Plato Cafe & Bistro (觀塘)

Abby Man 1 個月前

Book咗夜晚7:00兩位，去到即刻安排入座 當日揀咗精選二人餐 侍應都好Nice同有禮貌。 餐湯加錢轉咗一個法式蟹肉龍蝦湯 龍蝦湯味道濃郁，蟹肉亦都好大嚿份量足夠 另一個照飲是日餐湯，係蕃茄湯 蕃茄湯係正常以上嘅水準，唔會好酸 頭盤煙三文魚凱撒沙律，凱撒沙律嘅醬夠鹹香，兩個人食share啱啱好 主菜一個叫咗波士頓龍蝦龍蝦汁意大利飯 同埋澳洲肉眼扒5成熟 肉眼生熟程度啱啱好，肉質夠嫩有肉汁 波士頓龍蝦估唔到都啖啖肉同埋好多膏，我仲拆咗啲膏出嚟撈意大利飯，龍蝦肉爽甜彈牙 甜品原味麻糬提拉米蘇&開心果白朱古力心太軟配雪糕 Tiramisu嘅麻糬夠奶香，開心果白朱古力心太軟，反而冇平時嘅朱古力心太軟咁甜，切開心太軟裏面嘅開心果醬流出嚟，攞嚟撈雪糕勁正。 平時比較少去凱匯食飯，原來餐廳出邊呢層出面有個公園，幾舒服比較寧靜，之後天氣涼可以再嚟試吓坐outdoor！

Shan Chan 2 個月前

今日去咗觀塘YM²嘅 Plato Café & Bistro 食晚餐，整體體驗非常滿意！😊 餐廳裝修走簡約時尚風格，以木系色調配搭柔和燈光，感覺舒服又有格調✨。座位之間有適當空間，唔會太擠迫，環境乾淨整潔，就算同朋友傾偈都幾自在，適合約會、朋友聚餐或者放工後輕鬆食餐好嘅。 今次揀咗一個精選套餐，由餐湯開始已經有驚喜。法式蟹肉南瓜暖湯口感順滑濃郁，南瓜香甜自然，配上蟹肉鮮味，層次感十足🥣。 主菜方面，波士頓龍蝦辣肉醬焗意大利飯賣相吸引，龍蝦肉鮮甜彈牙🦞，意大利飯吸滿醬汁精華，每一口都充滿香氣。而西班牙黑毛豬鞍架煎得恰到好處，肉質嫩滑多汁，外層微微焦香，口感豐富🥩。 甜品芝士蛋糕表現同樣出色🍰，質地綿密細滑，芝士味香濃但唔會過膩，作為一餐嘅完美結尾非常合適。飲品方面選擇都唔錯，配搭主菜剛剛好🥤。 最欣賞嘅係餐廳出品十分穩定，每道菜都睇得出廚房用心製作，無論擺盤、食材配搭定調味都相當講究👏。服務員態度友善，落單同上菜流程流暢，整體用餐感受輕鬆愉快。 如果鍾意西式料理，又想搵一個舒適環境同朋友聚會或者慶祝特別日子，呢間餐廳絕對值得一試！😋🍽️👍

LC Chan 2 個月前

觀塘超Chill打卡Cafe！大滿足精選二人套餐 週末去觀塘YM²行街，試咗呢間環境舒服又有情調嘅Plato Cafe & Bistro，今次叫咗個精選二人套餐，再加點一份意粉，CP值極高，質素充滿驚喜，而且係一間寵物友善嘅餐廳！🤤 🥩 澳洲肉眼牛扒 要求七成熟，火候控制得啱啱好！牛扒肉味濃郁，切開入面呈現粉嫩色澤，肉汁豐富不乾柴。 🦞 波士頓龍蝦汁意大利飯 絕對係全晚MVP！Risotto吸滿濃郁嘅龍蝦精華，每一啖都充滿海鮮濃厚鮮甜味，口感creamy得嚟又保留到飯粒咬口，十分出色。✨ 🍝 卡邦尼煙肉意大利粉 卡邦尼意粉亦無令人失望，醬汁濃稠掛汁，蛋香同芝士味完美平衡，加上微焦嘅煙肉非常惹味。 跟餐嘅 🌽粒粒粟米湯 香甜濃滑；小食 🦑天婦羅魷魚鬚 炸得金黃酥脆，外脆內彈牙，完全唔覺得油膩。 最後緊係要食甜品！ 🧇牛角窩夫伴雪糕 牛角包窩夫烤到外酥內軟，切落去咔咔聲。 另外一款甜點是Dreyer's雪糕杯，為呢餐畫上完美句號。

