極尚大瀛喜日本料理

Cream Wong 2 個月前

🔥 $268爽食3小時！超狂刺身壽司放題 🍣 平日午市（12點入座）極速回本之選！刺身、壽司、串燒、炸物任點任食，連極限手卷、奢華熟食、清酒梅酒、Haagen-Dazs通通無限供應！

Choi PY 3 個月前

熟食選擇種類不算多，尤其是蔬菜類，只得蟹肉炒長形嘅西蘭花同沙律菜兩樣 即開榴槤好食，平時想食但買一個又食唔晒，咁樣連殼上幾好。手卷仔細細個好好，牛柳粒同牛舌都不錯，蟲草花湯好飲

Cheng Vic 4 個月前

好耐冇食《極尚大瀛喜》，感覺多咗唔少嘅新菜式，而且道都唔錯，今次我推介下面嘅菜式，有啲係一直都有嘅菜式，好似乳鴿呢啲，但呢個點都要點一件嚟食。 第一時間梗係去攞我最愛嘅清酒，其他嘅嘢食都冇點睇，今次我主打係刺身壽司，唔好嘥咗個胃。 今次個驚喜位係有「劍魚腩壽司」，劍魚腩本身係我嘅最愛，出面唔太多壽司店有，好鍾意佢果種油潤嘅感覺，大瀛喜嘅版本仲加左幾粒魚子，不論視覺上同味覺上都係享受。 「柚子醋香花海蜇」我覺得都係值得點，味道幾獨特，柚子醋香味突出，海蜇爽脆，加埋一齊成件事好夾。 「極尚磯煮凍鮑魚」有啲估唔到煮得都幾出色，煮得夠味之餘唔會過火，真心覺得好食。 「柚子醋鮟鱇魚肝」，同「柚子醋香花海蜇」一樣是用柚子醋，但出嚟嘅效果又同海蜇唔同，鮟鱇魚肝本身帶輕油潤，加上柚子醋係有種消膩嘅效果，呢個配搭係完美，係我必點嘅list。 「法國藍莓紅酒鵝肝」，諗呢道菜式嘅大廚要加人工，我冇諗到响一個放題嘅店舖，可以食到一個咁出色嘅鵝肝，鵝肝配蘋果加藍莓醬，味道係天衣無縫，一個膩，一個係帶酸性，完全帶出平衡，呢個係我少有再encore嘅菜式。 「王牌燒乳鴿皇」係必點，因為佢嘅味道出色，加上皮脆肉嫩嘅口感真係不得了。 「芝麻雞翼」又係必點嘅菜式，基本上去佢哋旗下嘅餐廳，我都會點呢個菜式，點好味法，真係試過就知道。 「酥炸桶蠔」炸得夠脆亦夠熱，蠔的鮮味亦都突出，熟食嚟講又係必點。 「海膽手卷」呢個冇可能唔點，尤其係海膽控，佢勝在唔大件，一口手卷，唔使食咁多飯之餘，又可以嚐到海膽嘅鮮味。 「香芒芝味魚生薄脆」係一個幾特別嘅組合，未試過嘅值得一試，幾款唔同嘅食物放埋一齊，味道係好清新，餅乾嘅脆口，加上魚生嘅鮮味，蟹子同菜嘅爽脆，呢個組合係好出色，真心值得點嚟食。 嚟緊APM會開《極．大瀛喜》，呢間我更加期待，佢係更高LV嘅大瀛喜，希望响生日果日去食🤤。

Umi유미 5 個月前

觀塘性價比之冠：坐足 3 小時！避風塘炒蟹＋大頭蝦任食 🦀 激推生啤梅酒放題 🍻 亞太中心呢間大瀛喜位置好方便，環境寬敞。最正係平日午市只需 $268+10% 就可以坐足 3 個鐘，慢慢食慢慢傾都無壓力。 味道評價： 呢度嘅熟食同海鮮款式真係多到令人驚喜： 海鮮控必試：避風塘炒蟹炒得極之惹味夠鑊氣；油鹽焗大頭蝦隻隻大隻，蝦頭仲有濃郁蝦膏，鹹香十足。藍鰭吞拿魚同北海道帶子刺身都非常新鮮，特別推介魚子醬藍鰭拖羅蓉手捲，入口即溶。 熟食回本組合：紅燒乳鴿王同燒羊架都係無限任食，乳鴿皮脆肉嫩，真係食兩對都已經回本。甘鯛䲞鱗燒配黑松露忌廉汁層次豐富，鱗片炸得好脆。酥炸生蠔外皮金黃酥脆，入面保持到蠔肉嘅鮮甜。吉品鮑汁燴花膠厚身軟腍，索晒濃郁嘅鮑汁，啖啖膠原蛋白。鐵板鵝肝多士鵝肝煎得表面金黃，配埋脆口多士，油香四溢。 驚喜燒物與點心：除左燒榴槤熱辣辣夠濃郁，仲有北海道白粟米好清甜。自助區仲有一籠籠熱騰騰嘅點心，蝦餃燒賣樣樣齊。 飲品與甜品： 呢度最正係有自動生啤機，生力同朝日生啤任飲，仲有梅酒放題，同朋友一人一杯真係好 Chill。自助區仲有小龍蝦、各式甜品同埋 Häagen-Dazs 雪糕任食+Nutella朱古力醬機，最後食埋豆腐花同新鮮水果真係好圓滿。 以咁嘅價錢食到炒蟹、大頭蝦同乳鴿任食，仲有生啤機任飲，性價比高到離譜。無論係家庭聚餐定同朋友慶祝，呢間都係觀塘區嘅不二之選！

Cream wong 5 個月前

平日午市只需$268/位，12點入座就可以食足3個鐘！刺身、壽司、串燒、炸物通通任點任食～自助區仲有沙律、甜品、雪糕同飲品超齊！