酒常堯

L. Rita 6 個月前

Weekend 好多人，Bar枱full曬。一旁竟然仲有live Music，大唱8-90十年代廣東歌，有情調，可以慢慢食、慢慢飲。 黎得居酒屋，當然要試下啲串燒。由左至右為：雞腎、牛舌、雞心。 首選係牛舌，不愧為必食推介。牛舌好嫩滑，有係日本色嘅憑覺，油香特出。雞心有驚喜，原來係醬燒。個人鍾意佢多過雞腎，因為更加惹味。 金黃色嘅燒雞翼，簡簡單單用鹽燒已經好出色。 見到有雞蠔肉，真係相對少見，因為位置係雞腿連結到雞背的兩個凹槽中，形狀有啲似較大既生蠔。燒完後皮脆肉嫩，有肉汁。 鹽燒黑豬腩甘香，配埋少辣嘅蘿蔔蓉同香蔥，係絕配，不停一片接一片咁食。 食串燒唔少得蔬菜類，感覺冇咁Heavy同埋清新啲。蘆筍豬肉卷，蘆筍好新鮮爽口。煙肉芝士大啡菇好濃芝士味，同埋煙肉嘅鹹香。 明太子蛋白玉子燒好特別，厚厚嘅明太子同埋表面嘅芝士好惹味、creamy 。

Carly Wong 6 個月前

小巷中的日式秘密 位於灣仔的小店「酒常堯」，是一間以日式燒物和清酒為主軸的居酒屋。甫踏入店內，微微昏黃的燈光和開放式燒台就讓人感受到濃厚的日式小酌氛圍。這裡沒有過多花巧裝飾，卻勝在食材講究、火候準繩，特別適合想要輕鬆小聚又追求質感料理的食客。 當晚我由一串自家製免治雞肉棒開始，軟嫩細滑，咬下去肉汁豐富，配上微甜的烤醬、蛋黃、青蔥和炭香，簡單卻令人回味。另一道流心芝士雞肉棒則是驚喜之作，外層焦香略帶酥脆，裡面的芝士如岩漿般緩緩流出，鹹香濃郁卻不膩口。 接著的厚燒牛舌心與薄切牛舌心形成鮮明對比；厚切版本爽彈之餘帶肉香甘甜，而薄切版本則以柔嫩取勝，每啖都能吃出師傅的心機。 鹽燒白鱔亦是店內亮點，外皮燒得微焦，魚身嫩中帶油脂香，簡單撒鹽就能突顯鮮味。 A5鹿兒島和牛他他則展現出更細膩的一面。和牛油花分佈均勻，入口即化，輕輕拌洋蔥，甜潤而不膩，香氣繞喉。 至於墨汁墨魚腸仔，外表深黑但味道清爽，帶淡淡海味，挺有玩味感。 最後的明太子蛋白玉子燒火候掌握得很好，蛋香柔滑、明太子微辣，平衡得恰到好處。 配酒方面，我選了「甲斐之地酒（甘口）」清酒100ml，入口柔和、米香突出，很適合搭配燒物。餐尾加一杯凍檸茶，清新解膩，結束這頓質感滿分的晚餐。 整體來說，「酒常堯」的料理有誠意也有層次，無論是炭火香氣、食材新鮮度，還是酒食搭配都展現出職人的細節與心思。對想在灣仔尋找一間細膩卻不拘謹的居酒屋的人來說，這裡絕對值得一試。

posy yuen 6 個月前

收工去左酒常堯可以一路食串燒一路聽 live band，現場氣氛更加係加分位，啱晒放工後同朋友去chill一晚🎶🍻 一黎炸一口芝士香濃開胃，明太子蛋白玉子燒口感輕盈，配上明太子鹹香，好適合做開場；流心芝士雞肉棒就屬於邪惡代表，雞肉香入面再夾住芝士流心，幾難唔鍾意🧀。明太子燒飯團外層燒得香脆，飯香加上明太子，愈食愈上癮 串燒種類都豐富,雞中翼香口、韭菜花豚肉卷油香同菜香平衡得好、秋葵同翠玉瓜新鮮清新、雞軟骨爽脆有咬口；而雞軟骨棒餃子就將脆感再升級，免治雞肉棒（自家製）食落扎實又有肉汁，屬於店內必食款之一 海鮮方面，清酒煮沙白鮮甜順口；食完沙白嗰個湯都仲飲得暖笠笠。邊食邊聽 live band，成晚節奏即刻chill晒，難怪會令人想再去第二次。✨