Sunny Wong 2 個月前

要見一個新嘅靚女，食甜品打卡最穩陣。觀塘好多cafe，不過都係工廠大廈裡面，如果著得太靚，出入未必方便，如果去商場食嘢，好多連鎖店，結果味道無特色。結果最後去一個商場，搵到環境舒適嘅地方。喺平台層感覺特別開揚，避開咗市中心嘅人潮，亦都唔使擔心工廈升降機排隊嘅狼狽。呢間雖然都有分店，不過其他分店試過甜品唔錯，所以都唔算妥協。 番茄忌廉湯 雖然約3：30，不過原來靚女淨係食咗早餐，唔可以直接叫甜品，都要叫一個主菜，所以第一樣出場嘅係湯。雖然望落質地好 Creamy，但估唔到飲落番茄酸味相當夠，完全平衡咗忌廉嘅膩感，夠晒清爽，為之後嘅主菜開好胃口。 BBQ 汁烤豬仔骨 $98 呢個選擇真係有意外驚喜。豬肋骨焗得極度軟熟入味，職員雖然漏咗拎刀嚟，但原來呢個肉質軟到連匙羹都切得開，嗰種好似港式茶餐廳豬扒一樣嘅軟腍度，係我第一次有呢種體驗，非常深刻。配角幼薯條雖然少咗啲薯味，但勝在炸得夠香脆，同軟嫩嘅主菜達成一個幾好嘅口感平衡。 既然你咁尊重場合，一套黑色裙，配珍珠頸鍊，飲品方唔可以求其，必須要打卡。 藍莓水果茶 +$26 茶壺入面用咗大量原粒藍莓乾，唔係用普通茶包或者果乾碎，一拎出嚟已經聞到好香濃嘅果味，配埋玻璃茶壺同底座嗰粒蠟燭，成件事即刻高級晒。 玫瑰士多啤梨梳打 $48 我自己就鍾意飲凍嘢，所以唔叫一壺茶，叫咗杯同樣清新嘅梳打。除咗有士多啤梨嘅香甜，仲食到玫瑰花瓣嘅花香。最值得一讚係店家嘅細心，佢哋將調配好好嘅梳飲品，連同剩返半支泰象梳打水一齊送上，確保唔會飲到一半變晒糖水，呢種對玫瑰花出味嘅堅持同服務態度，確實比好多同類餐廳更講究。 最後壓軸出場嘅係兩個甜品，真係同我哋嘅飲品好配合。 開心果白朱古力心太軟 +$48 心太軟一插入鐵叉，流心即刻湧出，雖然白朱古力甜度較高，但蛋糕邊焗得微焦帶出嘅苦味，配合開心果嘅果仁香，平衡咗成件事。配埋旁邊嘅雪糕，嗰種冰火交融嘅效果真係無得彈。 香芒牛角窩夫配雪糕 作為店舖嘅創新之作，咁有牛油香嘅窩夫，配上凍冰冰嘅芒果同雪糕，係夾嘅。但作為食客，見到美女切落去都要花啲力氣，證明今次都有啲硬。即刻有少少「歐洲人視角」嘅心痛，始終呢類牛角包麵糰做嘅窩夫（Croffle），本質上將花咗心機開酥嘅層次放落窩夫機壓扁，令酥皮變硬。不過，講到尾，喺香港咁做一定比較穩陣，加上絕佳嘅擺盤配色，作為打卡甜品，仍然係唔會出錯嘅選擇。 小計：$308 加一：$30.8 總數：$339 成個節奏好舒服，由餐湯嘅驚喜、豬肋骨嘅軟嫩，到甜品嘅顏值，Plato 嘅表現確實超出一般連鎖店嘅水準，係一個非常適合約會嘅好地方。

Anthony Chung 3 個月前

好鍾意去觀塘YM²食飯，一來唔會好似 APM 咁多人，二來食肆又巿特色，尤其是平台花園，環境真係 Chill 到爆！今次揀 Plato，燈光柔和，枱距舒服，適合傾偈食野。 三個人吃，食咗精選二人套餐，份量足到爆，夠三個人食！首先上嚟是日餐湯，兩碗都好creamy。 前菜 酸忌廉煙肉薯條 推介！薯條炸得金黃脆卜卜，內裡綿密，酸忌廉醬 creamy 帶微酸，perfect 開胃小食！🍟 主菜亮點 波士頓龍蝦龍蝦汁意大利飯，龍蝦肉鮮甜彈牙有膏，飯粒粒粒吸滿濃郁龍蝦汁，creamy又入味！🦞 另一款 澳洲肉眼牛扒 叫咗5成熟，切開粉紅多汁，外層炭燒香脆，肉味濃肉質嫩，一啲都唔韌！🥩 開頭唔知份量咁勁，叫多咗個 卡邦尼煙肉意大利粉，點係食唔晒囉~甜品環節都冇得輸。芝士蛋糕鬆軟滑溜，芝士味唔 heavy。開心果麻糬提拉米蘇就係驚喜！開心果味香濃，麻糬 Q 彈！🍰