一喜日本料理 ikki Japanese restaurant

Sze Lam 1 年前

相當好食，兼且裝修清新嘅小店 飯嘅份量大，對比其他舖頭應該有1.65倍大 兩個人食到好飽😌

Fai * 上次編輯：1 年前

老闆娘很友善，每道食物都細心介紹 美味之餘還要懂得如何欣賞 令到進餐的時候氣氛很好。 地方不大 不會太人多 故此不是太嘈雜 私隱度高 環境舒適

hk.foolala 5 年前

喺網上面見到呢間黃嘅壽司店，就即日去book試下😆 一坐低，店員就送上一碗枝豆然後話「送㗎，可以放心除口罩喇~」💛而枱面上都會有當日新鮮嘅刺身牌俾大家去揀 #牛舌串（$58）#雞腎串（$28） 牛舌村唔韌，不過調味偏濃🙈而雞腎都香同脆身 #正宗京都醬油牛肉鍋-小（$198） 份量非常多，兩個人食絕對夠，湯底醬油嘅味道甜甜地，又充滿牛肉汁，所以好好飲😋配上多塊唔肥嘅牛肉片、蔬菜同埋薯粉 一上菜時牛肉仲係生嘅，即場加熱令到牛肉熟度啱啱好唔會太老🤤 #海膽壽司（$120）#活赤貝壽司（$78） 因為我哋想食自己最鍾意嘅壽司，所以冇揀到壽司拼盤，而係自己配搭 整體海鮮都非常新鮮，完全冇腥味，推介其中兩款勁好味嘅壽司🍣 海膽壽司份量多，入口即溶，完全冇腥味；而活赤貝咬落非常之爽同脆😋 #自家製梅酒（$48） 梅酒唔會太過甜 唔錯唔錯 整體來講，喺尖沙咀嘅地段同晚市，價格算中上，不過海鮮嘅新鮮程度都幾高，同埋環境都坐得幾舒服

Ainex 上次編輯：5 年前

Lunch Set 款式好多選擇，由魚生丼、各款定食、麵食都有👍🏻👍🏻👍🏻 最後決定豪D，揀商務午餐，勁豐富😋😋😋 整個套餐有沙律、刺身、天婦羅、燒鯖魚及串燒，當然不少得白飯加麵豉湯，仲有咖啡或茶。 咁豐盛的午餐當然唔平，但絕對物有所值！ 2021.08 update 今年8月放咗一日假，又來這裏陪朋友食lunch。今次食咗牛肉鍋，痴線㗎！好鬼大鍋，仲要勁好味！想肥死人咩！！

Jett Lai 9 年前

閒談間服務員佢話我熟口面，哈哈，但我係第一次幫趁，非一般嘅親切感。 先講刺生，真係真係估唔到禁新鮮，牡丹蝦大隻又甜，油甘魚肥美，赤貝鮮甜爽口。 串燒比較欣賞牛舌，厚切好正，其他較一般。 生日優惠我地㨂左吞拿魚魚骹，燒得夠香好多肉，如果肥美d 仲好。 最後黑豚火鍋較其他遜色，聞落好香，豚肉都好食，但成個鍋係唔夠咸，落多兩粒鹽會好好多。 同三五知己去食的確唔錯，可以慢慢享受食物同傾計。