勁餃笑（中環）

Erica Ma 2 個月前

放工好想食餃子 今日找到一間新開的餃子店 個名叫做<勁餃笑>, 連店名都好搞笑！！ <鮮蝦帶子粟米餃> 餃子皮薄餡多, 煎得又香又脆, 個底脆得嚟又香口, 入面填滿了粟米和蝦仁。 <皮蛋醬拌麵加雞絲> 將皮蛋切碎打成蓉, 然後混入了自家製辣醬, 充滿了皮蛋的香味和辣椒味道, 混入雞絲和拉麵, 非常惹味好食。 <黑松露粟米豬肉餃> 餃子充滿了淡淡的黑松露味道, 入面有爆多粟米和豬肉, 咬落去還充滿了肉汁, 好好吃！！ <粟米花枝餅> 外型有點像餃子, 咬落去外皮非常香脆, 入面有粟米和花枝餡料。 <自家製五香肉丁湯拉麵> 五香肉丁的肉粒非常大粒！！五香味道非常出眾, 帶微辣的香料味道, 和拉麵好配。 <炭燒雞肉串> 炭燒雞肉又香又好味, 雞肉亦都好嫩滑。 <醉雞翼> 醉雞翼是冷盤來的, 雞翼都幾大隻, 酒味非常突出。 <自家製凍蘋果雪梨水> 淡淡果香味道, 好清甜好潤。 餐廳最好食的是煎餃子, 全部即叫即煎, 香口好食, 而且隻隻都又大又多饀, 用料好足, 價格亦都好親民, 四十幾五十多已經食到十隻煎餃, 加二十元左右又可以配拉麵, 另外加其它小食都係二十元左右, 在中環區食餃子, 值得推薦！！ 勁餃笑 和安里3號地舖 #煎饺 #饺子 #锅贴 #勁餃笑 #中環餃子店 #中環拉麵 #中環煎餃 #香港美食 #黑松露水饺 #手工水饺

xox Chinggg 3 個月前

餃子皮薄餡靚，個底煎得夠曬脆，另一邊就好似蒸咁食到兩種口感！韭菜豬肉餃一咬差啲爆汁，韭菜味濃郁，拼埋另一款黑松露粟米豬肉餃，黑松露味勁香😆餡料比例均勻 加埋雞湯扁麵麻藥溏心蛋，充滿麻油香帶點麻辣好入味，雞湯冇味精好好飲，麵仲keep到少少煙韌口感唔會太淋！ 蘋果雪梨水清甜滋潤，仲有好多梨肉粒粒推薦👍🏻 食完佢嘅辣菜圃覺得好好食覺得要買樽大嘅返去慢慢食！

Kuwaklong 3 個月前

湯有雞湯同蕃茄薯仔牛肉湯 兩個都好有家常感覺唔覺有味精 幾順口 🆒大葉雞肉餃 呢個有啲意外驚喜 啖啖瘦肉但juicy 好怕食肥豬肉餃子嘅人必試 可以試吓點佢個青檸汁 即刻有泰式味道 好新奇有趣但係好食嘅新口味 🆙鮮蝦帶子餃 呢個組合出色 好似酒樓點心咁但變左湯餃子 粒粒都有帶子同蝦 清爽輕盈無肥膩感 🆗大蔥牛肉餃 牛肉餃點青檸汁 都好match 好fresh 無平時點醋咁悶 小食推麻藥溏心蛋 & 涼拌話梅苦瓜 前者惹味後者勁清新 呢個環境骨緻食物用心 下次會再黎食其他餃同小食

Daydream Day 4 個月前

身在中環的後街和安里，有十多款餃子可選，鹹餃甜餃都有😂 皮薄內餡飽滿。湯餃更配上零味精的雞湯，鮮甜好味～ 挑了三款餃子 大蔥牛肉餃 韭菜豬肉餃 鮮蝦帶子粟米豬肉餃 煎餃子方面，雙面煎，煎得挺香口，每隻一口份量，包得漲漲的，塞滿材料～ 推介韭菜豬肉，亦是三款中味道最濃厚的一款～ 煎香後更是外脆內軟～ 鮮蝦帶子粟米豬肉餃也非常不錯，咬開一絲絲的元貝連鮮蝦及豬肉，淡淡滲出帶子香味，層次豐富 另外都推介一下佢哋嘅自家製辣菜圃，香辣爽脆，非常開胃，每位顧客都可以自己添加㗎！ 最後來番杯凍桂花甘草茶，和蘋果雪梨水～

얀- 5 個月前

喺中環想平平哋解決一餐餃子真係一個唔錯嘅選擇！呢到餃子/面嘅選擇配搭都唔少，最鍾意佢嘅煎餃！底煎得夠脆！韭菜豬肉餃菜肉比例唔錯韭菜味好濃。鮮蝦帶子餃好足料而且出面好少會食到呢個餡。大蔥牛肉餃蔥味同牛味都兩者都好突出又唔會太鹹，白菜豬肉餃又幾鮮味 日式冰鎮凍烏冬夠曬煙韌，配自家製辣菜圃食都好正🤤麻辣雞絲拌麵好過癮咁鍾意食辣嘅朋友！面亦唔會煮得太淋仲有少少咬口 粟米花枝餅彈牙又夠脆好好食。月見雞肉串唔乾又帶少少香脆 蘋果雪梨水，桂花甘草茶夠晒健康又解渴唔會太甜！