蝦頭滿滿是膏，一吮之下，甘香與醬油香在口中爆發！墊底的煎腸粉煎至兩面金黃微脆，內裡依然軟糯，吸飽了豉油皇和蝦汁的精華！ 🍜 濃湯海鮮烏冬 一上桌已聞到濃郁蝦香，喝一口，鮮甜直衝喉嚨，濃稠得來順滑，海鮮配料非常大方：原隻鮮蝦、魷魚、帶子，全部新鮮爽口，烏冬滑溜帶嚼勁，每啖都吸滿濃郁海鮮湯！ 🥬 鮮百合雲耳淮山蒜心 百合與雲耳爽脆，淮山軟糯，蒜心獨特香氣畫龍點睛。炒得乾身有鑊氣，調味輕盈，突顯食材原味，清新解膩！ 🍮 西米布甸 布甸軟滑，西米粒粒分明，甜度恰到好處。蛋香與奶香兼備！ 最後還送了陳皮紅豆糖水，幸福感滿滿！