貓員外酒吧餐廳 (觀塘)

M T 2 個月前

今日受朋友邀請喺佢公司樓下食下午茶， 本來打算輕食，點知叫吓叫吓份量仲多過午餐😄😄 一向我知道朋友公司喺三布目樓上，但原來呢座大廈剛剛改咗名叫做「The ANGLE」。 講返呢間餐廳先，其實佢係一家有自製啤酒嘅酒吧，但因為朋友要返工，所以我哋冇叫酒精飲品，只叫咗四碟嘢食， 分別係香芒豬頸肉沙律🥗 黑松露雜菌意粉🍝、辣肉醬墨西哥脆片🌮、潮式腐乳雞翼👍🏻， 四款食物都有驚喜。 眼見有室外座位，等秋天再嚟坐出邊應該幾舒服， 尤其是鍾意飲啤酒🍻嘅朋友，有機會一定要你試吓。

Food Yummy 5 個月前

今個夜晚我同朋友去咗觀塘巧明街嗰間「貓員外酒吧餐廳」，喺三布目新商場入面，氛圍真係舒服又有格調✨ 入到去燈光柔和，音樂唔會太嘈，又望到維港海景，最啱朋友聚會、慢慢傾偈。可惜今日落雨，坐室外枱一定好chill呢！ 我哋先飲嘅下招牌貓員外酒花氣泡水、清新帶少少微甜，飲落唔會覺得有好多氣泡滯住，加埋檸檬同冰上幾清新！🍋🍸 主菜我哋叫咗秘制青醬牛扒，我哋叫咗七成熟。牛扒啲汁鎖住咗肉質，食落綿密有肉味，青醬味濃但唔搶！😋🥩 另外我哋仲叫咗一碟金沙鹹蛋黄培根意粉，鹹蛋黄香得嚟又唔膩，煙肉鹹香配意粉口感濃郁。我第一次食有鹹蛋黃嘅意粉，估唔到鹹甜平衡度做得幾好！🥚🥓🍝 最後我哋叫咗碟香芒豬頸肉沙律，芒果嘅酸甜好醒胃，豬頸肉油香豐富又好食，配埋沙律菜健康又滋味🥭🥗✨

tam lala 8 個月前

貓員外（4/12/2025） 今天和朋友去一間高質數的西式酒吧餐廳食下午茶！ 貓員外酒吧餐廳位於巧明街98號10樓L1005號舖！ 牛頭角地鐵站A出口步行幾分鐘就到！餐廳在一座新的大型商廈內， 門面以開放式的設計，用了一張很大的bar枱！室內的的裝潢好有酒吧feel， 枱椅擺設整齊，坐得舒適！室外的地方都大，乾淨整潔；令人有舒服悠閑的感覺！ 餐牌上的食物有很多選擇： 前菜、沙律、主菜、Pizza、Tacos 和不同的酒類和飲品等！ 🐮主廚牛扒（5成熟） 牛扒有濃郁的牛肉香味和油脂香，5成熟的中心嫩紅；肉汁飽滿！ 牛肉奶油般脂肪香氣突出，表面微脆焦香；每口都鮮甜美味！ 配上的青醬汁更能增加牛肉的鮮味！ 🍕巴拿馬火腿薄餅 有6大件，Pizza結合了薄餅的酥脆和巴拿馬火腿的鹹香，加上火箭菜的甜味和大量芝士；令整體味道和口感層次豐富，極具意大利特色！薄餅烤得外皮酥脆，內裏餡料豐富；超正！ 🐷泰式炸豬頸肉 有好多件，炸得好乾身和香口！ 上面鋪上炸蒜和椒粒，很惹味！豬頸肉煙韌有咬口，肉汁豐盈！ 泰式的做法很傳統和地道！ 🍺花𣁽 店員告知花魁手工啤是獲獎的作品！ 這款啤酒帶有花香和果香，口感清新！ 比利時修道院的啤酒有飽滿麥香味道，入口還有丁香香料味；特別適合配吃以上的食物！ 🍸貓員外酒花氣泡水 這是啤酒花氣泡水，無酒精、0糖、0脂肪和0卡路里！ 口味很清爽又略帶啤酒的微苦味，口感很特別；適合解油膩！ 這間高檔西式酒吧真係有驚喜，最值得推介就是手工啤；大家一定要去捧場！

kiki lala 8 個月前

原來觀塘有間新商場，叫三布目。今日朋友介紹呢個新景點，梗係要黎睇下。呢度真係好新，但原來已經好多人流。放工時間都幾多人。商場好多𨋢，一上直達9樓就好多野玩。勁方便。我地係10樓既貓員外酒吧，一上電梯就見一個好靚既酒吧舖面。入到去有一大吧台，有一面牆咁大既手工啤酒櫃，仲有好靚既戶外區坐。出面個景都幾靚，而家既天氣好啱出去chill住坐。 坐底梗係要啤下先，店員都好細心介紹，我地就叫左杯小二，超有花香同柚子味，仲有少少甜但又同麥味冇違和，真係好爽好正。朋友就叫左杯佳世濤既黑啤，好香純麥味，冇咁甜但好爽易入口。 叫左個雞翼小食配潮式腐乳醬，好特別，亦炸得好通透，送啤酒一流。 然後係好期待既手工pizza, 10吋Carnival pizza。餅皮厚薄適中，好多肉，配少少辣勁野味。再黎仲有黑啤豬肋骨配米香白汁同少少羅勒汁。呢個配搭真係一絕，超好味。 冇諗過呢間酒吧連食野都咁好味。呢個咁正既地方真係可以黎多啲呀。

CM Yip 8 個月前

經典牛油果&蝦TACO：軟熟的牛油果配上爽口大蝦，微辣醬汁將味道提升得更加惹味，TACO餅皮帶脆，薄身不油膩，送啤酒一流。 凱撒沙律配鮮蝦及溫泉蛋：份量十足，鮮蝦彈牙，煙肉粒和麵包粒鹹香度適中，溫泉蛋和凱撒醬拌勻沙律菜後，令整體感覺更滑、更香。 腐乳卡邦尼意粉：將港式腐乳與意大利經典卡邦尼融合，醬汁濃郁帶微甘，香氣突出但不會太鹹，煙肉咸香，這個fusion絕對係驚喜之作。 10 吋肉食主義者薄餅：配料包括火腿、煙肉、豬肉粒、川式辣肉粒等，非常多肉，拿坡里手造餅底柔軟，即叫即整，必點之選。 貓員外酒花氣泡水：(0 酒精、0糖、0 脂肪、0 卡路里)清爽解膩，帶淡淡啤酒花香，口感輕盈。 貓員外精釀啤酒(葡萄熟了)：酒精濃度只有 4.5%，入口先是葡萄的自然甜味，我覺得成功掩蓋左一般啤酒的苦澀，唔鍾意啤酒的朋友都能輕鬆接受，餐廳仲有不同口味可供選擇。