嵐山日本料理

彭皓雯 2 個月前

手握壽司拼盤品相超精緻！食材新鮮透亮，甜蝦肉質軟甜、海膽濃郁鮮香，每一款壽司的醋飯口感恰到好處，用餐體驗很舒心，日料愛好者可以前來打卡。但是就是價格偏高，性價比不高。

Karen Chan 5 個月前

刺身食物新鮮，坐位坐得舒服唔太迫，炸物ok,但金目鯛魚鮫有d 遜色，總括黎講， 朋友表示滿意🥰

Li Yee Ting Louis 6 個月前

一去到未叫餐已經上茶同麵豉湯 丼飯好味/新鮮/掛住日本丼飯可以試下

Bonnie Kwong 1 年前

尖沙咀嘅嵐山日本料理，木系裝修簡約又帶點溫暖，令人即刻放鬆晒。店員又親切，招呼周到，氣氛一流！今日試咗二人前晚餐$899/2位，好值得同大家推介。 前菜 * 漬物三點及時令沙律
蔬菜鮮甜，食落清新！令人好期待之後嘅菜式！ 刺身四點 * 拖羅、三文魚、油甘魚及甜蝦（各2切）
拖羅入口即溶，油脂香濃；三文魚嫩滑鮮甜；油甘魚肉質細緻；甜蝦又爽又juicy，款款都超新鮮！ 壽司拼盤 * 有赤身、深海池魚、真鯛、帆立貝、金目鯛、日本海膽同拖羅蓉小卷。赤身鮮美，深海池魚口感特別，真鯛同金目鯛都好鮮甜，帆立貝彈牙爽口，日本海膽濃郁香滑，拖羅蓉小卷更加係驚喜之作，食完令人滿心歡喜！ 小食 * 山賊汁燒安格斯牛柳串燒得好香，肉質嫩滑，汁料入味；唐揚薩摩雞翼炸得金黃脆卜卜，外脆內嫩，食落真係停唔到口，啱晒邊食邊傾計！ 主食 * 廣島蠔味噌菜鍋湯底濃郁，蠔味好鮮，配上蔬菜食落好滋味；黑咖喱湯豬軟骨稻庭烏冬，咖喱香到不得了，豬軟骨燜得軟腍，烏冬又煙韌彈牙，好味！ 嵐山日本料理真係一間有質素嘅日本餐廳，食物新鮮、味道正宗，環境舒服，服務又貼心，簡直無得輸！想同朋友chill住食飯，呢度絕對係好選擇！

delish_ hk 1 年前

嚟咗位於尖沙咀嘅嵐山，就算係平日晚市都座無虛席，我哋叫咗佢個二人套餐$899/2位，套餐由前菜、小食、壽司、刺身、主食到甜品都展現出對食材嘅講究，非常豐富。 🥗前菜 「漬物三點」有3款時令嘅漬物，味道醃製得啱啱好，唔會太酸；另外仲有「時令沙律」，用新鮮生菜、粟米、蕃茄等撈埋酸方醋汁，食落清爽開胃。 🐟刺身四點 刺身非常新鮮，大拖羅油脂甘香，入口即化；甜蝦鮮甜爽嫩，另外仲有厚切油甘魚同三文魚，夠晒肥美鮮甜。 🍣壽司拼盤 壽司款式豐富，有爽脆鮮甜深海池魚、淡雅細嫩嘅真鯛、厚肉水嫩嘅帆立貝、幼滑回甘嘅海膽，仲有赤身同綿密拖羅蓉小卷。而佢哋嘅醋飯係用赤醋，食落更加有風味。 🍗小食 小食有兩款，「山賊汁燒安格斯牛柳串」肉質腍嫩，牛味香濃。「唐揚薩摩雞翼」外皮炸到酥脆，肉質juicy。 🍲主食 「廣島蠔味噌鍋」入面有大大隻嘅蠔肉，飽滿肥美，味噌湯頭香濃，鍋入面仲有菇菌、蔬菜豆腐等配料，非常豐富。除咗鍋物，仲有「黑咖喱湯豬軟骨稻庭烏冬」，黑咖喱湯辛香濃郁，夠晒惹味，豬軟骨腍嫩，烏冬彈牙。 最後仲有雪米糍做甜品。 。 。 嵐山日本料理 (尖沙咀) 尖沙咀棉登徑11號地舖 。 。