華記陳皮燒鵝

Shan Chan 2 個月前

今次我點咗燒鵝脾拼切雞脾飯🍗。一上枱，個賣相已經好吸引，燒鵝皮色金黃，油光靚靚🤤。燒鵝皮真係做到外脆內嫩，一咬落去「咔嚓」聲好滿足，啲油香加埋陳皮味，幾特別👍。鵝肉都算夠肉汁，唔會乾柴，食落去有啲層次感。 至於切雞方面就屬中規中矩，雞肉幾滑，唔會過老，但味道相對淡啲，要配埋豉油先夠味😅。不過配搭燒鵝一齊食，反而有個平衡感，一濃一淡幾唔錯。 價錢方面兩個人食咗220蚊💰，以觀塘區嚟講算中等價位，唔算特別平，但燒鵝質素對得住個價👍。

J M (JM.HKFOODIE) 2 個月前

[✨觀塘華記陳皮燒鵝 ] #觀塘 #華記陳皮燒鵝 🔸原隻燒鵝脾飯 $128 招牌燒鵝皮脆肉嫩，鵝肉肥瘦適中，油膩感唔重。飯底吸滿鵝油，超香！好滿足，強推！ 🔸燒鵝拼叉燒飯 $68 燒鵝同叉燒份量都唔錯，叉燒好香口，燒鵝保持水準，皮脆肉 juicy。性價比高，岩哂兩款都想食嘅人。 🔸金銀蛋時蔬（菜心） $88 菜心好新鮮，整碟清新解膩，配燒鵝剛剛好。 🔸凍檸茶 +$3 凍檸茶夠凍夠酸，茶味足，解油膩一流。 ————————♡♡♡♡♡♡———————— ✨總結 店舖係傳統小舖，但環境簡單乾淨，燒鵝質素好高質，份量足，性價比高，係一間值得信賴嘅燒鵝專門店，尤其鍾意食燒鵝嘅朋友，絕對唔會失望！ 📍華記陳皮燒鵝 🏠觀塘鴻圖道48號新榮大樓地下B號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港必食 #香港探店 #香港打卡 #香港旅游 #香港必喝 #觀塘探店 #觀塘好去處 #觀塘美食 #香港美食 #觀塘 #粵菜 #廣東 #燒臘 #燒鵝

Rabbit0804 2 個月前

滋味陳皮燒鵝 今晚來到觀塘工業區的華記陳皮燒鵝，有招牌燒味飯亦有小菜套餐，選擇不少！ 燒鵝雙拼飯餐（拼叉燒） 燒鵝外皮烤得紅潤油亮，入口香脆帶陣陣陳皮甘香，肉質嫩滑多汁，脂香恰到好處。叉燒蜜味濃郁，邊位微焦帶韌勁，咬下鬆化軟腍。 加配：燒鵝汁油菜 翠綠爽甜，淋上濃郁鵝汁，陣陣陳皮香，簡單卻驚喜 加配：咸蛋 鹹香起沙，配飯一流。 菠蘿咕嚕斑腩 斑腩炸得金黃酥脆，裹上酸甜開胃的咕嚕汁，配搭新鮮菠蘿、青紅椒，鑊氣十足。斑腩肉厚，外脆內嫩，份量慷慨。 跟餐的例湯是蕃茄薯仔雞骨湯，清甜無味精。 凍朱古力 濃郁香甜。 蜜椒薯仔牛柳粒 牛柳粒軟嫩不韌，蜜糖黑椒調味濃而不嗆，薯仔粒先炸後炒，外脆內粉，吸滿醬汁精華，佐飯一流。 熱菜蜜 跟餐同樣跟例湯及熱飲，清潤解膩。

Mochicouple_hk 3 個月前

🇭🇰 點樣搵到最正嘅燒鵝髀？ 1️⃣ 原隻燒鵝髀飯 ($128) + 凍菜蜜 (+$3) 🍗 燒鵝髀控必點！原隻髀咬落去啖啖肉，燒鵝皮真係做到好脆，唔係嗰種油淋淋嘅感覺！😋 雖然話係陳皮燒鵝，但陳皮味就比較唔明顯，鍾意燒鵝原味嘅朋友一定會覺得好正！配埋一杯冰凍菜蜜，甜甜潤潤，清熱又解膩！ 2️⃣ 華記招牌四寶飯 ($64) 🍚 選擇困難症朋友嘅福音！一次過可以食晒四種唔同燒味，抵食夾大件！最令我驚喜嘅係佢哋嘅叉燒，真係又軟又腍，咬落去每一啖都係肉香，完全唔會鞋口，食落去好有誠意！！ 3️⃣ 豉油雞半隻 ($98) + 凍奶茶 (+$3) 🐔 呢度嘅豉油雞半隻，色澤好靚，雞肉亦都處理得好好！外皮滑溜，肉質緊緻得嚟又唔會過老，豉油香味滲晒入雞肉入面，真係超惹味！配埋一杯港式茶餐廳必備嘅凍奶茶，茶底夠濃，奶味香滑！

Jeff Li 3 個月前

呢間「華記陳皮燒鵝」，主打「八年陳皮」加「妙齡燒鵝」，皮脆、肉嫩、仲要油花香完全唔膩口，連汁都唔普通。 今日咁啱遇到靚位，叫咗個陳皮燒鵝脾拼金奬叉燒飯，燒鵝脾大大件🍗，肉質入口仲要滑啫啫，燒鵝汁充斥住啲飯；至於金奬叉燒勁厚切🔪，肉質唔算淋，係有筋位咬口嗰款，燶邊位脆得黎帶焦糖蜜香，完全係白飯小偷！🥹 仲嗌多咗碟 燒鵝汁油菜，灼得翠綠，淋滿濃濃燒鵝汁，簡單菜都唔馬虎，碟頭好有誠意！💪🏽 🌟真心推介之選：燒鵝脾＋金奬叉燒 ＝ 極品雙雄，記住早啲到，晏咗真係咩都賣晒㗎！ #觀塘美食 #陳皮燒鵝 #金獎叉燒