Little Napoli Pizzeria

Vivian 2 個月前

叫咗個Pizza同他他。 pizza好好食，跟住餅底都係偏軟又唔油膩，味道都剛剛好。 他他好腥。 但係呢間餐廳服務非常之差，我有預先一星期訂枱，並且準時到達，用餐時間1個鐘就俾人趕走話要交檯俾下一檯😅 明白餐廳比較細，位置好少，如果係Walk in客人你可以同佢講用餐時間要控制喺一個鐘，我特登book枱就係想享受晚餐，餐廳有責任要留足夠嘅同時間俾每一組客人。 體驗仲差過快餐店。外賣可以試下，堂食/聚會真系會令人感到非常不愉快。 另外呢間餐廳沒有tape water 提供，想飲水只可以$48一支不足500ml的支裝水。😅淨係一個pizza 一個拳頭大的他他，2支水埋單人均320。性價比實在低。有其他更好的選擇。

Zeta Chow 3 個月前

真係咁多年都拎米芝蓮唔係無原因，主打嘅pizza好食唔在講，其他嘅小食/意粉，甚至係甜品/飲料都好完美 服務當然都係高級，超級nice嘅Alfred 同 Arushma會提供適合嘅嘢食，又會顧及客人嘅用餐感受，真係好好嘅體驗🙏🏻

Yoyo Yo 4 個月前

其實我覺得真係唔駛多作介紹 拎咗咁多年米芝蓮真係唔會流啦 Pizza你睇住佢烤，拎上台熱辣辣，唔想俾機會相機食先，應該係我食先㗎！！相見到嘅已經係食完1/4先想影吓。 呢間另一樣好多人講，而又真係瘋狂地好食嘅係八瓜魚，如果唔抗拒呢個食材嚟呢度你點任何有八爪魚嘅料理都會好開心，又軟又淋八爪魚味濃，入口feel到吸盤有烤過嘅焦香… 另外想講吓服務，始終係一間細小嘅店舖，員工好快就會認得客人，每次都好關心客人用餐體驗點。 特別係經理嘅Arushma小姐，同埋香港人員工Alfred先生。兩位對自家menu都好熟悉，其實pizza又多又似，Alfred介紹嘅料理都好好味。新出嘅手工意粉幾近冇缺點（價錢貴係嘅，但價錢貴係我嘅錯）經理收碟個陣好關心客人用餐感受，好鐘意佢哋呢點。

Franky Ng 4 個月前

品嚐正宗的拿波里披薩，無疑是一場對義大利傳統美食的崇高致敬。其精髓在於簡約卻極致的工藝。首先，餅皮是靈魂所在，採用「00」麵粉、水、鹽和酵母，經過長時間發酵，手工延展成薄而富有彈性的餅底 [1]。烘烤後，邊緣（cornicione）會膨脹形成焦香酥脆的「豹紋斑點」，內部則保持柔軟濕潤，帶有迷人的麵粉香氣 [2]。 餡料的選擇極為講究，以瑪格麗特披薩為例，僅選用聖馬爾扎諾番茄、莫札瑞拉起司（通常是水牛莫札瑞拉）、新鮮羅勒和橄欖油 [3]。這些高品質的食材在極高溫的木柴烤爐中，於短短 60-90 秒內迅速烤製完成 [4]。高溫使得番茄的酸甜與起司的奶香完美融合，羅勒的清香則點綴其中，形成和諧的風味層次。 一口咬下，餅皮的韌性與餡料的濕潤在口中交織，那種外酥內軟、略帶焦香的口感，是機器無法複製的藝術。正宗拿波里披薩的魅力，不僅在於其風味，更在於其對傳統的堅持與對食材的尊重，每一片都訴說著拿坡里古老的披薩故事。

Jayden 4 個月前

一直鐘情拿玻里pizza，個種帶點煙韌有咬口既餅底。之前一直好想試一試Little Napoli，可惜一直都好多人要排好耐隊⋯⋯由於附近囍帖街新開pizza店，加上六點唔算晚飯高峰時間，唔洗排隊就食得。 總點，係一間‘’唔錯‘’既pizza店，僅此而已。入去叫個pizza嗌杯嘢飲就算，其他嘢唔好要求咁多🥱🥱 🍕Monaca 食材新鮮，雖然餐牌上標記住係辣既，但出到嚟一啲都唔辣。味道偏淡，餅底算係唔錯，但係冇咩咬口，亦都唔煙韌。食完唔會覺得難食，但唔會有一種覺得驚艷嘅感覺，普通野🤷🏻‍♂️ 🍝Gnocchi Sorrentina （Today’s special) $158 諗住嗌個意粉食，點知嚟到嚇咗一跳，個份量細到笑左出黎，一個好傳統既意式蕃茄醬入面就只有8粒手指公咁大既Gnocchi，唔知憑什麼賣呢個價錢，如果份量大少少都冇咁嬲，收一個main既價錢但係得appetiser既量😩