金寶泰國菜館

Alice C 2 個月前

晚上黃金時間7點半左右到訪，沒有提前預約，等了將近半小時才入座。 這裡價格中等合理，份量相當足。我們四道菜點下來完全沒有踩雷，每款都很滿意。尤其是青咖喱配法國麵包，微辣惹味，非常推薦；豬手同樣做得出色。 雖然之後推薦朋友光顧時，朋友反映食物偏鹹（可能是廚房發揮偶有失準），但以我當天的體驗來說，食物和店員的服務態度都挺不錯，整體感覺良好。

Jackey 3 個月前

舊同事生日選了這一間餐廳，週四晚上的餐廳不算太多人，也不用訂位，我們六人剛好坐滿一張圓枱，枱真是有些細的，所以食物只可以兩款兩款的叫，但是餐廳環境安靜，服務員的態度殷勤，食物算是中規中矩，首先來的青咖喱軟殼蟹，味道合我的胃口，配上麵包，真的一口接一口，另外點了串燒拼盤，水準不俗，但是雞皮有點遜色，太大塊和不脆的，再點了菠蘿炒飯和小食拼盤，之前來過的菠蘿炒飯有腰果，今次沒有了，味道中規中矩，每碟的份量都不太多，適合女士如果大食的話，可能會不夠飽，地點方便，可以一試。

Cheng Vic 3 個月前

今次又係食泰國嘢，我嚟呢度食嘅主要原因係出面落大雨，又未夠鐘食晚餐，叫做搵個地方飲杯啤酒hea下咁。因為book咗枱食晚餐，見時間尚早，見呢間泰國餐廳望落唔錯，就坐底飲杯嘢。我睇menu好多嘢食都好重型咁，唯獨係呢個串燒set好似唔係太多嘢咁，就點佢慢慢hea時間。我點嘅set有餐湯、串燒、泰式炒飯同飲品，我另外再點多杯啤酒，我個人要hea點都係要飲杯酒。 首先嚟嘅係湯，其實我唔知叫咩湯，只要去泰國餐廳總會遇到，我就叫佢「泰式冬瓜清雞湯 🥣」我個人係幾鍾意呢個味道，湯頭非常濃郁，醇厚之餘又帶有清雞湯嘅清甜，完全係我心目中嘅味，係可以再encore嘅湯。 跟住係「泰式炒飯 🍛」，食得出佢加上大量嘅泰式香料，泰式香料嘅香氣完全融入每粒飯入面，味道極濃郁。最特別嘅係佢嘅口感，帶黏性同口感，感覺似食糯米飯咁，而且越咀食越香，估唔到有驚喜。 串燒沙嗲（豬、雞、牛） 🍢 佢哋嘅串燒火候控制得極好： 豬：肉質出奇地鮮嫩，完全唔乾柴，加上濃郁嘅沙嗲醬後，惹味嘅醬香瞬間就將把肉嘅鮮美提升到另一個層次。 雞：同樣保持嫩滑嘅口感，而且最加分嘅係完全冇那種討厭嘅雪藏味，食得出食材新鮮。 牛肉： 肉味最為突出，入口出奇地幼滑。單食已經好夠味，加埋沙嗲醬後更加畫龍點睛，味道層次更加鮮明突出。 雖然只係搵個地方hea下，估唔到佢普通一個餐都合我嘅要求，相信下次我可以試下佢啲正餐。

Anastasia Lai 5 個月前

尖沙咀行街搵食必收藏✅ 多人聚會、打邊爐、聚餐超啱 性價比高，泰味超正宗，必回頭‼️ 🍢串燒拼盤超豐富 牛仔骨、豬頸肉、雞翼、雞皮、魷魚全部齊晒 燒得焦香入味，豬頸肉彈牙juicy🤤 🦐泰式生蝦酸辣開胃 醬汁超惹味，生蝦彈牙新鮮，一試上癮 🦀青咖喱軟殼蟹鍋＋法包 椰香超濃郁 軟殼蟹卜卜脆 法包浸咖喱汁簡直封神 🍝豬頸肉炒濕河 鑊氣十足 河粉掛汁超入味 🥘酸辣元貝鍋＋豬手豬髀煲 豬手燉到超軟腍 滿滿膠質 元貝湯底酸辣醒胃，超適合夏天 🍗海南雞半隻 皮爽肉嫩，清潤解膩，中和曬重口味 🥬泰式炒芥蘭 爽口翠綠，成枱肉食必點素菜 🍧甜品拼盤大滿足✨ 芒果糯米飯、斑斕糕、椰汁西米糕、椰青糕、焦糖燉蛋,一次過試匀晒泰式甜點，甜而不膩 🥤泰式特色飲品 三色冰｜鮮椰青椰果冰｜龍眼冰 清涼解暑，配泰菜一流

Chopsticks and Forks IG 9 個月前

🇹🇭 新年泰好味盛宴 尖沙咀地道風情餐廳 新年梗係要食個開心滿足嘅大餐。今次就嚟咗尖沙咀呢間地點超方便嘅泰國餐廳Cambo。裝修簡約泰式風情，坐得舒服仲睇到街景。 泰菜味道層次豐富，酸、辣、甜、鹹兼備，今次就叫咗幾道心頭好。 🦐 Raw Prawn Sashimi 活蝦刺身 呢碟泰式生蝦爽口彈牙，配上泰式酸辣醬，刺激又開胃！ 🔥 Grilled Skewer Platter 招牌泰式串燒拼盤 Cambo嘅必食招牌！幾款串燒份量十足、燒得香口入味。配上三款特色醬汁，各有風味同埋唔同辣度。最驚喜係魷魚鬚 … 超彈牙又夠香！而家仲有優惠，性價比滿分。 🦪 Spicy & Sour Scallops in Hot Pot 泰式酸辣元貝鍋 四隻大元貝超搶眼，打卡一流😍 湯底酸辣平衡得好，啱晒冬天飲。粉絲吸滿湯汁精華，每啖都濃郁鮮甜。 🍗 Hainanese Chicken in Thai Style 海南雞半隻 雞件嫩滑 juicy，去晒骨啖啖肉。加上泰式醬汁，微酸帶辣令味道更突出。傳統經典加泰式 twist，好有驚喜感。 🍛 Thai Basil Chicken Fried Rice 甲拋雞肉炒飯 鑊氣滿滿，雞肉加上羅勒香氣，每粒飯都炒得分明入味。荷包蛋燶邊好香口 … 呢碟炒飯夠晒滿足。 🥬 Fried Chinese Broccoli with Chilli in Thai Style 泰式炒芥蘭 簡單但絕對唔失色。芥蘭爽脆，配上辣椒同香料炒得惹味又有層次，開胃又解膩。 🍮 Crème Brûlée 焦糖燉蛋 焦糖面甜香脆口，下層滑溜溜嘅雲呢拿燉蛋香氣十足，每啖都幸福滿滿。超推介呢個甜品！ 整體嚟講，地點方便、坐得舒服、價錢合理，食物又有驚喜，難怪每次經過都暴滿。 Cambo ขุนทอง (The ONE) (尖沙咀) 尖沙咀彌敦道100號The ONE 4樓L403號舖 @CamboTheOne403 #TSTFoodPrint #泰國菜 #尖沙咀美食 #泰式串燒