滿福庭 海鮮酒家

duffyyy 1 個月前

朋友介紹觀塘滿福庭午市點心幾有驚喜 優惠點心$9.8起 今次約埋屋企人去試吓🤓 酒樓裝修以典雅金致風格為主 設有水晶吊燈同宴會廳樓底夠高 比起一般街坊舊式酒樓更有空間感 燒賣 ($25.6 / 兩籠 4 件) 燒賣餡料結實彈牙，上面配埋蟹籽點綴 咬落肉汁豐富，有水準 黃金七味豆腐粒 ($58) 外層炸得金黃鬆脆 一口咬開入面豆腐超嫩滑！ 七味粉同鹹香調味啱啱好 點埋醋食更提味 蒜茸粉絲蒸元貝 ($88 / 4 隻) 元貝熟度剛剛好，口感鮮嫩 配合大量蒜茸同蔥花 底層吸滿精華嘅粉絲超入味 喺酒樓見到呢個價錢有四隻仲要新鮮有質素 真係好抵🤣 豉椒鵝腸炒麵 ($68) 炒得夠鑊氣 麵底炸香脆 豉椒醬汁均勻包裹每條麵 鵝腸爽口不油膩，份量亦好足！ 檸檬蜜蛋散 ($12.8) 呢道甜品做句號一流！蛋散炸得非常鬆脆 淋上香甜嘅蜜糖再撒上椰絲 入口即溶🤓

Firefire 1 個月前

今次去一間觀塘商廈里的中式酒樓飲茶，主打港式點心。環境不算花巧，寬敞舒服，侍應落單也快。樓下泊車搭lift就可以直達，可惜的是沒有消費泊車優惠。 朋友想吃燒鵝，剛好午市孖寶有燒鵝，「滿福孖寶」，包括燒鵝 1/4 隻及蔥花上湯米粉一窩。燒鵝肉質唔乾，皮面油潤，肥瘦比例平均，用嚟配米粉一齊食就啱晒。 「蔥花上湯米粉」好大一窩，足夠4個人享用，米粉條身偏幼滑，上湯味道清香，再用蔥花提鮮。 酒樓當然要吃點心，「蚧子燒賣」燒賣皮薄，熱度夠、餡飽滿。「薑汁雞包仔」熱騰騰，薑汁味有但唔算刺激，係比較溫和的走向；雞肉亦算細嫩。 「蜜汁叉燒包」甜香足夠，叉燒餡味道偏濃郁，食嘅時候覺得甜度控制得幾舒服，唔會一食就膩。 「香茜牛肉腸」牛肉腸口感有彈性，味道濃淡分配都合理。 「鮑汁炆雞腳」好入味，雞腳吾會過淋，保持應有口感

Baby Directs 3 個月前

🍋檸檬蜜蛋散 – 必食！蛋散超鬆化，淋上檸檬蜜糖，酸甜清爽，食完一件忍唔住再拎多件。 🦑七味炸魷魚鬚 – 熱辣辣上枱，脆漿薄到透光，七味粉微辣惹味。 🦢迷你干燒伊麵 – 話迷你但都大大碟又足料，老抽上色均勻，冬菇韭黃份量夠，鑊氣滿分。

Rita 3 個月前

今次去左觀塘飲茶，兩個人叫左幾款點心，整體感覺幾有驚喜，性價比好高！👍 月半灣水晶鮮蝦餃皇，粒粒都好飽滿。外皮通透得黎帶點煙韌，入面嘅蝦肉好爽口彈牙，啖啖肉。之後黎嘅香噴噴流沙包真係冇起錯名，一撕開黃金流沙真係湧出黎，鹹蛋黃香同甜味平衡得啱啱好，熱辣辣食超正！個皮真俾有抹茶味，幾特別😋叉燒包唔會太鹹，好食！ 另外，紅油抄手微辣帶酸，幾開胃。帶子海皇卷幾特別，入面嘅海鮮餡料都好足。最後食埋個外脆內軟、煙煙韌韌嘅安蝦咸水角，估唔到外皮炸得咁香脆，入面嘅餡料又夠惹味，口感層次好豐富。 呢度環境幾闊落，上菜速度都算快。喺觀塘區黎講算係非常划算，絕對會再回頭！

Tai Ruby 4 個月前

今日去飲茶兼涼冷氣，店內環境乾淨企理，食物高質。 古法馬拉糕 一上枱就聞到淡淡嘅麥香，入面濕潤鬆軟，口感綿密，食落有古早風味。 三姐潮州粉果 粉皮薄而帶韌度，內餡足料，味道不錯。 永和鎮鮮竹牛肉球 牛肉球外層香口，咬落結實又有彈性，肉味濃，係我至愛。 蜜汁叉燒包 叉燒包皮鬆軟，食落帶微甜蜜香；餡料係重叉燒香，配熱茶很好。 活剁生拆黃鮮蝦腸 蝦嘅鮮味好直接，口感爽彈但又唔會腥，而且質感細緻。腸粉順滑，絕對值得一試。