一匠屋

_siu9diary 3 個月前

每個餐都會附上湯同餐前小食(中華沙律、薯蓉沙律、麵豉湯)，薯蓉沙律creamy 得嚟食到薯仔粒，口感幾討好；麵豉湯入面竟然有三隻蜆。 壽喜燒豚鍋定食配烏冬：豚肉份量都幾多，口感爽彈。烏冬亦有彈性，就算本身已經煮熟，再放入鍋入面略煮都唔會太淋，反而吸到味更好食。 滑蛋吉列豬扒丼：吉列豬扒上半層保持到一定脆度，下半層被滑蛋包裹住又係另一種口感，肉身唔算特別厚，但食落仍有一定肉感。滑蛋蛋香同汁醬混合撈飯一流。 炙燒雙併飯 - 豚肉&牛五花：炙燒嘅香氣同油脂感非常突出，牛五花同豚肉各有不同口感，一邊較柔滑，一邊較有肉味，食落冇咁單一。 總結： 幾適合lunch 嘅餐廳，冇花巧野，價錢同份量都合理，仲包餐前小食同湯。喺附近返工不妨試下。

Molly Mo 3 個月前

前兩晚放工，同兩個同事去咗觀塘 The Wave嘅一匠屋食 dinner 吹下水。想食個有湯有飯嘅日式定食，又唔想太貴，呢度幾啱。我哋叫咗幾個定食，每份都有薯仔沙律、前菜小食同蜆肉味噌湯👍🏻 壽喜燒牛肉吸滿壽喜燒汁，濃郁得嚟又唔會死鹹。醬汁掛喺烏冬上面幾入味，烏冬煙韌有彈性，入面仲有豆腐、芋絲、蘿蔔等配料，都好入味🙌🏻 特選燒牛肉飯用USDA牛板腱部位，牛肉味比較濃郁，油脂唔算太重，但肉香幾突出，口感帶少少嚼勁，唔係淨係食油香。燒汁帶微微焦香，配埋洋蔥同蒜嘅甜味，成碗飯幾惹味！ 滑蛋吉列豬扒飯屬於穩陣comfort food。豬扒炸到金黃香脆，外脆內嫩有厚度，唔會油膩。滑蛋鋪面，蛋汁軟滑濕潤，中和咗炸物嘅乾身感，一啖豬扒加滑蛋同飯，滿足感幾高。 加配小食方面，牛油粟米牛油香氣幾突出，甜甜地幾討好；單骨雞翼外皮脆卜卜，入面肉質仲算嫩滑，屬於穩陣炸物款；中華沙律酸酸甜甜帶少少麻油香，清爽解膩。 薯仔沙律綿滑帶微甜，味噌湯熱熱地入口唔會太鹹，入面仲有鮮甜既新鮮蜆！有前菜有湯，成個定食好豐富👍🏻

L TongTong 4 個月前

今次係觀塘食一個快飯，今日同朋友揀左一間主打日式定食套餐的小店，每份套餐都會跟蜆肉湯、中華沙律同著仔沙律，有多款主食選擇，價錢由 $50 幾蚊起，非常抵食，仲係平靚正之選。🍜🥗😋 ✨ 滑蛋吉列雞扒丼（$54），吉列雞扒外層炸得金黃香脆，內裏肉質嫩滑多汁，配上色澤鮮亮、滑溜溜的滑蛋，醬汁帶少少甜味，撈埋飯一齊食特別夾，份量又多又滿足。🍗🍳🍚 ✨ 特選燒牛肉飯（$76），牛肉選用了美國牛板腱，脂肪位置較少，肉質軟嫩，表面帶少少焦香，醬汁濃稠，牛味香濃。🥩🔥🍱 ✨ 壽喜燒牛鍋定食（$70），除了丼飯外，仲可以打邊爐，湯底微甜，雪花牛肉片煮熟後軟腍入味，烏冬好彈牙，夠哂飽肚。🥓🐃

chiu f.s 4 個月前

這家開放式區域裝修，增加不少空間感，簡約木係裝潢，乾淨明亮，是典型的商場式日式小店風格。 我們點了三款套餐抵食又好味。 套餐定食包含蜆肉味噌湯、麻醬薯蓉及中華沙律。 🌟壽喜燒牛肉鍋物烏冬～$70 湯底帶有微微甜味，肥牛片又薄又嫩，配上豆腐和大白菜，連同Q彈烏冬一齊吃，超滿足。 🌟特選燒牛肉飯～$76 選用美國牛板腱，表面烤得微微焦香，咬下去肉味香濃嚼勁，搭配特製醬汁滲入米飯，真是超好食。 🌟滑蛋吉列豬扒丼～$54 豬扒炸得金黃酥脆，外脆內嫩，淋上滑嫩的半熟蛋汁後，蛋香和豬扒的肉汁完美融合，拌飯吃真的太正了👍 我們另外加了$18-$20追加了吉列南瓜餅和唐揚炸雞。 搭配冷抹茶，清新解膩，完美平衡了油炸物的重口感。

CarCar 4 個月前

平靚正日式料理 喺觀塘返工或者周圍去嘅朋友，成日都要搵吓邊度有平靚正嘅飯堂。呢度主打日式定食，定價非常親民，最啱想食好西又想慳荷包嘅小資族。 我哋叫咗3個餐，成張單加埋都只係 $226，真係平到笑！ 特選燒牛肉飯 (選用 USDA 牛板腱) $76 呢個燒牛肉飯真係誠意十足！牛板腱切得厚薄適中，燒得啱啱好，肉質好嫩滑，仲帶點油脂香。最正係上面加咗滿滿嘅蔥鹽醬，鹹香惹味，真係扒飯扒到停唔到口！ 滑蛋吉列豬扒丼 $54🐷🍳 $54 家陣可以食到咁高質嘅滑蛋豬扒丼， 真心抵食。塊吉列豬扒，外皮炸到金黃酥脆，切面仲見到厚實又帶點肉汁嘅豬扒。塊滑蛋鋪得好大方，仲保持住半熟、滑溜溜嘅狀態，甜甜地嘅醬汁滲入飯入面，性價比極高！ 和風清酒蜆肉湯烏冬$58** 🍜🐚 成碗鋪滿晒蜆肉，隻隻都好飽滿無沙。個湯底有淡淡嘅清酒香同蜆肉嘅鮮甜味，配煙韌嘅烏冬。 🍤 小食同飲品升級 跟餐加配小食都好抵： 吉列南瓜餅+ 冷抹茶+$18🎃🍵 南瓜餅外層炸得脆，入面嘅南瓜蓉超級綿密又甜，杯冷抹茶好大杯。 唐揚炸雞+ 冷抹茶 +$20🍗🍵 炸雞一份有三舊，炸粉唔會太厚，咬落去外脆內軟，入面嘅雞肉仲保持到肉汁，熱辣辣食超正。 跟餐仲會附送日式前菜：中華沙律、胡麻薯仔沙律同埋味噌湯，成個 Set 完完整整，絕對大滿足！ 嘢食高質、份量足、價錢平，絕對係觀塘區嘅平民美食綠洲，行過路過唔好錯過！