HOW to live well (Causeway Bay)

豬同鴨講 Pig2duck 1 個月前

#豬同鴨講 #Pig2duck ☕ 銅鑼灣人來人往，呢度就好似鬧市中嘅小角落 🌿。西餐同飲品有水準，賣相又靚 🍝 。行街行到攰，上嚟抖一抖食個TEA、飲杯咖啡 ☕，慢慢享受悠閒時光 🍰 ▫️ 【 炸蟹肉球拼薯餅配柑肉﹑蜜糖芥末醬及辣蕃茄乾醬 】 HK$118 🦀 炸蟹肉球外層香脆，裡面一絲絲蟹肉鮮甜，柑肉帶出清新果香🍊，配辣蕃茄乾醬，令味道更有層次 😋 ▫️ 【 明太子忌廉汁煙肉意粉·黑蟹籽 】 HK$148 🍝 意粉掛汁度十足，忌廉汁濃郁順滑，🥓 再加上煙肉嘅香氣同黑蟹籽點綴，更突出明太子嘅鹹香鮮味 🤤 ▫️ 【 扒日本豚肉配焦糖蘋果·烤南瓜·時蔬 】 HK$178 🥩 日本豚肉煎至外層微焦，🍎焦糖蘋果帶出淡淡果香，配上香甜嘅南瓜🎃及法邊豆🫛，中和返豚肉油脂感。 ▫️ 【 自家製檸檬巴斯克芝士蛋糕 】 HK$68 🍰 巴斯克蛋糕口感幼滑，加入檸檬後更清新，甜而不膩 🍋 ▫️ 【 Toffee Lotus Biscoff Latte 】 HK$68 ☕面頭奶泡綿密，Lotus餅碎增加口感。有焦糖香氣但甜度適中，Biscoff 粉絲一定鍾意🥰 ▫️ ▫️ 完！ ▫️ ▫️

hkfoodday 2 個月前

位於希慎廣場嘅 HOW To Live Well 果然名不虛傳，就算係平日夜晚嚟到都係全場滿座！ 🦀 三文魚籽蟹肉甲羅燒意粉：三文魚籽多到滿瀉，咬落去粒粒爆汁！甲羅燒極之有味、蟹香味爆棚，配埋意粉食真係超滋味！ 🍟 小食拼盤 HOW To Gathering Well：聚會必嗌！份量超級多，有齊巴馬火腿、煙三文魚、炸薯餅、雞翼、豬肉腸、吉列蝦同薯條，沾埋他他汁，同朋友一齊 Share 食就最適合！ 🍕 Rustic Meat Pizza：熱辣辣即切，薄餅底香脆、鋪滿辣肉腸同芝士，鹹香惹味！ 🍰 自家製巴斯克芝士蛋糕：芝士香濃得嚟帶有非常清新嘅檸檬味，甜酸平衡得剛剛好，完全唔會覺得漏，食完一整件都無負擔！ 🍹 特調飲品 & 咖啡：特飲帶有好清新嘅檸檬香，好解膩；咖啡酸度較低，口感非常滑順甘甜，配甜品一流！

Savanna Poon 2 個月前

呢間How To Live Well已經食過幾次了，幾次都唔錯，好食😋 環境闊落舒服❤️帶點文青風格，最重要可以慢慢食😜 櫻花蝦青蔥三文魚籽芝士玉子燒🦐🐟🥚 幾層口感👍🏻配搭得好好味～櫻花蝦、三文魚籽再夾埋玉子燒一齊食、令到玉子燒唔會太單調👍🏻 三文魚籽蟹肉甲羅燒配蟹味噌彩椒意大利粉 🐟🦀🍝 好食好食👏🏻 滿滿三文魚籽同爆膏甲羅燒 ，都係我至愛 ！但呢兩樣如果凍食會好腥，所以一上枱就要盡快熱食 😉咁就唔會腥又好味😋❤️👍🏻 黑松露烤原隻春雞 🍄‍🟫🐣 一上枱嚇親，原來咁大份量😂是成年雞吧 ，烤到岩岩好 保留到肉汁鮮嫩👍🏻值得讚賞廚師❤️ 好有心思 ！ 配埋燒 鮮菠蘿同燒汁 ，又係多種口感味道👍🏻唔會太過單調❤️ 巴斯克芝士蛋糕（檸檬味）🍰🍋 🥰好食 好滑溜 ～唔洗多講 店員推介Premium Latte 🥰☕️🥛 如果中意食 cream 同咖啡 ～呢個一定會中意飲 每道菜式，都精心設計過👍🏻支持支持❤️

