靠得住粥麵小館 (奧海城店)

Hugo Ho 11 個月前

平時經開荃灣個間,都經常排長龍 今日經過奧海城有位, 就入黎試下. 味道唔差唔怪得成日都有人排隊

Yat Ching Lau 1 年前

靠得住在奧海城開得比較夜的餐飲，亦是香港買少見少的粥品店。我大約晚上九點到店，差不多是包場一樣，剩下兩台食客。 我點了心肝寶貝粥（$80），有豬膶和西澳帶子。吃一碗粥俾兩餸飯還要貴😅😅。粥底是鮮甜的，因為靠得住的粥底是用魚湯做的，不過要趁熱食，因為攤得太耐會變水。心肝寶貝粥有三片西澳帶子，帶子是爽和鮮甜的;豬膶是厚切彈牙的，帶子和豬潤替個粥品添了不少分數。 另外，我還點了和味豬手撈麵（$48），豬手是很腍的，但沒有其他味道只有鹹味，麵條亦很幼，不知是否遷就老人家而作出的轉變。 整體來說，粥品應該比麵食出色。如果夜歸想找地方吃飯靠得住可能是奧海城附近其中一個選擇。

jessis jessis 1 年前

路過靠得住，見到糉都有米芝蓮，行入店試吓，有個孖寶蒸蝦同胡麻雞$188咁低食，叫左一份試吓，當然唔少得叫埋咸肉糉食，加多碗帶子粥加鱔球。 先黎左隻糉先，隻糉軟綿綿，入口粒粒，咸蛋黃有流沙，好食。 到左胡麻雞，上碟很精美，有個小蠟燭薰熱碟雞，雞底層有豆芽菜，食落好重胡麻味，雞雖然未去到好滑，但有芽菜加分。 出晒煙帶子鱔球粥到左，帶子好大塊，帶子很甜，個粥好好食，下次再黎食過 粉絲開邊蒸蝦到左，蝦新鮮，好食。 原本想食埋甜品，但趕住離場，下次會試埋其他食品。

Flora MuSick 1 年前

店內位置舒適， 服務員態度和藹， 晚餐可以選擇小菜、粉麵食、 亦有咸肉糭、混醬腸粉。 價錢亦算合理。 晚飯時間不需要等位。

Sam Kwok 3 年前

叫了一個極品海鮮炒飯根薏米水和芥蘭。價錢114元。算是中上價。 炒飯有蟹柳蝦，蛋和菜。蝦是新鮮的，也有彈牙感。芥蘭煮得剛剛好美味。 這間店座位比較寬敞兩人的座作一人，四人的座位兩人坐。 可以用電手機下單唔需要等夥記下單。 中午12點15分前不用等位