Taisyu Sakaba Kobako

amam 6 個月前

日本居酒屋街頭感十足🍻啤酒買一送一 煙燻蘿蔔忌廉芝士 煙燻過嘅蘿蔔切成薄片，口感爽脆之餘帶有一股淡淡嘅木香味，同時芝士嘅奶香平衡咗蘿蔔嘅鹹味，非常出色 芥末章魚 章魚好新鮮，食落去好彈牙，加埋芥末嘅辛辣感，非常醒神 沖繩關東煮（白蘿蔔、雞蛋、蒟蒻、牛蒡卷、沖繩豬手） 呢盤關東煮煮到好入味，湯底清甜唔會太鹹，白蘿蔔完全索晒湯汁，入口即溶，沖繩豬手煮到皮軟肉嫩，充滿膠質，另外雞蛋、蒟蒻同埋牛蒡卷都出色 （鹽燒）燒雞腿肉 & 燒雞胸軟骨 雞腿肉烤到外皮金黃帶點焦香，入面肉質仲保持到滑嫩多汁，簡單用鹽調味已經帶出到雞肉嘅鮮味 燒雞胸軟骨就更加考功夫，烤到好香脆，咬落非常有口感，食落完全唔會油膩 燒牛舌 牛舌切得幾厚身，烤到熟度啱啱好，咬落去質感爽口彈牙，肉味香濃，牛舌邊位仲有少少焦脆，食落去油分十足但唔會覺得膩 清酒煮蜆 清酒煮蜆份量幾足，肉質幾甜美，湯底有陣陣酒香，飲落去好清爽 明太子高湯茶漬飯 食完咁多小食，最後嚟一碗茶漬飯就最好。高湯味道清香，配埋鹹香微辣嘅明太子，撈勻嚟食味道啱啱好，飯團冇先煎香，再吸收咗湯汁之後變得飽滿，作為呢餐飯嘅結尾，真係非常解膩又舒服 Orion Beer (買一送一) 啤酒做緊買一送一優惠，CP 值極高，熱辣辣食完串燒，再飲返啖冰凍啤酒，真爽！ 大眾酒場 小箱 (灣仔) 灣仔汕頭街32號地舖

kam lam 6 個月前

灣仔隱世過江龍居酒屋🥢成個日本 feel 撐滿 入到去成個感覺即刻飛咗去日本🇯🇵灣仔搵到呢間氣氛頂級嘅居酒屋，超驚喜！ 正宗東京過江龍開新分店，直情由日本師傅坐鎮主理～店內環境完全還原日劇場景，氛围感拉滿，打卡飲酒超有 feel✨ 入座仲每人免費送一兜枝豆，簡直係最佳送酒小食！ 必點美食逐樣推👇▪自家製雞肉餃子外皮燒到脆卜卜，內餡雞肉鮮嫩爆汁，一口落肚超正！▪炭火燒雞皮口感煙韌夾脆，香口唔膩，越食越上癮▪招牌雞肉棒點埋醬油蛋汁一齊食，香滑惹味，熱辣辣超暖胃 冬天必試🔥牛肉壽喜燒鍋每人跟新鮮生蛋蘸住食，嫩滑入味，最後一定要加烏冬收尾，滿足感即刻 UP UP

CarCar 6 個月前

去開灣仔搵食，真係唔好錯過汕頭街呢間幾有驚喜嘅居酒屋。入到去發現佢有兩層，樓上位置更舒適，而且裝修好有日本居酒屋嗰種氣氛，好啱同朋友收工去chill吓。 三文魚籽吞拿魚蓉卷：啲吞拿魚蓉多到滿瀉，完全遮住咗下面嘅飯。三文魚籽鮮甜，配埋滑溜嘅吞拿魚，每一啖都好滿足，絕對係誠意之作。 燒牛舌：切得夠厚身，咬落去好爽口，鹽燒已經好好食！豬五花、燒青椒：用咗汁燒做法，甜甜酸酸嘅醬汁滲入肉質入面，非常惹味。燒雞翼：簡單嘅鹽燒最考功夫，呢度做到皮脆肉嫩，簡單調味已經帶出晒雞肉嘅鮮味。 花魚一夜干：魚肉烤得啱啱好。 清酒煮蜆：蜆肉粒粒都好飽滿鮮甜，帶住陣陣清酒香氣。 嗰日去晚市做緊飲品半價優惠！喺灣仔區嚟講真係極之抵，叫多幾杯盡情暢飲都唔會肉赤。