E K 5 個月前

木繫 Chill 食💛 同朋友仔係銅鑼灣想揀間坐得舒服嘅 How to Live Well 都係一個好選擇。氣氛夠 chill，有點慢活感~呢度仲可以睇到Urban Park 滑板場，又多一重趣味 Cheese & Mentaiko Egg Maki 芝士明太子玉子燒 簡單不敗組合，口感紮實玉子內藏微辣鹹香明太子配香濃芝士，靈魂Mayo 同柴魚紫菜~味道層次分明 Spicy Tomato la mafalda with Pan-seared Prawn 香辣蕃茄大蝦波浪粉 估唔到個辣味都幾出色，加埋蕃茄勁開胃~🌶️波浪粉彈牙又掛汁 Yuzu Honey-Glazed Poussin 柚子蜜烤春雞配烤雜菜、脆薯角 雖然話係春雞但份量十足喎！表皮微焦，柚子蜜微甜~大人細路都啱食 Hot N Cold Fudge Cup 海鹽布朗尼蛋糕配雪糕 簡單嘅 Brownie 加上海鹽，焦糖同埋雪糕即刻昇華，鹹甜交織，冰火交融~ 明明頭先話好飽食唔落，點知係清曬😂😂 果然甜品係有另一個胃 Cocktail Golden Ring - 搶鏡嘅粉紅色，好夏日嘅清新柚子味。整體酒精感好低，容易飲都唔似 cocktail Whisky Snow - Whisky 混合朱古力，面頭有厚厚嘅 Milk Form，香甜醇厚係一杯大人版本嘅朱古力

alcoholicfoodie_inhk 7 個月前

一入去呢間餐廳就覺得好 warm，木系傢俬加上柔和燈光，令到成個空間好有格調又溫馨，坐得舒適，啱晒同朋友慢慢傾計。員工態度又友善，成個氣氛好輕鬆。 😋 煙三文魚薄切 ~ 配埋醃過嘅小蘿蔔，帶少少酸香，仲有香橙忌廉汁，清新得嚟又開胃。 😋 日本豚肉扒 ~ 厚切上枱，睇落份量十足，切開仲見到入面保持粉嫩，肉質鬆化又多汁。最妙係油脂分佈得好平均，煎到表面微焦，香氣四散。就算我平時唔太鍾意食脂肪，但今次食落去幾爽口，唔太覺有油膩感，反而帶出陣陣甘香，令成塊扒更 juicy、更有層次，好有驚喜！ 😋 Six Cheese Pizza ~ 六款芝士齊齊上陣，味道香濃到爆！薄餅底又薄又脆，唔會太 heavy。最特別係旁邊有兜蜜糖，加咗少少落 pizza 度，入口即刻中和咗膩感，仲帶住花蜜香，感覺又幾特別。 🍰 巴斯克芝士蛋糕 ~ 濃郁芝士味，入口唔會太甜，質感綿密，味道出色！ 🍹 Great Things Take Thyme ~ Gin 酒加接骨木花同百里香，入口有淡淡青草香，清新得嚟又有層次。 🍹 Sangria ~ 果香味突出，甜酸平衡得好，飲落好順口。 呢度嘅西日 fusion 菜式真係幾有心思，味道同配搭都有創意，環境又舒服，係一間好啱同朋友聚會嘅餐廳。