香港醫學會中環會所

Helenana Chow 7 個月前

餐廳面積唔大，環境企理乾淨，座位亦都闊落有空間感。估唔到餐牌都有唔少特色創意菜式，而且味道普遍都唔錯。 💯😍 潮式凍馬友魚子醬 $168 食落有驚喜！首先佢將條魚切到整整齊齊，食落嘅口感好順滑。本身條魚即使冇任何調味，都食到濃郁嘅魚味，連外皮都煙煙韌韌有彈性。係我食過最有高級感嘅馬友。不過魚子醬就唔覺得有帶來額外嘅味道。 🤔杏仁片蝦多士 完全食唔到有杏仁片嘅味道或者口感，同普通蝦多士冇咩分別。麵包炸得有啲油，有原隻嘅蝦喺上邊。味道正常冇乜特別。完全冇杏仁片覺得名不符實，有d 失望。 👌🏼川貝檸檬骨 係淡淡陳皮檸檬嘅味道，味道唔係太重。比較唔鍾意係啲骨切得好細碎，食落唔係啖啖肉嘅感覺，而係好少嘅肉依附喺一舊骨上面，口感唔係好滿足。 👌🏼花雕蒸蛋白配蟹黃蟹肉 $288 蛋白蒸得好實，冇咩味。蟹黃賣相靚，但係味道比較淡，唔算甘香濃郁。花雕汁整得啲結結地，酒味非常淡。味道冇預期咁好味，好平淡。 👌🏼 三色煎豚肉餅 $168 有三款肉餅。墨魚肉餅最彈牙，芫荽肉餅同埋南瓜肉餅冇咩特別。 😋藤椒魚片 湯底味道有麻香，唔算辣。魚片嫩滑得嚟又厚身，唔會軟瀨瀨好薄好易爛嗰種，幾有口感，唔錯。 🤔脆皮牛腩 牛腩帶少少騷味，外皮炸得比較油。整體一般冇咩特別。 👌🏼 椒麻雞 雞件本身普普通通，唔算特別滑，感覺比較多雞胸肉，有啲嚡口。醬油方面，原本以為係用花椒汁淋面，原來係整成杰身嘅醬料。味道好溫和，唔辣，只係食到好輕微嘅嘅花椒味。整體不過不失，談不上驚喜。 😋 奶酥多士配白芝麻雪糕 $68 酥餅外皮炸得幾酥脆，咬落口感又幾柔軟又帶香味，口感有新鮮感得來味道唔錯，可惜只係得兩件，份量少左d 。 用嘅係白芝麻唔係黑芝麻，食起嚟都有充足嘅芝麻香味。 🤔杏仁茶 正常味道，唔算特別香口幼滑。 整體來講，菜式有d 新意同埋質素普遍滿意。另外，雖然呢到係用會員制，但係朋友話要入會其實好容易。

Paulina S 1 年前

今晚除夕吃中餐，主打傳統粵菜嘅私房會所 - *香港醫學會HKMA* 無需比會費就可以訂位嘅會所。地方雖然不是很大，但係勝在環境清靜傾偈都方便啲。 食物種類繁多，當然有我最鍾意嘅潮式凍馬友和黃金豆腐外脆內軟，亦都有三色熟豚餅和其他菜式都係非常出色，服務態度非常好，值得推介🤩

Caroll Chg 2 年前

昨晚與家人在醫學院餐廳慶祝生日， 地方雖小，卻五臟俱全！ 最喜歡醋浸涼瓜， 涼拌鮮菌，荔枝鴨，清新醒胃，增強胃納；手撕雞有驚喜， 眼望似是炸子雞的，蓋住伴有淡淡調味的紫洋蔥混合雞絲，類似冷盤，卻配合甘香香脆的雞皮；還有冬瓜盅，清蒸東星斑， 帶子飯，芒果拌脆炸大蝦，炒素菜 ， 酸甜排骨，清甜的桂花糕，和壓軸的蓮子蛋茶，最是潤喉！ 總而言之，份量超大，今時今日，抵食。 服務員哥哥招呼周到， 接納小朋友走來走去，還與小朋友搞搞笑，氣氛融洽，有種親切，家的感覺！

Helen Hosim 2 年前

癲喪星期需要酒精同見朋友～尋晚試咗香港醫學會中環會所，估佢唔到咁OK喎🥳 · 前身為香港醫學會李樹培醫生專業教育中心宴會廳（嘩嚡19個字😯個名可以再長啲添🤣）裝修哂仲轉埋名，仲有新Menu～晚飯每位五舊多少少～晚飯喎，喺中環喎，仲要味道唔差喎！🤨😎 · 先嚟一個潮式魚子醬凍馬友～$158～加咗點點魚子醬及普寧醬，馬友鹹香有油份，最緊要唔腥喎😎 · 呢個禮拜極之需要湯水～～兩日前預訂咗爵士湯～$368四位用～湯渣有花膠雞腳螺頭蜜瓜，成個人立即潤返晒🥳🥳🥳 · 花雕蒸蛋白配蟹黃蟹肉～ 擺盤好靚喎，個人認為淡咗少少，要問佢攞陳醋 （我是鹹嬋😎） · 巧手香麻脆皮鹽焗雞～$438 要訂全隻，小心呢隻龜係會令人停唔到口嘅🥹 · 牛肝菌瓦罉炊香苗～$228 之前朋友食過打包呢個飯俾我哋食，雖然凍咗但我哋都食得好歡欣🤣今次新鮮熱辣中式釜飯，不知不覺好快地又隊咗成碗🤣🥳 · 麻婆豆腐拼琵琶豆腐～Tofu on tofu魔鬼送飯之選👿 • #歌名最長都只係17個字 #是不是這樣的夜晚你才會這樣的想起我🤣

Gladys Chow 10 年前

昨晚（8月5日）五個朋友到此食飯，點了五個各自喜歡的小菜，相當不俗，會再來 ^_^