Eunice Lam 6 個月前

門口掛滿日式燈籠，招牌是日式懷舊風，室內也是完美復刻了日本居酒屋，簡直有種身處日本一樣。 當晚所有含酒精／無酒精飲品，全部半價，喝酒不喝酒的都開心。這裏店面少少的，但刺身／鍋物／串燒應有盡有。。 ✴️🍣滿溢蔥拖羅小卷（自譯）$118 Kobako Signature／Overflowing Negitoro Sushi Roll 好澎湃的拖羅蓉山，肥美而入口幼滑，借用我朋友說的，好像吃雪糕一樣，口感入口即化，還有咸鮮的三文魚子，份量剛剛好，多了會膩。 ✴️🐟三點刺身盛 $148 三點：厚切三文魚／厚切油甘魚／八爪魚，三文魚肥美而爽口，油甘魚油脂豐富而魚味濃，八爪魚非常爽脆。 ✴️🦑炸八爪魚 $78 八爪魚炸得剛剛熟，外皮酥脆，內裏肉質爽口又多汁，淋上檸檬汁再沾上沙律醬，解膩。 ✴️🐚清酒煮蜆 $98 蜆不算大粒，但好鮮甜，清酒煮過沒有酒味，但蜆的鮮味已經融入湯中，連湯都喝完了。 🍢串燒 ✴️🐔燒雞腿肉 $53 雞肉結實但不會硬，不是平時吃的嫩滑，燒的就應該有咬口。 ✴️🐓燒雞翼串燒 $53 3隻開邊雞肉，燒得乾爽不油膩，連雞皮都燒的帶脆口，雞肉多汁。 ✴️🐷燒豬五花 $48 串燒必選，不過要快吃，放涼會膩。只用了簡單鹽燒，連脂肪位都脆脆的，好滋味。 ✴️🐖燒蘆筍豚肉卷 $48 蘆筍竟然是爆汁的，爽口又清甜，跟豚肉絕配。 🍑🍹白蜜沙瓦 $58再半價 朋友說白桃味香甜，反而酒味不濃，不太能喝的，也可以輕鬆挑戰。 🍋‍🟩🍸生榨沖繩香檸梳打 $43再半價 沖繩香檸像東南亞桔仔味，酸甜酸甜，味道想不到會出現在日本料理裏，好喝又解暑，雖然還沒夏天，喝着也很舒服。 ✴️🍧柚子雪芭 追蹤他家的IG 就送雪糕，這我們當然不會放過。味道清新還吃得到柚子。 總結，餐廳致力打造的日本居酒屋氛圍，歡聲笑語，好熱鬧。服務也很不錯，客人基本爆滿了，店員忙前忙後，卻一點沒有不耐煩。食物質素也是真心好，最後查詢到原來是由日本廚師主理，難怪這麽地道。

Lulu Bubu 6 個月前

講起灣仔汕頭街，最近有間新開嘅居酒屋「大眾酒場 小箱」都幾Hit，今晚終於約咗個friend去試咗。呢度主打好多沖繩料理，香港嚟講真係唔多🫶🏻 推開門嗰下，真係有啲好似返咗轉日本咁，燈光昏昏黃黃，周圍都係日本海報，成個氛圍即刻出晒嚟，好日本feel😎 🍢厚切牛舌（Grilled Beef Tongue） 燒牛舌切得勁厚身，燒到啱啱好。入口唔韌，爽口彈牙，邊位有少少焦香。其實簡單咁唧啲檸檬汁，點少少海鹽，個牛味已經好出，送酒一流！ 🍗雞翼餃子（Chicken Wing Dumplings 2pcs） 呢個必嗌！將雞翼起晒骨，再釀入免治雞肉。咬落去，外皮燒到脆卜卜，入面勁Juicy，雙重口感。師傅真係好有心機，完全冇諗過雞翼可以咁有層次。 🥓五花腩露筍卷（Pork Belly and Asparagus）五花腩燒到微微焦脆，油香迫晒出嚟，包住中間嗰條新鮮爽脆又柔嫩嘅露筍，食多兩串都唔會覺得漏。 🍣招牌卷物（Kobako Signature Sushi Roll）呢個招牌卷份量超巨🤩🤩 吞拿魚蓉係多到滿瀉，一啲都冇誇張😳 仲有飛魚籽，一咬落去「卜卜」聲，配埋份量多到癲嘅吞拿魚真心滿足🫶🏻 🔥白燒鰻魚（Grilled Eel Shirayaki） 平時食開蒲燒，今次試吓呢個「白燒」，即係唔落汁，純粹用鹽同炭火燒。呢個真係好考功夫同食材，一食就知佢得，個皮燒到脆一脆，魚肉勁厚身又肥美，完全冇腥味。點少少Wasabi同豉油，個油香即刻昇華晒，超高質！ 🍚沖繩炒飯（Kubu Irichi Fried Rice） 呢個沖繩炒海帶炒飯大家一定一定要試吓，真係好好食😌 炒飯粒粒分明，而且好油潤，味道剛剛好，唔會太濃味，真係可以食幾碗😏 🐷泡菜炒豬肉（Fried Kimchi With Pork） 呢碟泡菜豬肉充滿鑊氣。泡菜嘅辣味同豬肉嘅油香融為一體，勁惹味🫶🏻 🥤飲品：沖繩檸檬梳打 & 沖繩檸檬啤酒（Okinawa Lime Soda / Okinawa Lime Beer） 食串燒點可以冇酒？杯檸檬梳打好Fresh，夠晒解渴；而杯檸檬啤酒就正啲，麥味之餘有陣檸檬清香，同啲燒物好夾，特別係配個鰻魚同牛舌，簡直Perfect Match！ 總括嚟講，「大眾酒場 小箱」真係一間好有Feel嘅居酒屋，無論係嘢食質素、環境定係服務，都令人好舒服。唔係嗰種好拘謹嘅高級日本菜，而係可以放低一日嘅攰，同朋友/另一半輕輕鬆鬆飲吓啤酒、食吓串燒嘅地方。價錢喺灣仔嚟講都算合理，絕對會Encore！推介俾鍾意日本嘢食嘅你！