Ng Chun Ting 7 個月前

呢間直係隱世酒吧，我係蘭杜街來回行左十分鐘都搵唔到入口，原來係小巷入面，好彩見到呢個大型logo🤣 餐廳提供紅酒白酒啤酒同清酒，淨係紅酒都有10款以上，我就揀咗一杯紅酒，女友揀左orange tea sour，非常大杯。 - 秘製燒豆腐 豆腐外脆內綿，配上特製醬汁同木魚花，非常惹味😋 - 白鱔 呢個係店員強烈推介，外皮燒到好脆口，魚肉肥美彈牙，入口可以話係魚油爆發，店員無介紹錯！ - 燒雞翼 外皮超級香脆！唔算好多肉但肉汁鮮嫩。 - 明太子蛋白玉子燒 第一次食全蛋白既玉子燒，玉子燒煮得恰到好處，全蛋白既玉子燒比起一般玉子燒更加「鎖水」，口感非常嫩滑，明太子醬完全覆蓋下面既玉子燒，證明份量非常多。賣相好似壽司，一啖食晒都無問題👍🏻 - 紫蘇葉虎蝦雞皮 虎蝦肉質彈牙緊實，而且吸飽雞油香令鮮味大增。紫蘇葉既獨特風味大大提升味道既層次🥰，而且可以中和雞皮油膩感。 - 厚燒牛舌心 牛舌真係好厚身，入口爽脆肉味香濃，紫洋蔥碎增加一份香辣既味道👍🏻 - 三文魚籽燒左口魚裙邊 左口魚裙邊灸燒後油脂完全釋放出黎，魚油香氣逼人，入口即溶。三文魚籽每一粒都飽滿晶瑩，味道好鮮甜。 除此之外，我哋仲叫咗燒飯團、韭菜花豚肉卷、豚肉炒野菜同炸雞，味道一樣咁出色。 一開始覺得食物上菜時間有少少耐，但真係每一道菜式都好好味，另外同朋友飲酒傾談時間都過得好快，而且坐得舒服，等待絕對值得！Happy Hour期間，一杯酒精飲品加三串串燒只係$88，下次一定再嚟🤩

Ng Wan yin 8 個月前

｛ 灣仔｜高質惹味串燒 ｜ 10-02-2026 ｝ 今日去咗灣仔蘭杜街試呢間叫「酒常堯」嘅居酒屋，呢度裝修幾有格調，好適合收工後同朋友過黎飲兩杯食串燒。 ✨ 雞蠔肉 $42 呢個部位真係好稀有，肉質非常嫩滑而且多汁，燒得啱啱好，食落好有驚喜🤤 ✨ 厚燒牛舌心 (2串) $116 牛舌心切得好厚身，食落去口感好軟腍，帶點炭香味，好食到之後再encore 多串 ✨ 流心芝士雞肉棒 (兩串) $116 雞肉棒入面嘅芝士真係有流心效果，口感豐富，係必點之選👍🏻 ✨ 秘醬燒豆腐 (兩串) $64 豆腐外皮燒到少少焦脆，入面依然好軟滑，個秘製醬汁好滲入啲豆腐度，非常惹味😆 ✨ 鹽燒鯖魚 $78 鯖魚皮脆肉嫩，簡單用鹽燒已經帶出到魚嘅鮮味，點埋少少檸檬汁更加提鮮👍🏻 ✨ 明太子蛋白玉子燒 $58 & 明太子燒飯團 $58 玉子燒口感好嫩滑😋😋 明太子味好香；燒飯團外層好脆口，入面嘅飯團仲係熱辣辣，口感好有層次。 ✨ 雞中翼 $38、蘆筍豬肉卷 $42、冬菇 $28 呢幾款串燒都做得唔錯，豬肉卷包住蘆筍食落好清爽，冬菇亦都保持到水分，唔會燒到乾爭爭。 ✨ 少爺拉格手工生啤 $58 & Luminai $88 食串燒梗係要配返杯手工啤，呢度嘅少爺拉格好容易入口；Luminai 調味都幾特別，好適合解膩。 總括黎講呢度嘅食物質素好高，每樣串燒都做得好有誠意。服務方面都幾好，店員會主動留意客人嘅需要。環境氣氛幾正，係灣仔區一個好唔錯嘅聚會地點。 💰 人均～$430（已計加一） 酒常堯 灣仔蘭杜街2號麗都大廈地下1號舖